DANIEL 4:1 - ASII LAKDAP Bible (BSI)

¹ Hokhamwe Nebukadnejar raq maiqmung thun ma, maiqphan thun ma, kiimaq maiq aphan bom thun, mangjong hiq na siti tlotli ma tsütsa ka akha tiiwanto: “Namshiq tarü ma khu asang mirlaq!

Hawa Naga Bible 2001

¹ Hokhvmx Nebukhadnezar rueq mungkawx wawc miqphvnx htenc, vphvnx htenc, nuiyc kvjaz phvnx ruip kvjak yaq miq lotlaz muex vkhoc bomjungc tvjungc tueq: “Nuimhez nuex gvnhttuingc mhttax kueq!

DANIEL 4:1 Referencias Cruzadas

1 KAÜWA WERAÜ 12:18

Shiikeawe wenyi raq tsangshiq phong wa weshi, Amasa kra rom wanto. Apaiq ka jai maq “Nolajongbi Roqtsam” khuthaq na phentuwe ma shongto. Krai mren apaiq raq akha riimto, “Jessi se Dawit lei, naishiq ka ümsengi! Ümniiraq ong ruq mirhaü kiimaq ümnaq khrumti riimin ong ruq miraq! Shiikeawe ka ümniirai pongtlo.” Dawit raq tsangshiq ka aheawiq maq taoto. Raüta tsangshiq ka apaiq phenlabi pengti phentubi ma shongto.

EJRA 4:17

Ara lak lapjai Ajong Hokhamwe raq, lak tiijang ka akhiishe hali waiq raüta tiihohoto: Ara lak arka Wanghuptiwe Rehum kiimaq Cherewe Shimshai kiimaq tsangshiq khrumti Samaria nai Euphretis Jürai maq Shenyap Mung nü na siti tarü ma tiiho wan tiikang. Namshiq tarü ma salam.

EJRA 5:7

“Ajong Hokhamwe Derias lei, khusang maq mungkli lang wan lili riilaq nguta ram ramkuq tiikai.

ESTHAR 3:12

Kiijiishe hokhamwe cherethun ka rawii pha wan jipi raroqshi ri ranaiq tsam angu na tiiheato. Raüta, Haman raq tanthütaq krai mren, hokhamtubi, mung wiita wa wanghuptibi, kiimaq maiqphan wa aki shiilangbi ka, mung ashi maq riita mung ashi na, tsangshiqnok maiqmiimii phan bom maq, aphan aphan bom phan raüta, hokhamwe mang na waiqto. Raüta apaiq jaqtop maq thangto.

ESTHAR 8:9

Riita ara chongtiikai akhing arka jipi lütsam ngoja na raroq nai ri ranaiq tsam ranaiq, Siwan jipi liina chato. Kra akhing na Mordekai raq hokhamwe cherewetiim thun kra riichom heato. Raüta apaiq raq anü maq achong wan chan raüta twaiq wanto. Raüta kra lak thun ka Jehudinok ma, wanghuptibi ma, welabi ma, kiimaq maiqhiq wangshishi ri wangroq nai ri wangmiishe na siti India mung maq riita Ethiopia mung na saüli mung pengwantibi, mungtu shiilangbi ma tiiphea kuqto. Kra lak thun tiiho wantaq kriika, maiq hiq wangtek na maiqmiimii phan bom maq waiqto. Jehudinok miimin tsangshiqnok lak maq waiq raüta tiiho wanto.

DANIEL 3:29

“Riita, arningkhan, ümchaü sanha, ngi raq aming kuq tiikang, ümra mungti riiwa, junok phan riiwa, lo junok phan bom riiwa, Shadrakh, Meishakh, kiimaq Abednego Shiikeawe ka shreng mak maq bomjiiq, kriiti ka ahok ajaq pongpan riipan, chaiham chaihea tseabaiq ratlo. Kiimaq apaiq jam ka botkhulai rai shotbaiq wantlii, shiithen baiq ratlo. Jamkhano ngukla, atinkhan tiikhup wongketi ahin shiikea phra ka ahü!”

DANIEL 3:4

kra akhing na, agilülü chiiriim raüta akha chongto, “Maiqmung wiitarü, maiqphan wiitarü, kiimaq maiqphan bom wiitarü!

DANIEL 6:25

Kiijiishe Hokhamwe Derias raq lak ashi waiq raüta, mangjong hiqraikhü na siti, maiqmung tlotli ma, maiqphan tlotli ma, kiimaq maiq aphan aphan bom tlotli ma, tiiho wanto. Lak ka akha waiqto: “Khu asang maq sirong laq!

DANIEL 6:27

Apaiq raq khupwongtlo kiimaq chhiikuqtlo; Apaiq raq ramungtan na nai mangjong hiq na, amao chang nai awang chang jaqshamtlo. Apaiq raq Daniel ka hangsikong nübok wa, tiikaq mak tiichhiikuqto.”

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

JEKERIA 8:23

Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.

Acts 2:6

Tsangshiq raq kra trang ka tai raüta, maiq kong pahea kiijaq riitam wanto. Tsangshiq tarü ka tsanchhii hunhun riito, Jamkhano ngukla tsangshiq loweatek raq kamasham maiqsetiim ka, tsangshiq maiqmiimii nok bom maq bom trang taito.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

Ephesians 1:2

Nawe Shiikeawe kiimaq Tati Jesuq Khristo raq, namshiq ka kaphap shat kiimaq khusang maq mirümlaq.

1 Timothy 1:2

Timothi ma, kamasham na ise shaq: Shiikeawe Awe raq kiimaq Khristo Jesuq nashiq TATIWE raq ümniika kaphap shat, tiihang shat, kiimaq hansang maq mithülaq.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.