DANIEL 3:7 - ASII LAKDAP Bible (BSI)

⁷ Krai mren, tsangshiq raq atsü angii trang kra tai raüta, maiq mung wiitarü, maiq phan wiitarü, maiqphan bom wiitarü raq bumrang riito raüta, chaq sumla Hokhamwe Nebukadnejar raq ashong kra shomnoqto.

Hawa Naga Bible 2001

⁷ Kvkhoc rvtueq tsuinghez kuex vtuimc vtvlc thuic tay shuinx rulc rv-ngvlc, miqphvnx htenc, miqphvnx kvjaz phvnx ruip saz kvjak yaq htenc kuex Hokhvmx Nebukhadnezar rueq tv-ngaungc taq kuimshawx yac kuex bumx vtueq nawk palx wuez tueq.

DANIEL 3:7 Referencias Cruzadas

JEREMIA 51:7

Bebilon mung ka ijaq na chaq khap ikha shamkang. Lata mangjong maiqse tlotli ma che ka phetak tiibak nyang kang. Maiq mung raq maiqmiimii che khap ka bak nyangto. Raüta tsangshiq ka chok rai raüta chephe maakaiq chhaq sunghü tsiihü she riito.

DANIEL 2:46

Kiijiishe, Hokhamwe Nebukadnejar ka hiq na bumsaq riito. Raüta Daniel ma honglu thun nai homseng honglu thun keraa nguta aming kuqto.

DANIEL 3:10

Chaü lei, ümniiraq aming ashi kuqlaü, paimin toro tsütrangho raüla, maiq wiitarü raq hiq na bumrang raüta chaq sumlakaü kra shomnoq raa,

DANIEL 3:4

kra akhing na, agilülü chiiriim raüta akha chongto, “Maiqmung wiitarü, maiqphan wiitarü, kiimaq maiqphan bom wiitarü!

DANIEL 3:5

Namshiq raq lerongtsü ka mitaihan, kra jai na tulu chü tsü, torokong tsü, torojong tsü, kiimaq phaqlamtoro thun tsü; kiimaq kra jai na tiijorot laihin atsü angii chang phan kriishe tsü trang mitaihan. Kra ashi ange tsütrang kriishe taihanla, namshiq ka Hokhamwe Nebukadnejar raq shongtaq chaq sumla khaki na bumrang lanta minoqhan.

DANIEL 3:6

Jurwa bumsaq raüta shomnoq mak riijiiq, kriiti ka tlothitli watum khok henghea tiinyai chaqje mong na mitiidea baiq.”

DANIEL 3:8

Kra akhing na Bebilonnok maiq wiijamti raq Jehudinok tiishut miitu lamlu humto.

Acts 14:16

Richü pat na Shiikeawe raq mangjong maiqse ka tsangshiq tsantsii na jamlai phan shomnoq raüwa ahea nguta tiima tlaq, kra phan phan, phanrap phanrii tiishom noq wanto.

1 John 5:19

Ara mangjong hiq arka Abi Thawe jaqkhon mong niili sitlo. Li jiimin, nashiq raq asap i, nashiq ka Shiikeawe rii she nguta sitiikai.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 13:3

Ngamthaiq kaü khupo miishi kiiwa ashi ka tiibitaq tiimije ikha riito. Shatmaq, kra mi ka aheakai wishe riito. Mangjong maiqse tarü raq apaiq ka chhi raüta, kai awang li she riito. Kiimaq ngamthaiq kaü, sammoktra jü mong maq adong wan kaü puk na siisaq she shang wanto.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 17:8

Kra ngamthaiq kaü ka man na atra riito. Shatmaq, ümchaü ka amaa she. Apaiq ka wulum mung wa saü wan nam nam she. Kra saüwa raüla, ngamkaü ka atsea she mirbaiq. Mangjong hiq na maiqse diim tlaq kiiwa, ümriiti mang wa atra lakdap na, ra nai hiq miphan sang wan shaq niiphü dongdii waiq thü hü, kriiti thun tarü raq, ara ngamthaiq kaü sham na lii raüta, kai awang mirwan. Kriika man na atra riito. Shatmaq, ümchaü ka atra riimak she. Shatmaq, ngamthaiq kaü ka thongshi ri hali atra misam wa nong.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.