DANIEL 2:44 - ASII LAKDAP Bible (BSI)

⁴⁴ Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

Hawa Naga Bible 2001

⁴⁴ Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 2:44 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

2 SAMUEL 7:13

Apaiq riitiq ngi miitu shomjam ashi mihai wan. Kiimaq ngi raq apaiq weraü ka pattup pat-sa thummak maq siwan raüta mung peng wan miitu she mirüm wanha.

2 SAMUEL 7:16

Ümchangkhü songwanti ümsaü ümsetiim ka maiqpat aweatek na, siruq miraq. Kiimaq ngi raq üm mungtan ka ümtiikiimin thumki mak phan she mitiija wanha. Kiimaq ümweraü phan raq mung peng wan jaqsham ka ümtiikiimin thummak phan miraq.’”

Tvtsvmc 145:13

Üm mungtan ka thumkimak phan, kiimaq ümniika pattup pat-sa miitu hokham. Tatiwe raq akiqkham bomtsi ka tsapkapkap tiikupi wantlo, kiimaq apaiq raq ümchuwa jaqshamtlaq kra tiihang shatmaq shamtlo.

ISAIA 60:12

Shatmaq maiq mung thun jurwa ümnaq shiikumpan mak, Krii thun ka miqchup mishthenbaiq.

EJEKIEL 37:25

Raüta tsangshiq ka Ngi raq ijaqshise Jakob ma akuqha mung, tsangtitiim siwan chang hiqchü rachü mung kiijiishe mishong nga wan. Kiijaq tsangshiq ka pattup pat-sa she mishong nga wan. Krai mren, tsang setiim kiimaq tsang saütiim ka misi wan. Ijaqshise Dawit raq jamkho mung peng wantaq kiikha hokham weshi raq tsangshiq ka pattup pat-sa she mipeng wan.

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

DANIEL 2:34

Ümniiraq kra sumlakaü ka liirat tlaü bala liipan niili, longraqkam khu wa longkaü jonghea ashi, maiqjaq maq jurmin shamhü miili tiikoq wanto, raüta sumla kaü hokphi wiinai jin nai hamlii hiq maq shot raüta alo ba kiijaq tiiqbaiqto. Raüta wiita tiibun baiqto.

DANIEL 2:35

Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

DANIEL 2:37

Chaü lei, ümniika hokhambi wiita thaq na ajong pinthum. Ramungtan na siti Shiikeawe raq ümniika ajong pinthum hokham ma shongto. Raüta ümniima ningkun, phenla ningkun, kiimaq khushü kuqto.

DANIEL 2:43

Kiimaq ümniiraq sumla ka jin nai hamlii hiq maq shot raüta alo chhilaü. Kra liichum ka kra akhing na hokhambi ka kherü lam phan raüta, hokhamwe weshi raq hokham weshi tajam wa achak milam. Raüta tsangta liipan na kherü lam phan maq adam na pong wan miitu mishkut. Shatmaq jin ngam nai hamlii hiq ka adam na riishot lot mak ikha, tsangshiq ka adam na kiqshi tsiimshi maq riwan lotmak miraq.

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

DANIEL 6:27

Apaiq raq khupwongtlo kiimaq chhiikuqtlo; Apaiq raq ramungtan na nai mangjong hiq na, amao chang nai awang chang jaqshamtlo. Apaiq raq Daniel ka hangsikong nübok wa, tiikaq mak tiichhiikuqto.”

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

DANIEL 8:25

Apaiq khonglaq mochii maq, laopha jaqsham jonghea mi ong wan. Apaiq ka ashkongtamli miraq, kiimaq achong aphan min ahü maq, maiqse pahea mitsat baiq wan. Apaiq raq hokham thaq na Hokhamwe kiimin, akhat riila nguta mingeng wan. Shatmaq apaiq ka mitsat baiq wan, Shatmaq maiqse jaq maq riimak.

Mikha 4:7

Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

HAGAI 2:22

Lata, pongmung hokham mungtan ningkun nai hokham ngacho thun ka wiita ümklao baiqha. Ngi raq tsangshiq kumrang leng thun wiita ümklao kap baiqha. Kiimaq leng jiiqti thun ka tsangshiq nai tsangshiq lishe jaq ma mirjiip.

HAGAI 2:7

Ngi raq mangjong hiq wa maiq mung thun naüshaüshaü mirha. Krai mren pongmung maiqse raq tsangshiq tsiiq tum kra howan raüta arjiishe mito wan. Krai mren, Shomjam ka tsiiq anyam raq ama she miraq.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

Hebrews 12:28

Riita, ümchaü sanha, Shiikeawe ma pinthum kechu tum rong i. Apaiq raq nashiq ma ramungtan ka kuqto she. Nashiq ka apaiq sengi she. Ara mungtan kuqtaq arka, ümtiikiimin thenki mak phan she. Arkha maq, ümchaü sanha, nashiq raq Shiikeawe ma khoqriiq shishiiq maq, kechutum wan lili rong i. Laita, apaiq tiichochi miitu, apaiq raq lungwii tlaq kra phanphan, apaiq ka kai shreng laita, shomnoq rong i.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 2:27

Apaiq raq tsangshiq ka jin chongwai kii maq mipeng. Apaiq raq tsangshiq ka hamlii tak ikha bunlak buncha mitiiq baiq.