DANIEL 2:9 - ASII LAKDAP Bible (BSI)

⁹ namshiq raq ngi ma jamlai wa makang kra chongkuq man riihan jiila, namshiq tarü ka khoshi niilishe mitsai han. Jamkhano ngukla, namshiq tarü ka kiqshi maq, ngi ma arot chongke ma nguta ari wishe. Namshiq raq rahiq ka akha lanta tlinphin wan hanla, ngi tiima ka aklai mirki nguta tiima tlan. Arningkhan jamlai wa makang kra chong ronglaq. Raüla kra liichum kiimin michongkuqlot han dea nguta misapha.”

DANIEL 2:9 Referencias Cruzadas

1 HOKHVMX 22:22

‘Jamkho milaü haü?’ nguta Tatiwe raq waito. Kiijiishe kra wenyi raq treto, ‘Ngi kilata Ahab shammibi kong kiima arot shammi bom mitiichongha.’ Kiijiishe Tatiwe raq nguto, ‘Kilaq. Laüta apaiq ka laükikiq. Ümniiraq apaiq ka milaolot haü.’”

1 HOKHVMX 22:6

Krai mren, Ahab raq shammibi kong shiblaitin kra triichom heato. Raüta tsangshiq ma waito, “Ngi raq Ramoth chela ka mikhatki ha shea khatki mangli wa?” “Khatkikiq,” nguta tsangshiq raq treto. “Tatiwe raq ümniima mitiitang kuq.”

ESTHAR 4:11

“Hokhamwe ngachang tapmong khok niika, hokhamwe apaiq raq tiiheahü maq, jechak jiimin maiqwe jiimin, juwa min maimak. Tiiheakaihü maq khokmong na nyap wa raüla, atsai chang ngutlishe asi. Kriiwa tiichhii wan chang lam lu ka ashili. Hokhamwe raq ajaq na shamtlaq chaq chongwai kii kra, kriiwe ma neike chang miraq. Raüla juwa hokhamwe phana watlaq kriiwe raq, kra chaq chongwai kii tsiise kiijaq bumsaq raüta, jaqkonaita maq shamwa chang. Kra raütiq, kriiwe miisaq ka mitiichhii wan lot. Ara tri atsin sitlaq arka hokhamwe sengi ajong alabi, kiimaq mungmaiqse wiita raq asap. Kiimaq hokhamwe raq ngi ka apaiq phana wa miitu, ümchaü raroqtsam she tiiheaki mak,” nguta Hathakh ma bom ka tiichong wato.

TAKSU LAK 12:19

Arot bomtsi ka aloseli misi, shatmaq tengman bomtsi ka, pattup pat-sa misi.

ISAIA 41:23

Naishiq ma chongronglaq rawiichii na jamkho mija wan-kra nguraütiq naishiq raq namshiq ka tisho kong dea nguta misaphai! Phanshi ra ahea phan klo ronglaq riimakla phanshi ra phiiptsi chang klo ronglaq; lantea naishiq ka phiip ma tiitsai ronglaq, kiimaq tiikiinyii rongliina!

ISAIA 44:25

Ngi raq maiqjaq liitikong ka maiqjiq ma tiijabaiqkang; along bom tiithai thun ka tiibibaiqkang. Taksma bomchong ka Ngi raq khiibaiqkang, lata tsangshiq nyan bomtsi ka banbok mii tiijabaiqkang.

EJEKIEL 13:17

Tatiwe raq nguto, “Maiqse lei, namshiqnok phong na jechakre kong maiqmii raq thapthi raüta riisham bom tiithai chongti kra liilaq. Tsangshiq ka ajiq nguta tiishutbaiq laq.

EJEKIEL 13:19

“Namshiq raq haptashishe jaili nai phutsam phublaise winsii phu kra laphaq miitu Ngi ka isenginok mungmaiqse makki na shummiitlan. Namshiq raq maiqse ka khii akha min ahü atsai chang shutphit jammin ahü kriiti kiimin wiita tsatbaiq wantlan. Kiimaq mungmaiqse juwa ashut kloti, tsangshiq ka atra si thek makti thun kra atra tiisitlan. Namshiq raq arot akiq bom kra chong lanta mungmaiqse ka laotlan. Tsangshiq raq namshiq bom kiima kamtlo.”

EJEKIEL 13:6

Tsangshiq raq riisham makchhi bom chongtlaq thun ka arot. Kiimaq tsangshiq raq shammi bomchong tiithaitlaq kriimin arot siisaq. Tsangshiq riika itsütsa chongkuq tiikai nguta tiitsakisiqtlo. Shatmaq Ngi raq tsangshiq ka tiiki mangdea. Kra taümaq tsangshiq riisham bomchong ka miku wan nguta tiimasiqtlo!

DANIEL 2:16

Krai mren, Daniel ka jaqlo thitli hokhamwe phana waraüta, apaiq raq hokhamwe ma rawama liichum kra chongke miitu rahiq tluke aming jaüto, raüta lapto.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 2:8

Kiijiishe hokhamwe raq, akhiishe gihoto, “Ngi raq jamkho tiimakang! Kra phanphan dea namshiq raq rashe tiicha lamlu bom tlan. Jamkhano ngukla, ngi raq ikhutsai na athapthi wan wishe,

DANIEL 3:15

Riita, ümchaü min, namtsam raq lerong, tulu, torokong, torojong, phaqlamtoro, kiimaq laihin atsüngii chang phan thun tsütrang kra taihanla, hiq na bumrang lanta, sumla phrakaü ka noq ronglaq. Kra riiman hanla, jaqlo thitli, namtsam ka watum kaü henghea nyaitlaq mong na mitiidea baiq. Kra watum mong wa namtsam tiichhiiketi ashi ra shiikeawe ka asi ngutiisha tiimatlan?”

DANIEL 5:28

PERES, ümmungtan ka atiikhoke wishe, raüta Medis mungti nai Parsia mungti ma achumke wishe.”

DANIEL 5:31

Kiimaq Medi mungti hokhamwe Derias, apaiq ka kra akhing na arawii wiiroqtrok ri wiinai she kriiraq hokham ngachang ka jiiwanto, raüta mung ka lang wanto.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

2 Corinthians 2:17

Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.