DANIEL 8:22 - ASII LAKDAP Bible (BSI)

²² Kiimaq aphashaqshaq acham arong kra tiingoq kai jai she, arong rongblai anye chamwan nongtaq kriika, kra Grik mung ka jaimaq, mungtan blai miishe mitiikhoki. Raüta hokham weblai riishe maiqmiimii mung she mipeng wan. Riita kra mungblai miishe tiikhokitaq kriika, apha na mung ashi maq siji na jamkho ningkun ajong riitaq, kiikhiika riimak she miraq. Tsangshiq ningkun ka ajom she miraq.

Hawa Naga Bible 2001

²² Vphaungc rungx jix ngawk kay yix rungx bvlic dung tueq kuex mungtan bvlic yaungx wvnc tueq miqphvnx rv-phvlc wvnc ruiux, vphaungc wawc mungtan ikhoc hungc vlaungc httax muq shex rvtuex.

DANIEL 8:22 Referencias Cruzadas

DANIEL 11:4

Shatmaq apaiq mungtan ka pinthum ajong alu, ahong ala siwan tlaq bala, apaiq mungtan ajong ka mungtan blai miishe mitiikhoki. Raüta kra mungtan blai hokhambi ka apaiq lai ala phan riimak, maiq pongphanti raq mung ka misiq wan. Shatmaq tsangshiq ningkun ka apaiq ningkun jong khan ka riimak miraq.

DANIEL 7:6

Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.

DANIEL 7:7

Ngi raq ara liirat tiikang liipan na hali, ngamthaiq kaüblai ngoja kra dong wanto. Kra kaü ningkun ka jonghea, liibi, kiimaq maiqkii maiqnyii. Awi thun ka jinwi. Ajong min jonghea. Kriimaq atra phan nyamse ka tiibun miilak kaqphaq tlo. Kiimaq ahok maq nishishi tsatbaiqtlo. Apaiq ka ngamkaü ahin kiikhiika riimak. Akhu na arong roqshi asi.

DANIEL 8:21

Kiimaq chhechhipongwe chhilaü kriika, Grik mungtan. Kiimaq amakpo wiinai liipan na arong ajong wiq ashi chhilaü kriika, Grik mung pengti aphashaqshaq hokhamwe kra.

DANIEL 8:23

“Kra mungtan thun ka then wan, akhing she saüwan raüla, tsangshiq ngarai ka ra ma hiq ma she miraq, tsangshiq raq mo ka hochang dongdii she miraq, kiimaq hokham weshi ka, atsan tsii wanshakshak, shotsan lumtsan, kiimaq laopha pinthum she midong wan.

DANIEL 8:3

Kiimaq kra jürai kii na skupongwe ashi ka, arong ka anaijong kiimaq aluluwiq chhikang. Kriiwa ashiti ka alulin kiimaq anyelinlin riito.

DANIEL 8:8

Kra chhepongwe ka alachong dokdok pinthum shiikong siq wanto. Shatmaq apaiq ningkun jonglu henghea bala liipan niili, arong ka angoq she riikito. Kra rongchü chamchang ba kiijaq, ajongjongwiq rongnye rongblai she chamto. Kra rongblai chamtaq kriika, arong tsii thun ka, siimblai ri na tiinyi raqraq riito.

JEKERIA 6:1

Kiimaq, ngi raq thongshi hali, itok ka ra nü na dolata liikang. Krai mren, kumrang leng blai, nairai pum nai heawea maq akai rai chhikang.