DANIEL 2:41 - ASII LAKDAP Bible (BSI)

⁴¹ Kiimaq ümniiraq sumla hokphi wiinai nai ahokshi thun ka, bashi ka hamlii hiq kiimaq bashi ka jin maq alo chhilaü. Kra mungtan ka khotham khothiq mungtan miraq. Hokham wiijam ka jin ikha ningkun ka aheng miraq, jamkhano ngukla kriika jin ka hamlii rai shot raüta loto.

Hawa Naga Bible 2001

⁴¹ Mnoz rueq htaq kox kuex gvmlawx ghaq nuiyc htaq kox kuex yanx rvtueq yaz nuiyc yaz shix htenc khiz vshuiux. Vruex kuex honoc mungtan rv-phvlc wvnc tuex lvmz rvtueq. Kvruex yuq yanx hungc vlaungc wvyvmc lomx yaq, yvmx khoc lac ngoz ruiux lec kvyuq gvmlawx ghaq vshot yanx lomx yaq.

DANIEL 2:41 Referencias Cruzadas

DANIEL 2:40

Kiimaq kra jai miishe, ajong pinthum hokham weblai ngoja hali mishong wan. Kriika jin jamkhiiwa atsin, kiikha ahong ala, jinraq jamkhiiwa phanrap tiihop mra tiibun tlak tiiqbaiq tlaq ikha ningkun aheng maq mung misiq wan. Jin maq buk raüjaq jamkhiiwa phanrap ka bunlak buncha bunki tlaq, ikha, kriiwe riimin apaiq ma sinkhu na hokhambi thun siwan tlaq kriika wiita notshotshot mikhat wan. Raüta mijam sha wan.

DANIEL 2:42

Kiimaq hokshi thun ka bashishi ka jin maq alo kiimaq bashishi ka hamlii maq alo riito. Kra liichum ka kra ajong mungtan pengti hokhambi ka wiijam ka ningkun aheng, kiimaq wiijam ka ningkun ajom maq mipeng wan.

DANIEL 7:24

Arong roqshi liichum ka, hokham weroqshi midong. Raüta kra mungtan ka mipeng wan. Kiijiishe hokham weshi hali midong wan; apaiq ka kongkhu lak wa hokhambi, thaq na pong she midong. Kiimaq apaiq raq hokham wetsam kra mitiidea baiq.

DANIEL 7:7

Ngi raq ara liirat tiikang liipan na hali, ngamthaiq kaüblai ngoja kra dong wanto. Kra kaü ningkun ka jonghea, liibi, kiimaq maiqkii maiqnyii. Awi thun ka jinwi. Ajong min jonghea. Kriimaq atra phan nyamse ka tiibun miilak kaqphaq tlo. Kiimaq ahok maq nishishi tsatbaiqtlo. Apaiq ka ngamkaü ahin kiikhiika riimak. Akhu na arong roqshi asi.

Revelation 12:3

Kiimahali, rawang win na pinthum awang chang ashi hali tiijiki nongto. Kiijaq shiiroro prenkaü jonghea jonghea ashi chhikang. Akhupo ka miishi. Kiimaq arong ka roqshi. Kiimaq akhupotek na hokham khuphok phok raqraq riito.

Revelation 13:1

Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Revelation 17:12

“Ümniiraq arong roqshi chhi laü ka hokham weroqshi, ümchaü niitaq mung misiq wan shaqti riito. Shatmaq, tsangshiq ka ngamthaiq kaü rai nari shi miitu hokham ma mishong.