DANIEL 5:2 - ASII LAKDAP Bible (BSI)

² Tsangshiq ka che nyang lam maq, Belshajar raq awe Nebukadnejar raq Jerusalem Shomjam wa chaq nai kampho maq alo kok thun, nai nüchhong winpin kaütiim thun ahowan kra, lamwa rongkiq nguta aming kuqto. Hokhamwe raq kriithun tlamwataq kriika, asengi aki miikiimbi, kiimaq achaktiim, kiimaq achak nyungthap nyungre thun raq che tsümnyang ma nguta tlam wato.

Hawa Naga Bible 2001

² Tsuinghez rueq svpiq nuingx yaq nuex, Belshaza rueq vwaz Nebukhadnezar rueq Yerusalem Shomc Yuimx wawc vlvmz wvnc kuimshawx kok, kuimphox kok nuiyc wanc htenc lvmc lvy tvkoc nvr tueq. Hokhvmx waz rueq kvruex htenc kuex tvlvmz laq vtueq piq muinz, piq vyungx vlaungx bix, piq taungnyuiuz hez nuiyc vjuik nyuiuz ruinx hez rueq kvmaq nuingx wuez tueq.

DANIEL 5:2 Referencias Cruzadas

2 SAMUEL 9:7

“Ümniika naqhaikiq,” nguta Dawit raq treto. “Ngi raq ümwe Jonathan mang na ümniima mangchan mitiichhikuqha. Ngi raq ümti Saul tachong hupsam wak ajam thun ka ümniima mijangkuq kang. Kiimaq ümniika ngi rai adam na phaqsea wan kilü tiidishat miraq.”

2 HOKHVMX 24:13

Kiimaq Shomjam wa tsuq tum thun nai hokhamwe jam wa tsuq tum thun kra wiita Bebilon mung niishe howanto. Tatiwe raq tiithaitaq kra phan phan she dea, Hokhamwe Solomon raq Shomjam na lang miitu ümchuwa chaq maq atiiq tak apin thun kra wiita tiibun tiiqbaiqto.

2 HOKHVMX 25:15

Tsangshiq raq chaq maq alo nai kampho maq alo hupsam thun ngusaq kra wiita hutjok, berong-wacha wa wachan wiiwa tsoq chang khiq win setiim kra, nai winpin setiim kriimin nongnong maq wiita tsuq wanto.

2 KAÜWA WERAÜ 11:20

Kra jai maq apaiq raq Absalom se Maaka hali lamto. Tsangnai setiim ka maiqwe setiim weblai: Abija, Attai, Jija, kiimaq Shelomith.

2 KAÜWA WERAÜ 15:16

Hokhamwe Asa raq awi Maaka ka hokham nyung ngacho wa hiq niishe tiisat baiqto. Jamkhano ngukla apaiq raq ashe sumla Ashera phra nyung jechakre ma ase tiihumketi sumla kra haito. Asa raq kra sumla ka chumbaiqto. Raüta pongpan riipan chumbaiqto. Raüta kra pan thun ka Kidron raise wii na wa maq chaqbaiqto.

2 KAÜWA WERAÜ 36:10

Lamsesat akhing she saü kiita Nebukadnejar raq Jehoiachin ka lapto. Raüta Bebilon mung na shumwi ma hit wanto. Kiimaq Shomjam wa tsiiq nai nyam tum thun kriimin howanto. Raütiishe Nebukadnejar raq Jehoiachin ma awa Jedekia kriishe Juda mung nai Jerusalem khuthaq na hokham ma shongto.

2 KAÜWA WERAÜ 36:18

Bebilon mung hokhamwe raq Shomjam ka runto, kiimaq Shomjam wa tsiiq nai nyam tum thun kra runto, kiimaq hokhamwe tsiiq tum kiimaq asengi ajong alabi thun tsiiq tum thun kra thum thum runto. Raüta Bebilon mung na hophaq wanto.

EJRA 5:14

Raütiishe, hokham Nebukadnejar raq Jerusalem Shomjam na langwan chang chaq nai kampho kok alaq kiimaq taknai pin thun kra, Bebilon mung na howan raüta, Bebilon mung na ahin phra shomjam na thü wanto. Kra tak apin thun ka hokhamwe Sairas raq maiq weshi, amang min Sheshbajjar nguta kriiwe ka Judia munglang wan miitu wanghuptiwe ma shongto. Raüta kriiwe jaq niishe kiinong kuqto.

JEREMIA 27:7

Mangjong hiq na siti maiq mung wiita raq apaiq klishe mishkumpan wan. Kiimaq tsangshiq raq ase kiimaq apaiq ma asaü kra mishkum pan wan. Kriika apaiq mungtan kra then wan akhing na saüli miraq. Kra jai miishe ka apaiq mungtanti asengi raq maiq mung thun ningkun jonghea hotibi nai hokham ajong jongbi thun kra wokhong niishe misi wan.

JEREMIA 50:35

Tatiwe raq ngutlo, Bebilon ka tsaito she! asengi mungmaiqse ka tsaito she, apaiq pengtibi, asengi taksubi ka tsaito she.

JEREMIA 52:19

Tsangshiq raq chaq maq nai kampho maq alo hupsam thun ka wiita howanto: aransetiim pincho thun, wachan wiiwatam maq chaq chang winpin setiim, honglu ataakuq ngam tiijai satlaq kra chung chang pincho kaütiim, honglu wabun thüchang hupsam thun, lemtochang thun, homseng chaq chang pinchosetiim thun, spiqtai honglu kechang pincho thun kra wiita howanto.

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

DANIEL 5:11

Ara ümmungtan arjaq maiq weshi asi. Apaiq khum na asii phra tiikea kong wenyi asi. Man na ümwe hokham pat niiphü, apaiq ka atsii asi, phanrap saptsinti, kiimaq phra kong ikha anyan phaqchi sapti. Kriikha na, ümwe Hokhamwe Nebukadnejar raq, apaiq ka jaqliitibi, mintin klotibi, along liitibi, kiimaq raiqsaiq jipi shammibi khuthaq na akhupo ma shongto.

DANIEL 5:13

Kiijiishe, Daniel ka hokhamwe rungkhok na tlothit tiishea wato. Kiimaq hokhamwe raq apaiq ma nguto, “Riita, iwe hokhamwe raq, Juda mung wa Jehudiwe munglu shumwi ashea wanwe Daniel ka ümniidea shea?

DANIEL 5:18

“Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

DANIEL 5:23

Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.

DANIEL 5:3

Krai mren, tlothitli, chaq kok thun kiimaq nüchhong winpin thun kra lamkuq wato. Raüta tsangshiq tarü raq che ka kiijaq tsüm raüta nyangto.

DANIEL 5:30

Kra rawa akhing niili, Bebilon mung hokhamwe Belshajar ka re raq tsatbaiqto.

DANIEL 5:4

Raüta chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai phra sumla thun kra tiitsamkamto.