Biblia Todo Logo
La Biblia Online
- Anuncios -




DANIEL 3:4 - ASII LAKDAP Bible (BSI)

4 kra akhing na, agilülü chiiriim raüta akha chongto, “Maiqmung wiitarü, maiqphan wiitarü, kiimaq maiqphan bom wiitarü!

Ver Capítulo Copiar

Hawa Naga Bible 2001

4 tvtay jungc jix waz rueq, “Miq phvnx htenc, miqphvnx kvjaz phvnx ruip saz kvjak vtuinx miq htenc lex!

Ver Capítulo Copiar




DANIEL 3:4
13 Referencias Cruzadas  

Riita ara chongtiikai akhing arka jipi lütsam ngoja na raroq nai ri ranaiq tsam ranaiq, Siwan jipi liina chato. Kra akhing na Mordekai raq hokhamwe cherewetiim thun kra riichom heato. Raüta apaiq raq anü maq achong wan chan raüta twaiq wanto. Raüta kra lak thun ka Jehudinok ma, wanghuptibi ma, welabi ma, kiimaq maiqhiq wangshishi ri wangroq nai ri wangmiishe na siti India mung maq riita Ethiopia mung na saüli mung pengwantibi, mungtu shiilangbi ma tiiphea kuqto. Kra lak thun tiiho wantaq kriika, maiq hiq wangtek na maiqmiimii phan bom maq waiqto. Jehudinok miimin tsangshiqnok lak maq waiq raüta tiiho wanto.


Jerusalem lei, pum diiluhea kiina walaq, laüta tsütsa ahea ka chiiriim laüta tiitailaq! Tiihong laüta gilaq Jajon lei; tsütsa ahea kra tiitai chonglaq! Linham linhok chonglaq, naqhaikiq. Juda mung na chela thun ma chonglaq; tsangshiq Shiikeawe ka kitlo she nguta!


Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!


Chaü lei, ümniiraq aming ashi kuqlaü, paimin toro tsütrangho raüla, maiq wiitarü raq hiq na bumrang raüta chaq sumlakaü kra shomnoq raa,


Raüta ümtiikiiwa kra ajong alabi ka kra kiinongke wan poi kra lomkai thungtaq raüta kra sumla khaki niishe chaptaq,


Krai mren, tsangshiq raq atsü angii trang kra tai raüta, maiq mung wiitarü, maiq phan wiitarü, maiqphan bom wiitarü raq bumrang riito raüta, chaq sumla Hokhamwe Nebukadnejar raq ashong kra shomnoqto.


Hokhamwe Nebukadnejar raq maiqmung thun ma, maiqphan thun ma, kiimaq maiq aphan bom thun, mangjong hiq na siti tlotli ma tsütsa ka akha tiiwanto: “Namshiq tarü ma khu asang mirlaq!


Apaiq raq tiihong raüta agilülü akha riimto: ‘Pechong ka daqbaiq laq. Laüta akü ako thun ka wiita tapbaiq laq; ajaq thun ka wiita tapbaiq laq. Laüta atsi thun ka wiita wanbaiq laq. Achongtong wa nyamse thun ka, tiipin jobaiq laq. Atsung mong na tiiti wushi kong ka, wiita tiipin jobaiq laq.


Kiijiishe Hokhamwe Derias raq lak ashi waiq raüta, mangjong hiqraikhü na siti, maiqmung tlotli ma, maiqphan tlotli ma, kiimaq maiq aphan aphan bom tlotli ma, tiiho wanto. Lak ka akha waiqto: “Khu asang maq sirong laq!


Israilnok maiq jaq na pinthum chamchaotlo. Tsanghiq tsangra thun rewe riishe nyeawanto. Jamkhano ngukla tsangshiq raq ngi ka miimthü raüta, athii ahü maiqtijong howanto,


Ara chongtiikang sumrum wan thun ümniiraq mirhum haü, jamkhano ngukla, ümniiraq, Hokham Omri nai ase Hokham Ahab, raq ashut tri langwantaq kra phan wan laü. Ümniiraq tsangshiq ashut tri lam ka lang wan laü, Kriikha na ngi raq ümniika mishthen baiqha. Krai mren maiq tarü raq ümniika mishummii. Maiq barapseti raq ümniika misaisi wan.”


Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.


Síguenos en:

Anuncios


Anuncios


¡Síguenos en WhatsApp! Síguenos