DANIEL 7:22 - ASII LAKDAP Bible (BSI)

²² Kiijiishe pattup pat-sa atrali sitiwe ka ki raüta, kha ka Ajong Thaq Na Ajong Shiikeawe sengi tlop na phokuqto. Shiikeawe sengi mungmaiqse raq Shiikeawe jaq wa hokham ma jawan aming lap wan akhing she saüto.

Hawa Naga Bible 2001

²² Kvruex yimaq pattup tvraungx httaz yoalx shex waz svt kaz vtueq, Johvlc Tishox miqsaz htumc nuex khac phoc juing lvmx htvp htaz tueq. Tishox miqsaz rueq hokhvmx luimc vkawc lvp wvnc vkhing kuex httuiuc wvnc yaq shex.

DANIEL 7:22 Referencias Cruzadas

Tvtsvmc 149:5

Shiikeawe sengi raq re tangtaq kriima chochi ronglaq, kiimaq rawa minru chochikhiq shi ronglaq.

ISAIA 63:4

Ngi raq isenginok tiichhiikewan akhing ka saüto she nguta thapthi wan kang. Tsang jaqtinok thun ma mo tiiho akhing ka saüto she.

DANIEL 7:18

Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

DANIEL 7:23

Ngi ma kra liichum ka akha chongkuqto: “Ngamthaiq kaüblai ngojati ka, mangjong hiq na hokham jonghea blai ngoja midong, kra mungtan ka ahinti kiikha riimak, pong lin lin miraq. Kra hokhamwe raq mangjong tlotli, tiisiirai mishthen baiq, bunlak buncha hiqrai mishotbaiq.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

2 Thessalonians 2:8

Kra shiikhingti we ka Shiikeawe raq lambaiq raü jiitiq, Abi Thawe kriishe misaüki. Shatmaq, ümtiikiiwa Tati Jesuq kriishe saühojiiq, kiijiishe anübok wa dongtlaq, atsitsü hea nepja maq, Abi Thawe kra misebaiq. Raüta, apaiq khushü walüli ka wa ikha, achhai anyii liliim tlaq, kriimaq mitiithen chaq baiq.

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 5:10

Ümniiraq tsangshiq ka, Shiikeawe shiikumpan ma ramwebi mungtan ma tiija laü; kiimaq tsangshiq raq mangjong ka misiq wan,”