DANIEL 2:23 - ASII LAKDAP Bible (BSI)

²³ Ngi raq ümnaq tiitsam tiikang, kiimaq shreng tiikang, ititiim Shiikeawe lei. Ümniiraq ngi ma anyan phaqchi kuqlaü, kiimaq ningkun kuqlaü; ümniiraq ngi achujaü trekuq laü, kiimaq hokhamwe ma jamlai chong chang wa, kra naishiq ma tiichhikuq laü.”

Hawa Naga Bible 2001

²³ Ijix iwaz Tishox lec, ngaz rueq mnoz muex tvtsvmc kvmc vtueq tvtsanc vphaungx. Mnoz rueq ngaz muex taksux tharc nuiyc hungc vlaungc kuq vphux; mnoz rueq ngvy vjux thoz kuex tvralc vphux nuiyc hokhvmx waz muex yvmx khoc jungc juing lac kuex tvkhic vphux.”

DANIEL 2:23 Referencias Cruzadas

RAPHA HIQWA LAK 18:17

Kiijiishe Tatiwe raq apaiq nai apaiq ka akha tiingoto, “Ngi raq jamlai klo chang wa sitlaq kriika Abraham ma dampaü mang.

RAPHA HIQWA LAK 31:42

Riita iwetiim Shiikeawe, Abraham Shiikeawe kiimaq Isak Shiikeawe ka ngi rai ahü nguraü ka, ümniiraq ngi ka jaqmii maq man niiphü mitiiwa baiq haü wa. Shatmaq Shiikeawe raq ngi chamchao ka chhito. Kiimaq ngi raq minshiiq kang kra chhito. Kiimaq ümwa rawa apaiq raq nanai liipan na kha ka phokuqto she.”

1 HOKHVMX 18:36

Ranaiq shethung shekham bala honglu kewan akhing she saüto angu na, shammiwe Elija ka kra berong-wacha tho niishe chapto. Raüta akha achu jaüto “O Tatiwe lei, Abraham Shiikeawe, Isak Shiikeawe, kiimaq Jakob Shiikeawe lei, ümchaü akhing arjaq ümniika Israilnok Shiikeawe dea, kiimaq ngi arka ümjaqshi se dea nguta saqse tiichhikuq laq. Kiimaq ngi raq arthun klokang arka ümnaq aming miidea klokang nguta tiichhikuq laq.

1 HOKHVMX 8:57

Riita ümchaü min Tatiwe nashiq Shiikeawe ka natitiim pat na tsangshiq rai adam siwantaq kiikha, nashiq rai min adam she dea misilaq. Apaiq raq nashiq ka ümtiikiimin miim thümak she mirlaq. Riimakla nashiq ka ümtiikiimin tiishaübaiq mak she mirlaq.

1 KAÜWA WERAÜ 29:10

Kiijaq mungmaiqse thungtlaq khaki na Hokhamwe Dawit raq Tatiwe ka tiitsamto. Apaiq raq akha nguto, “Naiti Jakob Tatiwe Shiikeawe lei, ümmang ka pattup pat-sa tiitsam wan ruq li mirlaq!

1 KAÜWA WERAÜ 29:13

Riita ümchaü min, naishiq Shiikeawe lei, naishiq raq ümniima kechu tum tiikai, kiimaq naishiq raq ümmang achhai anyii jonglu tlaq kra tiitsamkam tiikai.

2 KAÜWA WERAÜ 20:6

Raüta akha tiihong raüta achu jaüto, “O naitiim Tati Shiikeawe lei, ümniiraq ramungtan na mangjong hiq wa maiq mung thun kunli ka pengtlaü. Ümniika ningkun jonghea riimtiwe kiimaq ahong ala pinthum. Kiimaq ümkiq ka juwe riimin khiiki lot mak.

Tvtsvmc 21:2

Ümniiraq atsan mong na lungwiitlaq kra kuqlaü; ümniiraq apaiq achujaü tre kuqlaü.

Tvtsvmc 21:4

Apaiq raq rilung jaüto, kiimin apaiq ma kuqlaü, rilung luhea kiimaq pattup rilung kuqlaü.

Tvtsvmc 25:14

Tatiwe ka awokhong na siti ma khi alu, kiimaq apaiq raq atongshong tri ka tsangshiq rai atiipha shat raüta sitlo.

Tvtsvmc 50:14

Shiikeawe miika kechutum honglu kra kuqlaq, kiimaq Ajong Shiikeawe ma jamlai mikuqha ngutiiwa kiq khamlaü kra kuqlaq.

DUNGWVNC 3:15

Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.

TAKSU LAK 21:22

Khonglaq nolajongwe riika, kiitelong maq truk raüta, rewe sreabi raq khetlaq, chela kra khat raüta mitang. Raüta tsangshiq kamsea chang, peruk kra mishthen baiq.

TAKSU LAK 24:5

Taksu maiqse ka, ahong alawe thaq na ahealin. Tengto, phaqchi ka, ningkun thaq na akhek.

TAKSU LAK 8:14

Ngi raq phanrap kiimung tiikang, lata jaq ka sham tiikang. Ngi raq phanrap akhonha, kiimaq i ningkun asi.

THARC TVLUINGC 7:19

Taksu tsii raq maiqse ma ümtin khan wa shiiman kuq tlaq, kriika tuwejong weroqshi raq chela ashiti ma shamkuq tlaq kriithaq na apa misham kuq lot.

THARC TVLUINGC 9:16

Kra chhilata ngi raq, “Taksu tsii ka ningkun thaq na ahea. Shatmaq miitsan maiqse taksu tsii ka hiq tili ikhli, maiqse raq no na shipoq baiqtlo. Kiimaq apaiq raq chongtlaq bomtsi ka maiqse raq lang mak shishe tlo,” nguta tiima kang.

THARC TVLUINGC 9:18

Rekhat chang chuntsi nyiimwin nam ma, taksu tsii chongkuq tlaq kra tai haü jiika, mungmaiqse ma hansang miraq. Shatmaq ngarai maiqse ashi riili Ahea awa pahea shiithen baiqtlo.

ISAIA 12:1

Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

DANIEL 2:18

Raüta apaiq raq tsangtsam ma, ratsan ramong nyang na siti Shiikeawe jaqwa apaiq tiihang mangchan mikuq laq, kiimaq apaiq raq kra amao chang jaqsham kra liichum ka tsangtsam ma chongkuq laq, kiimaq tsangshiq kiimin Bebilon mungti tsii chongketibi rai tsatbaiq makchang miitu achu jaü ronglaq nguta chongto.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Luke 10:21

Kra akhing na, Jesuq khum na Asii Wenyi ka ama riito. Krai mren, apaiq ka kai chochito. Kiimaq apaiq ka akha achu jaü bomto, “Iwe lei, ra nai hiq Rümtiwe lei! Ngi raq ümniima pinthum kechutum tiikang. Ümniiraq phaqchi maiqse nai asap atsinti maiqse miika, arthun arka apaü riiwan tlaü. Shatmaq, jam min saptsin makti ma, ümniiraq arthun ara tiichhi kuq tlaü. Ngohea dea, i we lei, ümniiraq tiima tlaü kra phan phan she dea hongtha wanto.

John 11:41

Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.

Revelation 5:5

Kiijiishe nyungwere phong wa maiq weshi raq ngi ma bom ka akha chongto, “Naqhoqkiq. Liilaq! Juda weraü wa hangsi kaü Dawit ma asaü saüpai, ajong weshi raq rekhat ka atang wan kun she. Krai mren, apaiq raq ara sil atrap miishi ara tiibun raüta, akom ka alin miraq.”