DANIEL 8:8 - ASII LAKDAP Bible (BSI)

⁸ Kra chhepongwe ka alachong dokdok pinthum shiikong siq wanto. Shatmaq apaiq ningkun jonglu henghea bala liipan niili, arong ka angoq she riikito. Kra rongchü chamchang ba kiijaq, ajongjongwiq rongnye rongblai she chamto. Kra rongblai chamtaq kriika, arong tsii thun ka, siimblai ri na tiinyi raqraq riito.

Hawa Naga Bible 2001

⁸ Khelkhix kuex pinhtumc thuinz yungx wvnc tueq, yuq muinz piq luimc vkawc johvlc nuex httuiuc rac vrungx kuex ngawk kaz tueq. Kvruex yuq pungdungc vrungx bvlic dung wvnc vtueq samx bvlic nuex pungpungx nyez ruingx rvtueq.

DANIEL 8:8 Referencias Cruzadas

2 KAÜWA WERAÜ 26:16

Shatmaq Hokhamwe Ujjia ka aningkun chaq wan kiita ashkong she riikito. Kra ningkhan apaiq ka dea wanto. Apaiq raq Tatiwe apaiq Shiikeawe tri jin raüta Shomjam berong-wacha na homseng honglu chaq wa danto.

ESTHAR 9:4

Ümkhiiwa ngukla, Mordekai ka Hokhamwe rung na ajong pinthum she jawanto. Kiimaq apaiq khushü jonglu ka jongruq jong wanto. Krai mren apaiq mangchong kiimin mung na, atsa aba she nyam wanto.

JEREMIA 49:36

Ngi raq Elam mung khuthaq na trotam maq rathaiq jonghea mitiisaüha. Lata Ngi raq Elam mungti ka mangjong tlotli na wiita mijo baiqha. Tsangshiqnok munglu shumwi kong raq mangjong hiq wa maiq mung kra wiita minyam wan shaq wiiwii mijobaiqha.

JEREMIA 5:27

Wushi tiiminti raq boriiphong ka wushi lap raüta tiimatlaq ikha, tsangshiq raq tsangshiq jam thun ka maiqtsiiq tek raüta tiima phongtlo. Kra ningkhan tsangshiq ningkun ka aheng kiimaq chiithe sitlo.

EJEKIEL 16:7

Ngi raq ümniika pecham ashi aheawiq phintsaqtsaq hea ikha tiichhanchhi wan kang. Ümniika ahong ala she jonglu wan laü kiimaq jetu jong she jawan laü. Ümnyakpü thun ka aheawiq she jonglu wanto. Kiimaq ümkhu dap kiimin aheawiq she jonglu wanto. Shatmaq ümniika kheahü riilaü.

EJEKIEL 28:9

Riita ümtiikiiwa tsangshiq ka ümnaq tseakai kitlaq akhing na, ümniika ratiwe tiina nguta tsütsit ruqli shea mirhaü? Ümtiikiiwa ümnaq tseakaiti matwebi rai riihumtlaü, kiitiikaq ümniika maiqse ma mija haü, ra wa maiq ka riimak.

DANIEL 11:4

Shatmaq apaiq mungtan ka pinthum ajong alu, ahong ala siwan tlaq bala, apaiq mungtan ajong ka mungtan blai miishe mitiikhoki. Raüta kra mungtan blai hokhambi ka apaiq lai ala phan riimak, maiq pongphanti raq mung ka misiq wan. Shatmaq tsangshiq ningkun ka apaiq ningkun jong khan ka riimak miraq.

DANIEL 4:31

Apaiq nübok wa bomtsi ka mithum shaq niili, ramungtan wa maiqbom ashi akha saükito, “Hokhamwe Nebukadnejar lei, ngi raq jamlai wa ngutiikang ara tai liishaq! Ümchaü ümjaq wa hokham jaqsham arang ka nyeabaiqto she.

DANIEL 5:20

Shatmaq, apaiq ka shiikonghea she, wanshakshak, kiimaq maiq ka ji maq nishishi haihü wanto; kriikha niishe apaiq ka hokham ngachang wa lambaiqto. Raüta apaiq khushü jong ka mokito.

DANIEL 7:2

arthun ara riito: Rahai ka trotam maq haiwanto. Raüta sammoktra chum ka wiita brakshaq wanto.

DANIEL 7:6

Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.

DANIEL 8:22

Kiimaq aphashaqshaq acham arong kra tiingoq kai jai she, arong rongblai anye chamwan nongtaq kriika, kra Grik mung ka jaimaq, mungtan blai miishe mitiikhoki. Raüta hokham weblai riishe maiqmiimii mung she mipeng wan. Riita kra mungblai miishe tiikhokitaq kriika, apha na mung ashi maq siji na jamkho ningkun ajong riitaq, kiikhiika riimak she miraq. Tsangshiq ningkun ka ajom she miraq.

DANIEL 8:5

Ngi ka kra chhilata, jamlai wa ahiq nguta awang rai rashi hiqwea tiima rai tiikang liipan niili, shenyap mung nü kiiwa chhechhi pongwe ashi ka, phiqhea langlang, ahokphi ka hiq na than mak miili, abi ali saü wanto. Apaiq makpo wiinai hea wea na ajongwiq kaü arong ashi asi.

DANIEL 8:7

Ngi raq apaiq raq skupongwe thaü rea kra liisiq kang. Apaiq tsankhiq ka henghea riito. Kriikha maq, apaiq raq skupongwe ka peatamtam raüta, arong wiinai ka tiingoqra thaübaiqto chhikang. Skupongwe raq apaiq ka tang mak riito. Krai mren apaiq ka hiq na tiikii miilii raüta hok maq nishishi thaübaiqto. Kiimaq apaiq tiichhiiketi ka jumin ahü riito.

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Mark 13:27

Kra akhing na apaiq raq rasetiim ka tiiki raüta mangjong hiq barap se na siti Shiikeawe raq atsea wan maiqse angu thun wiita kra mirchom hea wan.”

TRI CHONGKE 31:20

Ngi raq tsangshiq ka ara hiqpo hiqwin mung na mishea wanha, Ngi raq tsangtitiim ma kiqkham kuqkang kra phan phan. Kiijaq tsangshiq ka phaq asea chamtraq wok phetaktak misi. Kiimaq tsangshiq ka polokhiq chamtraq mishong wan. Shatmaq tsangshiq ka iwokhong wa midongho, raüta laihin sumla phra kong kriishe mishomnoq wan. Tsangshiq raq Ngi ka ashu she mirbaiq wan. Raüta Ngi raq akuqha itongshong raütu kriishe mijin wan.

Revelation 7:1

Arjai miishe, ngi raq rasetiim blai ka, ara mangjong hiq diim shokblai na chap raqraq chhikang. Raüta, tsangshiq raq rahai shokblai maq hai wan tlaq kra ato riibaiq tlo chhikang. Arka mangjong hiq rai khü na kiimaq sammoktra jü na nai pechong wiirü thun thaq na, rahai ka tiisaü mak chang miitu tobaiq tlo.