DANIEL 6:18 - ASII LAKDAP Bible (BSI)

¹⁸ Kra raütiishe, hokhamwe ka apaiq sichang hokhamwe jam niishe jang wanto. Raüta kra rawa ka rawa waru akon min konmak riito, kiimaq jamlai phan min phaqsiq mak, kiimaq laihin polosea chang phan kiimin klo mak maq riito.

Hawa Naga Bible 2001

¹⁸ Kvruex yimaq hokhvmx waz piq hokhvmx hoc nuex yek waung vtueq, wvrx shiz kvtsoalx muq tvlvy gay tueq, phuiuz vsvy muinz nuingx phauk saq muq, tvpiauc liauc lvmz yvmx muinz lvp wvnc roc muq.

DANIEL 6:18 Referencias Cruzadas

2 SAMUEL 19:24

Kiitiikaq Saul ma asaü Mephibosheth ka hokhamwe rai riihumkai kito. Apaiq ka hokhamwe raq Jerusalem maq juhotaq kra ranaiq miishe phaho raüta hokhamwe ka rekhat tang raüta jang wan tlaq ranaiq na saüli, ahok ajaq kiimin kham maq hemak shaqli, anübin kiimin simak shaq li, kiimaq adü na asam akhu akhea thun kriimin hemak shaq kiikhiili samshat riito.

1 HOKHVMX 21:27

Ümtiikiiwa Elija raq apaiq bomchong kra lottaq, Ahab raq adü na asam khea kra chaibaiqto. Raüta adü wa chhutbaiqto. Raüta wunthaü riinaü khea she samto. Apaiq raq dung min phaqsiq mak she riito. Raüta rawa niimin wunthaü riinaü khea kra sam raütli konto. Raüta munjuk mijuk athea phi na tapkhu wali she tsaiji tran raüli she sito.

ESTHAR 6:1

Kra rawa hokhamwe ka akon tsi mak sangkito. Kra kha miishe, apaiq raq mung lang manphan awaiqthü lakdap kra lamwa rongkiq nguta thaüto. Raüta phat rong laq nguta thaüto.

YOBA 21:12

kiimaq phaqlamtoro nai paimin tsü raüta wiinumtlo.

Tvtsvmc 137:2

Tamchong setiim kü thun na naishiq phaqlamtoro thun batthükai.

Tvtsvmc 77:4

Apaiq raq ngi ka rawa minruru tiikonmak asam thütlo; ngi ka chapa raq tsai lata abom min bomlot mang.

THARC TVLUINGC 2:8

Kiimaq ngi raq mung peng wan tiikang kiiwa hokham tsiiqtum thun na chaq kampho ama asho awo riito. Ngi shiipeo wanti jechak re nai maiqwere, ashi ashunti pahea thü wan kang. Maiqwe ashi raq achak ümchu lamchang wa kriithaq na apa achan ngi raq chakliip nyungre pahea thü wan kang.

AJONJÜ 3:53

Tsangshiq raq ngi lap raüta, atra maq hiqkhobok na tiidea baiqto. Raüta long maq pangbaiqto.

DANIEL 10:3

Ngi raq asum atsu phaq nai sea ka inü na thii mang. Kiimaq ngam min phaq mang, che min nyang mang. Kiimaq liipan tsam kra mithum shaq wiiwii, ikhu kiimin thai mang maq sikang.

DANIEL 2:1

Nebukadnejar ka hokham jawanli maq wiinai she angu na, apaiq raq rawa ma ashi mato. Kra ama raq apaiq ka kai tiichapato kiimaq akon min tsimak she riito.

DANIEL 6:19

Anap ranap chumiishe, hokhamwe ka tiidoto. Raüta khobok kiina taülaükhiq juto.

Revelation 18:22

Üm chela mong na paimin toro tsüwa la, boli tsüwa trangla, lüta waja, ashi ange peosea wala ümtinkhan wa siwan laü kriika kaiqshak she miraq! Tsiimwe khiiq we, tiiqwe, jaqsham siimati jumin ahü she miraq. Longtham na longpen tham nyea maq tsamthaü trang ka ahü she miraq!