DANIEL 4:8 - ASII LAKDAP Bible (BSI)

⁸ Kiijiishe Daniel ka ipha na wato. (Apaiq mang ka Belteshajjar ngutiimin ngutlo, kriika iphra kaü mang.) Apaiq khum niika asii phrakaütiim wenyi asi. Kriikha na ngi raq apaiq ma ngi raq ima jamlaiwa makang kra chongkang. Ngi raq apaiq ma akha ngukang:

Hawa Naga Bible 2001

⁸ Kvruex yimaq Daniel kuex nyuip waung ruex. (Piq kuex ngvy tishox muingc tv-phvnc maq Belteshazar ngoz tueq gvl tauk.) Vsawc tishox htenc siyac kuex piq nuex httax yaq, kvkhoc rvtueq ngaz rueq khiz tauk maung kuex piq muex jungx tauk. Ngaz rueq piq muex jungx tauk:

DANIEL 4:8 Referencias Cruzadas

RAPHA HIQWA LAK 41:38

Kiimaq hokhamwe raq tsangshiq ma akha nguto, “Nashiq raq Joseph nam ma maiqshaq maiq ahin ka humkilot mai she. Apaiq ka akhum na Shiikeawe wenyi asi.”

ISAIA 46:1

“Bebilon mung phra kong miika arshe athum! Bel phra nai Nebo phra ka man na shomnoqto, shatmaq ümchaü tsangshiq ka kumtoq kong raikhü niishe miikuqto, anii makaiq nyamse kong ma homatlaili she.

ISAIA 63:11

Shatmaq tsangshiq raq richüpat wa manphan kra tsan na tiitsangto, Tatiwe jaqshise, Mosheq pat wa akhing ka tsan na tiitsangto. Raüta tsangshiq raq akha waito, “Ümchaü Tatiwe ka ümbano asenginok welabi khamjong chum mong wa tiichhii kuqtaq ira? Tatiwe, Mosheq ma apaiq asii wenyi ketiwe ira ümbano?

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

EJEKIEL 17:23

Kriika Israil mung na pum diilu pinthum kiijaq michhiha. Raüta akü thun ka mijong wan, atsi ango midong man wan, raüta alüsea chang tsomhea maisak chong miraq. Phanrap phanrii wushi kong kiijaq misi wan, kiimaq achong nyam kiijaq misi wan.

DANIEL 1:7

Kra siihiipjongwe raq, tsangtsam mang ka anyeshe laikuqto: Belteshajjar, Shadrakh, Meshakh, kiimaq Abednego.

DANIEL 2:11

Chaü lei, ümniiraq jamlai bom wa waitlaü kriika tsinhea, maiqse raq khon lot chang ka riimak. Arka phra kong riili michongkuqlot. Tsangshiq ka maiqse rai simak.”

DANIEL 2:26

Hokhamwe raq Daniel (apaiq ka Belteshajjar ngutiimin ngutlo) ma nguto, “Riita ümniiraq ngi raq jamlai wa makang kiimaq kra liichum ka michongkuq lot haü shea?”

DANIEL 3:14

Apaiq raq tsangtsam ma akha nguto, “Shadrakh, Meshakh, kiimaq Abednego, namtsam raq ngohea shaqshaq shea, iphra kaü ka shomnoq man kiimaq ngi raq chaq sumla phrakaü shongkang kra khaki na bumlantiimin noq man?

DANIEL 4:18

“Ngi raq rawa ma ka ara ma kang,” nguta Hokhamwe Nebukadnejar raq nguto. “Riita, Belteshajjar lei, ümchaü min, ngi ma kra liichum ka chongkuq laq. Iwokhong na siti isengi ngi danhontibi raq jurmin ngi ma ara chongkuq lot mak. Shatmaq ümniiriika milot haü, jamkhano ngukla, ümkhum na asii phra kong wenyi asi.”

DANIEL 4:9

Belteshajjar, jaqliiti tarü thaq na ajong maiqlawe lei, ngi raq asapha asii phrakong wenyi ka ümkhum na asi. Kiimaq ümniiriika amao chang jaqsham wiita asap haü. Riita, ngi rawa ma ka ara. Kra liichum ka jamlai wa ngi ma chonglaq:

DANIEL 5:14

Ngi raq ümkhum na phra kong wenyi ka asi; kra ningkhan ümniika phanrap na asap atsin haü siisaq; kiimaq phanrap phaqchi nai anyan phaqchi ka asap haü siisaq nguta taikang.