DANIEL 7:6 - ASII LAKDAP Bible (BSI)

⁶ Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.

Hawa Naga Bible 2001

⁶ Ngaz rueq lawc yaq nuex, vganc vsvl kuiux vshiz dung kaz yaq. Kvruex kuex jaqtuik kuiux ikhoc rvtueq, yuq muinz vruiyx khuix nuex wushawx raungx ikhoc vraungx bvlic raz tueq, vkhux poz bvlic httax yaq. Kvruex yuq vrangx vpangx vhttax kvshvmx yaq.

DANIEL 7:6 Referencias Cruzadas

EJEKIEL 17:3

Tsangshiq raq Ngi, Tati Rakaü Hiqwe raq tsangshiq ma jamlai wa chongkuq tiikang ara misap laq: Man na liihawe kaü jonghea lang lang ashi riito. Abin thun ka tsomhea kiimaq arakong wiinai min jonghea. Tiipü kla raham hiqham. Apaiq ka Lebanon pumkaü thun kiina biwanto. Raüta maisak chong mun kra toqphat ngoqto.

DANIEL 10:20

Apaiq raq nguto, “Ngi ka ümphana jamlai miitu wa kikang kra asap haü sha? Arka Tengteng Lakdap na jamlai wa waiqthütaq kra ümniima tiichhikekai kikang. Ümchaü ngi ka ajang wan nongchang she. Lata Parsia mung liiti rase rai riikhat wan chang. Kra jai maq, Grik mung liiti rase kriishe misaüho. Ngi khrumti ka ahin jumin ahü, Israilnok liiti rase Maikel sitlaq kli.

DANIEL 2:39

Ümnaq jai niishe, mangjong hiq na, ajong pinthum hokham weshi hali mishong wan. Kriiwe ka ümhokham jong khan ka jongmak miraq. Kiimaq kra jai miishe ka hokham ajong pinthum wetsam, ngoja kriishe mishong wan. Kriika miiki maq alo kra miraq. Kriiwe riimin mangjong hiq ka hamli mung milang wan.

DANIEL 7:4

Apha shaqshaq kaü ka, hangsikaü sham ikha. Shatmaq liiha kaü ikha arakong asi. Ngi raq liirat tiikang bala liipan niili, arakong thun ka chatbaiqto. Raüta ngamthaiq kaü ka ado raüta maiq ikha tiichapto. Raüta apaiq miika maiqse khutsai she thiikuqto.

DANIEL 7:5

Kaünai ngojati ka chapbikaü ikha, awühok wiinai maq chap raü riito. Anübok niika, maiqsiim rii atsam kamraü. Kiimaq maiqbom ashi raq apaiq ma akha thaüto, “Bakphaq laq! Ngam ka ümchu phaq wa rotlaü phaq laq!”

Hosea 13:7

Arningkhan ngi hangsikaü miishe mijaha. Lata tsangshiq mikaqphaqha. Ngi ka chiqwaiq kaü miishe mijaha. Lata lam maq mikheha.

Revelation 13:2

Kra, ngamthaiq kaü sham ka chiqwaiq kaü ikha. Ahokpe ka chapbi hokpe ikha. Kiimaq anübok ka hangsi nübok ikha. Prenkaü raq ngamthaiq kaü ma, apaiq raq rüm tlaq ningkun tu, apaiq ngachang hokham ngacho, kiimaq apaiq raq rüm tlaq arang jonghea kiiwa wiijam triisha raüta kuqto.