DANIEL 6:10 - ASII LAKDAP Bible (BSI)

¹⁰ Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

Hawa Naga Bible 2001

¹⁰ Kvkhoc tvdvy tueq bomc kvyuq sohic htuing tueq kuex Daniel rueq tuiuz vtueq, yuimx nuex waung wvnc tueq. Piq yuimx raunghtauk khok Yerusalem kox nuex vtvmuiz katvnc puc htenc httax yaq. Kvruex yuq piq rueq mkaq muinz shuimx ruiux yaq rulc rv-ngvlc, katvnc puc htenc daz shec tueq kvyuq nuiyq shiz nuex lauk thuimx kuix tsvrung nuex bumx vtueq Tishox kox wawc vjux thoz tueq.

DANIEL 6:10 Referencias Cruzadas

1 HOKHVMX 8:30

Ngi achujaü tiikang thun ka trelaq. Kiimaq ümsenginok raq arba ajaq chap raüta anü na nyi raüta achu jaü wan tlaq thun kra tre kuq laq. Ramungtan na ümjam jong maq naishiq achujaü ara tre kuq laq. Laüta naishiq ngarai ka diikuq laq.

1 HOKHVMX 8:38

tsangshiq achu jaü ka trekuq laq. Kiimaq ümsengi Israilnok phong wa maiq weshi ra raq, pinthum chapa tsi raüta, ara Shomjam nü na nyi raüta tsangshiq jaq ka tiipii raüta achujaü haüla,

1 HOKHVMX 8:44

“Kiimaq ümtiikiiwa ümniiraq ümsenginok ka rekhatkai kirong laq nguta aming kuqtlaü, kiimaq kra akhing na tsangshiq raq ümjaq wa achu jaütlaq, tsangshiq raq ümriiba miili jiimin ara ümniiraq atsea wan haü chela nü na nyi raüta, kiimaq ara Shomjam ngi raq ümnaq miitu ahaiha ara nü na nyi raüta achu jaü kiiphaüla,

1 HOKHVMX 8:54

Ümtiikiiwa Solomon raq Tatiwe jaq wa achujaü ka lottaq, apaiq ka berong-wacha khaki na achap she riito. Apaiq ka kiijaq kaütsrong na ngaraüta ajaq wiinai ka ra nü na do raüta achujaü wanto.

2 KAÜWA WERAÜ 6:13

(Solomon raq miiki ngam maq maichap chang rinchü ashi haito. Raüta rinkea wang mong ba na thüto. Kra tapshok blai ka 2.2 mitar riito kiimaq adii lu nü niika 1.3 mitar riito. Apaiq ka kra rinchü thaq na düwato. Raüta alakü maq ngasaq maiq wiitarü raq rashra chhi li na ngakito. Raüta ajaq wiinai ka ra nü na doto.)

2 KAÜWA WERAÜ 6:38

Kiimaq tsangshiq ka kra mung maq ngohea shaq shaq dea tsangshiq ngarai kra tiidii wan raüla, raüta tsam nai tsü tingting maq mra tiidii wan raüla, raüta tsangshiq raq armung ümniiraq naititiim ma akuq haü anü na nyi raüta, kiimaq ara chela ümniiraq atsea wan haü nü na nyi raüta, kiimaq ara Shomjam ngi raq ümnaq miitu haikang ara nü na nyi raüta achu jaü raüla,

EJRA 9:5

Kiimaq raji niishe, raji hongluke akhing saüto angu na, ngi ka kra aho anyi achu jaü kang inga chang kiiwa tiido wanla tiishe, idü na asamha wunthaü riinaü khea kra samshat miili, kaüstrong na ngakikang. Lata ijaq ka tiipii lata Itatiwe Shiikeawe jaq wa akha achu jaü kang.

NEHEMIA 6:11

Kiijiishe, ngi raq trekang, “Ngi ka akha tiipaü raüta juraitiwe ka riimang. Ngi ka maiqmii khum tiichhii phaq Shomjam mong na tiipaü ngatiwe ngutiishe tiima tlaü? Ngi ka kiikha tiipaüti ka riimang.”

Tvtsvmc 34:1

Ngi raq Tatiwe ma wranaiqshe kechu mitumha; ngi raq apaiq tiitsamkam ka ümtiikiimin tsaq mang.

Tvtsvmc 5:7

Shatmaq üm lungwiitsii jonghea kha maq ngi ka ümjam mong na walot tiikang; lata ngi raq asii üm Shomjam maq shomnoq tiikang kiimaq shreng lata bumtlii ümnaq noq tiikang.

Tvtsvmc 55:17

Ranap na, ranaiq shethung na, kiimaq rawa na ngi raq shoktiikang kiimaq hannyi tiikang thun ka apaiq phana ra na wawantlo, krai mren apaiq raq ibom ka mitai.

Tvtsvmc 86:3

Ümniika i Shiikeawe, kriikha na ngi tiihanglaq; ngi ranaiq minru ümjaq wa achu jaütiikang.

Tvtsvmc 95:6

Warong ra, nashiq hiq na bum laita apaiq noqpi rong i; nashiq Tatiwe, nashiq Tiiqtiwe khaki na kaütsrong na bum laita shomnoq rong i!

DANIEL 6:13

Kiijiishe tsangshiq raq, “Juda mungwa munglu shumwi ashea wan phong wa, Daniel raq, Chaü lei ümniika shreng mak. Kiimaq ümniiraq akuq haü aming kriimin lang mak. Apaiq raq ranaiqshi na thongtsam achu jaütlo,” nguta hokhamwe ma shokto.

DANIEL 9:4

Ngi raq Tatiwe i Shiikeawe jaq wa achu jaükang kiimaq iphan imaq raq ngarai thun tang wantaq kra diikuq laq nguta achu jaü kang. Ngi raq ngukang, “Tati Shiikeawe lei, ümniika ajong pinthum. Krai mren naishiq raq ümniika shreng tiikai. Ümniika üm tongshong tri tsapkapkap maq rümti. Kiimaq ümnaq lungwii raüta ümwokhong na siti, kiimaq ümniiraq akuq haü aming wokhong na siwanti ka, thaqmaü phan maq lungwii tsii tiichhiketi.

Jona 2:4

‘Ngi arka ümwokhong wa shleq baiq laü she sham. Ngi raq asii Shomjam mong na, ümsham chhiwa lu nong mangshe sha,’ nguta riiwea kang.

Mark 3:3

Kiijiishe Jesuq raq atsiti we ka, “Ana tarü khaki na wara,” nguta heato.

Luke 14:26

“Juwa i jaqshi ma jawan ro tlaq, kriiti raq ngi ka anyung nai awe, achak nai asetiim, aphu nai anotiim, ashea nyungtiim, kiimaq apaiq khum thaq niimin, ngi ka apa lungwii mak jiila, apaiq ka i jaqshise ma jawanlot mak.

Luke 22:41

Kra ngu raütiishe, apaiq raq tsangshiq ka kriijaq tiinga thü raüta, tsangshiq nga tlaq kiimaq piqphiishi tin kongkhu na wawanto. Raüta, kaütsrong na ngaki raüta, akha achu jaüto,

Acts 10:9

Kiimaq anap ranaiq niishe, tsangtsam ka Joppa chela na saüho nam nam she riito. Kra bala ka ranaiq shethung shekham bala. Kra akhing na Petar ka achu jaü wa wukhu na ngawato.

Acts 2:15

Namshiq raq arkong arka, chephe she nguta tiima tlan. Kriika riimak. Ümchaü ka ranap nari tiikaü shaqli.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 20:36

Paul raq ara traho bom chongke ara lot raütiishe sanha, apaiq ka tsangshiq rai adam na lakü tsrong maq, hiq na nga raüta achu jaüto.

Acts 21:5

Shatmaq, tsangshiq rai hai dam rahiq akhing ka thumkai jai she, naishiq ka kiimaq atiido she riiwan nong kai. Tsangshiq tarü, jechak nose thun min nong nong, naishiq thükai nguta chela khamjongraikii kumtsai phii na saüli naishiq rai kidamto. Kiijaq naishiq tarü kaütsrong na nga laita achu jaükai.

Acts 3:1

Ranaiq shi Petar nai Johan ka Shomjam na ranaiq nari tsam na achu jaü wa wato. Kra akhing ka achu jaü akhing bala.

Acts 4:29

Riita, ümchaü min, Tati Shiikeawe lei, tsangshiq raq naishiq ka atsea ata ma tankhan raüta, tiiphiip jiip tlaq ara ümniiraq liikuq laq. Ümniiraq naishiq, ümdisetiim arma, ümbomtsi ka khangriri hea maq, kiimaq haisong mai maq chongke miitu, naishiq ma ningkun kuqlaq.

Acts 5:20

“Shomjam kiina kironglaq. Lanta, kiijaq mungmaiqse ma ara rilung anye lamphan bomchong ara chongkuq kirongkiq,” nguta thaüto.

Acts 5:29

Kra tairaütiishe, Petar nai akongti kiimwebi raq bom ka akha treto, “Naishiq raq Shiikeawe aming tai chang. Maiqse aming ka riimak.

Acts 7:60

Raüta, apaiq ka kaütsrong na bumsaq raüta, “Tatiwe lei, tsangshiq ngarai kra ümniiraq tsan na naq tiitsangkiq!” nguta tiihong raüta siito. Apaiq raq ara ngu raüta alang ka pitto.

Acts 9:40

Kiijiishe, Petar raq tsangshiq ka tarü tapmong wa rin niishe tiiki baiqto. Raütiishe, apaiq ka kaütsrong na nga raüta achu jaüto. Apaiq raq achu jaülot raütiishe, maiq maa wetlaq kiinü na nyi raüta, “Tabitha, tiidolaq!” nguta apaiq rai bomdamto. Krai mren, kra nyung raq amak ka tiipiiqto. Kiimaq apaiq raq Petar ka chhi raüta, chang na awe wa, anga she riito.

Ephesians 3:14

Riita, arthun chongkuq tiikang, ara ningkhan tiina, ngi ka kaütsrong na bum lata, Awe Shiikeawe jaq wa, namshiq miitu achu jaü kuq tiikang.

Philippians 1:14

Ngi phaqtek na shaq kha maq, Phungmaiqse phunainotiim apako raq, Tati ma kamtsantsii thü wan tlaq kra, kamtsantsii rang ka apha riiwan tlo. Kiimaq tsangshiq ka hai mak maq, Tsütsa Ahea kra chongke shiichaq wan tlo.

Philippians 1:20

Ngi raq riiwe kla, ara Shiikeawe minshiiq tiikang arka, ümtiikiimin nungpaq mang maq misham ha, nguta i tsan na tsihea maq, kiimaq tsaühea maq hang lata, sitiikang. Arka wranaiq she, kiimaq akhek ka ümchaü akha akhing na, i tsan tiijong shat maq sitiikang. Lata, atra sikang lo, kiimaq amaa sikang lo, i khum ara lümaq, maiqse raq Khristo khushü jonglu kra sap raüla hongjiiq nguta sitiikang.

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.

Hebrews 13:15

Krai mren, ümchaü sanha nashiq raq wranaiqshe, Shiikeawe kli she shomra laita, si rong i. Nashiq raq Shiikeawe ka, Jesuq mang na shomra wan tiikai arka, nashiq raq Shiikeawe ma honglu kewan. Nashiq raq apaiq kiidea Tatiwe nguta shomnoq tiikai arka honglu kewan ashi.

Hebrews 4:16

Riita ümchaü sanha, nashiq ka tsan asang miishe, Shiikeawe wokhong na tiisot laita, nyap wan rong i. Apaiq raq nashiq ka, apaiq kaphap khoqramkii maq keishat rüm tlo. Kiijaq nashiq ka, tiihang mangchan kiimaq kaphap mangchan tiiwong niishe misi rong i. Nashiq ma raa tlaq phan ka Shiikeawe raq mikhrum kuq.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.