DANIEL 8:10 - ASII LAKDAP Bible (BSI)

¹⁰ Kra rongkaüti ka ramungtan phenlabi thun kriimin khatlotli chang she ningkun henghea she jawanto. Kiimaq ra wa raiqsaiq thun kiimin khatto. Raüta raiqsaiq thun wiijam ka mangjong hiq na tiidea tsuqbaiqto. Raüta apaiq raq tsangshiq ka hok maq nishishi nibaiqto.

Hawa Naga Bible 2001

¹⁰ Kvruex kuex raungmungx nolaungx bix khvt taungx laz hungc vlaungc yungx wvnc tueq, ruiysuiyq htenc wawc wvyvmc kuex ghaq nuex tuip gay ruiux nuiuz gay tueq.

DANIEL 8:10 Referencias Cruzadas

ISAIA 14:13

Ümniika ramungtan na düwantlo hajaq nguta pinthum shiikut chaq wan laü. Laüta ümhokham ngacho ka ratsan ramong nyang na raiqsaiq thun thaq na diiluhea pinthum ba na nga wa hajaq nguta shiichaq tlaü. Ümtsan mong na kra pum khu thaq na shekhu nünü kiijaq phra kong ngongthun tlaq ba kiijaq hokhamwe ikha ngahajaq nguta tan khan wan laü.

JEREMIA 48:26

Tatiwe raq nguto, “Mob ka che ma tiichok laq, jamkhano ngukla apaiq raq ikiq khiito. Mob ka apaiq phai raitaq kriithaq kiijaq akap atsea miküliisiq laq. Kiimaq maiq raq apaiq ka chhi raüta minai küsiq.

DANIEL 11:28

Siria mung hokhamwe raq sepat lopi ka atum atum maq tsuq wan raüta, tsangmung niishe mijang wan. Tsangmung na jang wan lam maq, Shiikeawe sengi raq Shiikeawe shomnoqtlaq kra shiithen baiq miitu atsan mong na khekham miraq. Krai mren, apaiq raq athithi, mishthen baiq. Raütiishe tsangmung na mijang wan.

DANIEL 11:30

Roman phenlabi ka mokkiitu pahea maq kiraüta, apaiq rai she mirkhat. Krai mren, apaiq ka ahaisi she miraq. “Kra ningkhan apaiq ka atsankhiq walüwa ikhiishe miraq. Raüta rejang wan lam maq, Shiikeawe senginok raq Shiikeawe shomnoq tlaq lamphan kra shiithen baiqla nguta mitan khan. Apaiq raq kra lamphanti phongwa, Shiikeawe lamphan baiqthü raüta ahin lam na kihotaq kriiti raq apaiq ma tsii chongkuq tlaq kra phan phan miklo.

DANIEL 7:7

Ngi raq ara liirat tiikang liipan na hali, ngamthaiq kaüblai ngoja kra dong wanto. Kra kaü ningkun ka jonghea, liibi, kiimaq maiqkii maiqnyii. Awi thun ka jinwi. Ajong min jonghea. Kriimaq atra phan nyamse ka tiibun miilak kaqphaq tlo. Kiimaq ahok maq nishishi tsatbaiqtlo. Apaiq ka ngamkaü ahin kiikhiika riimak. Akhu na arong roqshi asi.

DANIEL 8:7

Ngi raq apaiq raq skupongwe thaü rea kra liisiq kang. Apaiq tsankhiq ka henghea riito. Kriikha maq, apaiq raq skupongwe ka peatamtam raüta, arong wiinai ka tiingoqra thaübaiqto chhikang. Skupongwe raq apaiq ka tang mak riito. Krai mren apaiq ka hiq na tiikii miilii raüta hok maq nishishi thaübaiqto. Kiimaq apaiq tiichhiiketi ka jumin ahü riito.

Revelation 12:4

Ra na raiqsaiq diim tlaq kiiwa, mantsam wa manshi rii ka prenkaü maita maq chhii raüta, mangjong hiq na wan baiqto. Apaiq ka maiqnyung khaki na chapshat maq kheshat riito, maiq- nyung raq ase ka chiiri, apaiq raq noshii se ka phaqho ma nguta khekham riito.