DANIEL 8:15 - ASII LAKDAP Bible (BSI)

¹⁵ Ngi raq kra riisham makchhi liichum kra jamlai wa riita ahiq nguta, rashi hiqwea chapa rai tiikang liipan niili, tiihanghiiq miili maiq weshi ikhaki na chapsaq chapkito.

Hawa Naga Bible 2001

¹⁵ Ngaz Daniel rueq romzyac tvkhic vlvmz kuex yvmx lac rvtvnx tuiuz tay laz juing hunglaungx yaq nuex, miq vshiz huingc rvhek laz maq ngvy max nuex jvp kaz ruex.

DANIEL 8:15 Referencias Cruzadas

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

DANIEL 10:16

Kiijiishe maiqwe ikha chaptlaq rase raq, ajaq ka tliisaq raüta, inübii na ajaq maq shamto. Ngi raq apaiq ma ngukang, “Shiilangwe, ara riishammakchhi ariiraq ngi ka ihü ihan wiitashe tiikhai kito. Ngi ka tiikhai mang she ngukang min, apaiq tiikhaikhai she tiikhai raitlo.

DANIEL 10:18

Jangshi ri hali apaiq raq idü na shamsaq sham nongto. Kiimaq ngi miimin ikhum na iriika phanshi ahong lin lin she riito.

DANIEL 10:5

Ngi raq ra nü na kisaq liikangta, maiqwe weshi ka raihi-nairai khea miirii samraü, kiimaq achhü na awongsii chaq shinket paraü chhikang.

DANIEL 12:8

Apaiq raq jamlai wa chongtaq, kriika ngi raq taikang. Shatmaq kra liichum ka ngi raq taklot mang riikang. Kriikha niishe ngi raq, “Shatmaq shiilangwe lei, arka jamkho mithum wan?” nguta waikang.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

DANIEL 7:28

Arshe riishammakchhi bomchong raüpot cheke thum. Ngi ka phiipraq tsaikang. Ithea ka lütaitai kiinyii kang. Kiimaq phanrap chhitai wan kang thun ka itsan mongniili shaq thükang.

DANIEL 8:1

Hokhamwe Belshajar raq munglang wanli maq wiitsam she angu na, ngi raq riisham mak maq thongnai ngoja shammi makchhi hali chhinong kang.

DANIEL 8:19

Raüta nguto, “Ngi raq ümniima Shiikeawe tsankhiq tsingo ka jamlai wa miraq kra tiichhi kuq tiikang. Kra riisham makchhi kriika, phangthum akhing na seng raüta tiichhi kuqto.

JEKERIA 1:9

Ngi raq apaiq ma, “Chaü lei, arkong ara jamlai wa?” nguta waikang. Kiijiishe, “Tsangshiq ka jamlai riitiwa, ka ngi raq ümniima michong kuq kang.

Matthew 13:36

Jesuq ka mungphong thungrai tlaq kra baiq thü raüta, ajam niishe wawanto. Raüta, tapmong na ngawato. Kiijiishe, ajaqshisetiim ka apaiq phana waraüta, “Bunwong rü na sang nguta shiiton chong laü liichum ka naishiq ma chongkuq laq,” nguta apaiq ma bom ka tiitsang waito.

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

Mark 4:12

Arka, asii bomtsi na akha chongthüje dongdii, ‘Tsangshiq raq mak maq chhi shatshat taü miimin, chhi mak miraq; tsangshiq raq taishat shat taü miimin, tak lot mak miraq. Tsangshiq raq tak raü jiika, tsangshiq tsantsii miklai wa; kiimaq Shiikeawe raq tsangshiq ngarai ka midii kuq wa.’ ”

JOSHUA 5:14

“Ngi ka namshiq phenlawe min riimang, kiimaq namshiq ma wesang min riimang. Ngi ka Tatiwe phenlabi pengti Ajong Phentuwe,” nguta treto. Kra tai raüta, Joshua ka kriiwe khaki na hiq na bumkisaq shomnoqto, Kiimaq, “Chaü lei, ngi ka ümdise. Ngi raq jamlai riichang wa?” nguta apaiq ma waito.

Revelation 1:13

Kiimaq kra piijongteng kham wang mong na, maiqwe ikha samtong honglu jonghea, ahokphi na saüli samraü, kiimaq chaq shinket pa raü chhikang.

Revelation 13:18

Ara waiqtaq ara liichum tak miitu ka, namshiq taksu maiqse ma jawan raa tlo. Ümriiti wa taksu maiqse, kriiti raq ara ngamthaiq kaü lombot liichum ka mitak lot. Jamkhano ngukla, kra lombot ka maiq weshi mang liichum. Kra lombot ka 666.