DANIEL 6:13 - ASII LAKDAP Bible (BSI)

¹³ Kiijiishe tsangshiq raq, “Juda mungwa munglu shumwi ashea wan phong wa, Daniel raq, Chaü lei ümniika shreng mak. Kiimaq ümniiraq akuq haü aming kriimin lang mak. Apaiq raq ranaiqshi na thongtsam achu jaütlo,” nguta hokhamwe ma shokto.

Hawa Naga Bible 2001

¹³ Kvkaq tsuinghez rueq hokhvmx waz muex, “Yuda mungx wawc vthuq wvnc miq washiz rvtueq Daniel kuex Taungjix hokhvmx waz muex hiz muq, mnoz rueq nvr toq kuex phvnx muq. Piq rueq nuiyq shiz nuex lauk thuimx khauk khauk vjux thoz yaq,” ngoz tueq jungx tueq.

DANIEL 6:13 Referencias Cruzadas

ESTHAR 3:8

Kiijiishe, Haman raq, Hokham Ahasueras ma, “Ümmungtan mong na maiq phan ümchuwa sitlaq kra mong na, phanshi ka junok thunglai rai min pongmak, pongtrai sitlo. Tsangshiq thunglai ka junok rai min mren mak. Kiimaq tsangshiq raq hokhamwe thungtri ka lang mak riitlo. Kra ningkhan, tsangshiq ka akhli thü raüla hokhamwe ma jam achu min ahü miraq.

DANIEL 1:6

Kra tsea wantaq phong mong niika, Daniel, Hanania, Mishael, kiimaq Ajaria riito. Tsangshiq ka Juda phan wa.

DANIEL 2:25

Krai mren, tlothit, Ariokh raq Daniel ka Hokhamwe Nebukadnejar man na shea wanto. Raüta hokhamwe ma akha chongto, “Ngi raq Jehudinok shumwi phong na, maiq weshi humkang. Chaü lei, apaiq raq ümma liichum ka ümniima michong kuqlot.”

DANIEL 3:11

kiimaq jurwa hiq na bum raüta shomnoq mak, kriiti ka watum kaü henghea nyairai tlaq mong na dobaiq raa nguta aming kuq laü ihata.

DANIEL 3:12

Riita, ümchaü min, Jehudinok maiq wiijamti ümniiraq Bebilon mung thaq na tuwejongbi ma ashong haü, Shadrakh, Meshakh, kiimaq Abednego, tsangtsam raq, Chaü lei ümniiraq akuqhaü aming lang mak tleatlo. Tsangtsam raq üm phra ka shomnoq mak. Kiimaq ümniiraq ashong haü sumlakaü khaki na bum raüta noq mak.”

DANIEL 3:8

Kra akhing na Bebilonnok maiq wiijamti raq Jehudinok tiishut miitu lamlu humto.

DANIEL 5:13

Kiijiishe, Daniel ka hokhamwe rungkhok na tlothit tiishea wato. Kiimaq hokhamwe raq apaiq ma nguto, “Riita, iwe hokhamwe raq, Juda mung wa Jehudiwe munglu shumwi ashea wanwe Daniel ka ümniidea shea?

Acts 17:7

Kiimaq tsangshiq saüwa kiita Jason raq apaiq jam na tiijapto. Tsangshiq raq Roman Hokham tri jintlo. Tsangshiq raq Roman Hokham thaq na hokham weshi asi nguta nokwe ma chongkuqtlo. Kriiwe mang ka Jesuq nguta traho kuqtlo,” nguta tsangshiq ka gisii trang wanto.

Acts 5:29

Kra tairaütiishe, Petar nai akongti kiimwebi raq bom ka akha treto, “Naishiq raq Shiikeawe aming tai chang. Maiqse aming ka riimak.