DANIEL 4:31 - ASII LAKDAP Bible (BSI)

³¹ Apaiq nübok wa bomtsi ka mithum shaq niili, ramungtan wa maiqbom ashi akha saükito, “Hokhamwe Nebukadnejar lei, ngi raq jamlai wa ngutiikang ara tai liishaq! Ümchaü ümjaq wa hokham jaqsham arang ka nyeabaiqto she.

Hawa Naga Bible 2001

³¹ Piq nuix maq kvjaz jungc max lot nuex dvyx, raungmungx maq kvjak yaq kvjaz kuex, “Hokhvmx Nebukhadnezar lex, ngaz rueq jungx vphaungx kuex tay shuiuz! Mnoz hokhvmx luimc vkawc kuex majuiuc mnoz kox wawc lvmz gay tauk shex.

DANIEL 4:31 Referencias Cruzadas

RAPHA HIQWA LAK 14:18

Kiimaq Melkijedek, apaiq ka Salem chela hokhamwe kiimaq apaiq ka Ratsan Ramong Nyang Na Siti Shiikeawe ramwe raq, Abraham ma winsii nai spiqtai lam kuqhoto.

YOBA 20:23

Apaiq raq ümchu phaqsea rowa miphesiq liina! Shiikeawe raq atsankhiq amok dungdung raüta apaiq ma mo mitiihokuq.

Tvtsvmc 145:13

Üm mungtan ka thumkimak phan, kiimaq ümniika pattup pat-sa miitu hokham. Tatiwe raq akiqkham bomtsi ka tsapkapkap tiikupi wantlo, kiimaq apaiq raq ümchuwa jaqshamtlaq kra tiihang shatmaq shamtlo.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

ISAIA 14:27

Ajong Pinthum Tatiwe raq arthun jaqsham arka thapthi wanto she, miklo dongdii. Apaiq raq tsangshiq ma amo tiiho wan miitu ajaq ka ra na doshat she sitlo. Kriika ju riimin tiikhinglot mak she.

DANIEL 12:7

Kiijiishe rase raq ajaq wiinai ka ra nü na doraüta, pattup pat-sa Shiikeawe mang na, ramkhamkok sham raüta, akha kiqkham kuqto. Apaiq raq akha nguto taikang, “Kriika wiitsam ri wiithiq miraq. Shiikeawe sengi tiichamchao wan jai maq, arthun mra arshe mipin wan.”

DANIEL 4:24

“Kra liichum ka ara. Chaü lei, arka ratsan ramong nyang na siti Ajong Thaq Na Ajong Shiikeawe raq, ümkhuthaq na khatan tri raütu shat thüto.

DANIEL 4:26

Rase raq pechong khuk ka hiq na kiikhiili thüronglaq nguta aming kuqto. Kra liichum ka ümra akhing niiwa ümniiraq ümtsan mong na, ara mangjong hiq tlotli arka Shiikeawe riidea rümtlo ngutiishe mitum haü, kra akhing niishetiq, Shiikeawe raq ümniika hokhamwe ma hali mishong nong.

DANIEL 4:30

Kiitiikaq apaiq raq akha nguto, “Liilaq! Bebilon mung ka ümtinkhan jongwa! Ngi raq ara Bebilon mung nyungchong ma tei wan kang. Lata iningkun jong nai iphen rung jong hongla kra tiichhikuq tiikang. Kiimaq ikhushü jonglu nai imangchong tsa jonglu kra tiichhi tiikang,” nguta tiishom ra siqto.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 5:20

Shatmaq, apaiq ka shiikonghea she, wanshakshak, kiimaq maiq ka ji maq nishishi haihü wanto; kriikha niishe apaiq ka hokham ngachang wa lambaiqto. Raüta apaiq khushü jong ka mokito.

DANIEL 5:28

PERES, ümmungtan ka atiikhoke wishe, raüta Medis mungti nai Parsia mungti ma achumke wishe.”

DANIEL 6:27

Apaiq raq khupwongtlo kiimaq chhiikuqtlo; Apaiq raq ramungtan na nai mangjong hiq na, amao chang nai awang chang jaqshamtlo. Apaiq raq Daniel ka hangsikong nübok wa, tiikaq mak tiichhiikuqto.”

Matthew 3:17

Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

John 12:28

I We loi, maiqse ma üm khushü jonglu kli dea tiichhikuq laq!” nguta Jesuq ka Awe rai riibomto. Kiijiishe, “Ngi raq I khushü jonglu ka tiichhi kuq kang she. Kiimaq Ngi raq jangshi ri hali mitiichhi kuq nongha,” nguta ra wa maiq bom ashi raq Jesuq bom ka treto.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

Revelation 16:7

Kiijiishe, ngi raq kra berongwacha wa maiq bom ashi akha chongto taikang, “Ajong Shiikeawe lei! ümniiraq kha pho tlaü ka tengteng. Kiimaq riikhaqli, athuk atsom maq pho kuq tlaü!”

1 SAMUEL 13:14

Shatmaq ümchaü sanha, ümniika Israil mung na hokham jaqsham ka shamlu maü she mirhaü. Jamkhano ngukla, ümniiraq apaiq aming jin laü. Ümchaü sanha Tatiwe raq apaiq raq lungwii tlaq, kra phan phan apaiq bomtaiti maiq ahinti weshi she mitsea. Raüta kriiwe kriishe asenginok pengti ma mishong wan.”

1 SAMUEL 15:23

Apaiq kiqkhii kriika, maiqwuq maiqlong jaqsham ikha, Kiimaq wanshakshak tsii kriika, sumla phra noq ngarai ikha. Ümniiraq Tatiwe aming jin wan kha na, Apaiq raq ümniika hokhamwe ngachang wa shleq baiqto.”