DANIEL 7:25 - ASII LAKDAP Bible (BSI)

²⁵ Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

Hawa Naga Bible 2001

²⁵ Piq rueq Johvlc Tishox kuex khawx lvlx vtueq, Tishox miqsaz kuex tuinghtuing shuex. Piq rueq tsuingshiq kvmluimx tvrac htenc nuiyc phuiuz vsvy moalx htenc kuex layc gay roc yaq, Tishox miqsaz htenc muinz piq luimc vkawc khung nuex wawc thuimx jvnc httax tuex.

DANIEL 7:25 Referencias Cruzadas

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

DANIEL 11:28

Siria mung hokhamwe raq sepat lopi ka atum atum maq tsuq wan raüta, tsangmung niishe mijang wan. Tsangmung na jang wan lam maq, Shiikeawe sengi raq Shiikeawe shomnoqtlaq kra shiithen baiq miitu atsan mong na khekham miraq. Krai mren, apaiq raq athithi, mishthen baiq. Raütiishe tsangmung na mijang wan.

DANIEL 12:7

Kiijiishe rase raq ajaq wiinai ka ra nü na doraüta, pattup pat-sa Shiikeawe mang na, ramkhamkok sham raüta, akha kiqkham kuqto. Apaiq raq akha nguto taikang, “Kriika wiitsam ri wiithiq miraq. Shiikeawe sengi tiichamchao wan jai maq, arthun mra arshe mipin wan.”

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 3:26

Kiijiishe, Nebukadnejar ka watum khok nyairaitlaq kilü kiina ra na wato. Raüta tiihong raüta, “Shadrakh! Meshakh! Abednego! Ajong Pinthum Shiikeawe sengi! Kinphai na dongki rongkiq!” nguta heato. Kiimaq tsangtsam ka watum mong wa donghosaqli dongkito.

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 4:2

Ngi ma Ajong Thaq Na Ajong Shiikeawe raq amao chang kiimaq awang chang jaqsham thun tiichhikuqtaq kra chong tiikang tai ronglaq.

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 7:18

Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

DANIEL 7:20

Kiimaq ngi raq, akhupo na arong roqshi sitlaq kra, kiimaq jai maq apong wan, arong ashiti kriiraq, arong roqshi phong wa, rongtsam ngok baiqtaq kra samhea sap wan rokang. Kra rongti ka amakpo min asi, kiimaq anübok min asi. Kiimaq anübok maq pinthum shiikong tsütsittlo. Kra rongti ka arong ahinti thaq na phiiptsi jiiptsi chang riito.

DANIEL 7:8

Ngi raq arong thun ka liirat tiikang liipan niili, ara arong phong mong na, arong aranse ashi hali cham wanto chhikang. Kra arongse raq, kongkhu wa arong phong kiiwa, atsam ka arangchong maq chatbaiqto. Ara rongti ka maiqmak ikha, amakpo min asi. Kiimaq anübok miika pinthum shiikong miilong bomtlo.

DANIEL 8:11

Kiimaq kriiraq ramungtan na siti Hokhamwese phenlabi thun kra dongdii min teimak khat wanto. Kiimaq Hokhamse ma ranaiqtek nyamse honglu takuqtlaq kriimin wiitashe tiithaq baiqto. Kiimaq Shomjam kra wiitashe tiishe baiqto.

DANIEL 8:14

Kiijiishe rase ashiti raq, “Arka ranaiq 1,150 na saüli mitangta wan. Ara akhing bala na ranap nai raji honglu take wan ka tiikuq mak miraq. Kriijai miishetiq Shomjam na honglu ka mitiikuq wan,” nguta treto taikang.

DANIEL 8:9

Ara rongblai phong arwa, arong ashi thaq kiijaq, rongranse ashi she cham wan nongto. Kra rongkaüti ningkun ka shemai nünü kiina, kiimaq shedong nünü kiina, kiimaq Kiq Akhamkuq Mungtan nünü kiina khat wan raüta jiiwanto.

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

Hosea 7:16

Tsangshiq ka iwokhong wa juhoto. Raüta phra sumla noqhoto. Kriika athii arii min ahü. Tsangshiq ka liqphü abi kojo ikha jakito. Jamlai ngamhiip kaichang min riimak. Tsang mung welabi kumronghea bomtlo. Kriikha na chiqse rewe jaq na mitsai. Kra chhi raüta Ejip mungti minairai,” nguta Tatiwe raq ngutlo.

2 Thessalonians 2:3

Namshiq ka maiq ma mo tlao naq tlao rongkiq. Phangthum ranaiq ka mosaü kai ka saüki mak. Phangthum ranaiq saüho miika, mangjong maiqse apako raq, Shiikeawe lam ka phan wan mak she miraq. Kiimaq, Abi Thawe kriishe misaüho. Apaiq ka Shiikeawe ma wesang. Shiikeawe raq apaiq ka wamungtan na chaq baiq miitu dongdii athiiq arwan.

2 Thessalonians 2:4

Maiqse raq phra nguta ümchuwa shomnoq tlaq thun ka, apaiq raq angeng mirwan. Raüta, apaiq kli she, wiitarü thaq na ajong pinthum nguta, mihongla wan. Raüta, apaiq kiitiina Shiikeawe nguta, Jerusalem Shomjam mong na minga wa.

2 Thessalonians 2:8

Kra shiikhingti we ka Shiikeawe raq lambaiq raü jiitiq, Abi Thawe kriishe misaüki. Shatmaq, ümtiikiiwa Tati Jesuq kriishe saühojiiq, kiijiishe anübok wa dongtlaq, atsitsü hea nepja maq, Abi Thawe kra misebaiq. Raüta, apaiq khushü walüli ka wa ikha, achhai anyii liliim tlaq, kriimaq mitiithen chaq baiq.

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.

Revelation 12:6

Kiimaq, jechak nyung ka kumtsaiphii bintang jüngi hiq bashi, Shiikeawe raq tiijeje athü, kiijaq tiipaü juhoto. Kiijaq jechak nyung ka 1,260 ranaiq aheawiq shiililii raüta mitiisi wan.

Revelation 14:12

Arningkhan, Shiikeawe sengi bi, Shiikeawe wokhong na sitibi ma, kiimaq Jesuq wokhong na sitibi raq anin wan chang raa tlo.

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”

Revelation 17:6

Ngi raq kra nyung ka, asii maiqsetiim tiijai nai Jesuq hakhi ma jawanti tsatbaiq wantaq kra tiijai nyang raüta, chephe maakaiq chhikang. Ngi raq apaiq ka chhi lata pinthum awang raili she riikang.

Revelation 18:24

Bebilon chela shiithen baiqtaq ka Shiikeawe shammibi nai Shiikeawe sengi tsea baiq wan kha na shiithen baiqto. Arka tengto, mangjong hiq na maiq tiijai ümchuwa tiidongtaq thun ka apaiq riito.