DANIEL 6:2 - ASII LAKDAP Bible (BSI)

² Kra tiitsuq ma, apaiq raq wanghuptibi tsii chongke miitu kiimaq hokhamwe jaqsham kra liiwan miitu, Daniel nai akongti wenai ka ngongwetiim ma shongto.

Hawa Naga Bible 2001

² Kvdvyx muinz rvmuq piq rueq mungx walaungx bix lawc mawc tvkoc nuiyc hokhvmx waz piq yauk shuimc lawc tvkoc muinz Daniel nuiyc vganc waz nueyc kuex thvl taq tueq.

DANIEL 6:2 Referencias Cruzadas

EJRA 4:22

Ara jaqsham ka jaqlo tiithaq wan tlo laq. Ngi ma asum chang lamlu ka tiisaü mai mak.”

ESTHAR 7:4

Jamkhano ngukla, ngi nai iphan imaq thun ka nyatshat tiithum tseabaiq wan miitu ashaphaq kunshe. Raüta, thiikho bok na atiidea baiq kun she sitiikai. Naishiq arka dikong ma tiija miitu shabaiq lamlam nguraü jiikla, ngi raq hokhamwe ka jaram wa mipaq laq ha. Shatmaq naishiq ara chongthum tiijiipbaiq raü jiika hokhamwe ma jam liip wa miraq!”

TAKSU LAK 26:6

Angok angiti ma tsütsa tiichongkai ka, maiqmii hokpe achum baiq ikha, angan atu chongki raüta mintsa khoti mitiipa.

TAKSU LAK 3:16

Anyan phaqchi raq ümniima rilung kuqtlo, kiimaq tsiiq nai shreng manto kuq tlo

DANIEL 5:16

Shatmaq ümniiriika phanrap apaü raüta athü liichum michongkuq lot haü; kiimaq amao chang jaqsham kra michongkuq lot haü nguta taikang. Ümchaü min, ara tiiwaiqtlaq kra phat laüta, liichum ka chongkuq haü jiila, ümniima hokham miirii amin samtong jong kra mitiisamkuq, kiimaq ümdang na shreng ajong chaq laktum kra mitlak kuq; kiimaq ümniika ara imungtan arjaq, ijaqtakiq na ajongwe lombot tsam ngachang niishe mitiingaha.”

DANIEL 5:29

Kiijiishe, Belshajar raq asenginok ma aming kuqto, krai mren Daniel ma samtongjong mintiitii kra tiisamkuqto, kiimaq adang na chaq sairaütum kra tlak kuqto, raüta apaiq ka amungtan na hokham ngacho lombot tsam na tiingato, raüta chiiriim raüta mungmaiqse ma tiitai ronglaq nguta aming kuqto.

DANIEL 5:7

Apaiq ka agilülü she ashi ra raq mintin klotibi, along liitibi, kiimaq raiqsaiq jipi shammibi thun heaki rongkiq nguta siito. Kiimaq tsangshiq thun ka saüwa kiita, hokhamwe raq tsangshiq ma nguto, “Jurwa ara lakwaiq ara phat raüta, ngi ma liichum kra chongkuq lot jiiq, kriiti ka hokhamwe miirii samtongjong kaü mintiitii kra mitiisam kuq, kiimaq adang na shreng khushü chaq laktum mitlak kuq, kiimaq imungtan na mung langti aranghoti lombot tsam chaoki na mitiinga.”

DANIEL 6:1

Derias raq amungtan hamli na wanghuptibi shishi ri roqnai shong chang nguta thapthito.

Matthew 18:23

Ara jamkhano ngukla, Ramungtan ngutlaq kriika akha miraq. Man na hokham weshi raq, asenginok raq, apaiq kampho lakshii ka jamkhiiwa liiko wan tlaq, kra konchon wan akhing ashi tiihongto. Raüta apaiq riishe weawea kra konchon lii wanto.

Luke 16:2

Kra tai raütiishe, apaiq raq achere we ka hea raüta chongto, ‘Ümniiraq i piikii ka atiisum riitlaü nguta, ngi ma nanok raq chong tlaq ara tengtaq riimak sha? Ümchaü min, ümniiraq, i tsiiq i nyam ümchuwa sitlaq kra, ngi ma kunli weake ra tlo. Ümniika ümchaü, i chere we ma jalot maü she.’

1 Corinthians 4:2

Akhnok jaqsham kewanti jaqshise ashi ka, atijong we jaqsham kra pinthum tsapkapkap maq shamke chang.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.