DANIEL 2:18 - ASII LAKDAP Bible (BSI)

¹⁸ Raüta apaiq raq tsangtsam ma, ratsan ramong nyang na siti Shiikeawe jaqwa apaiq tiihang mangchan mikuq laq, kiimaq apaiq raq kra amao chang jaqsham kra liichum ka tsangtsam ma chongkuq laq, kiimaq tsangshiq kiimin Bebilon mungti tsii chongketibi rai tsatbaiq makchang miitu achu jaü ronglaq nguta chongto.

Hawa Naga Bible 2001

¹⁸ Piq rueq naunghez kuex Babelon mungx wawc vganc rvjungc rv-phvnc walaungx bix rulc vdvmz thvy gay rvhumc miq mruez kueq, menjenc kuy tvkoc nuiyc vhttuiyq vpuiuc vruez kuex jalc jungc kuy lot muex raungmungx Tishox kox wawc vjux thoz tvkoc jungx tueq.

DANIEL 2:18 Referencias Cruzadas

RAPHA HIQWA LAK 18:28

Shatmaq, jursap kiijaq maiqsangti ka roqbiingi rii na roqblai li ngu i. Riita ümniiraq kra chelati ka tlotli maiq webiingi atsap se ningkhan mitiithenbaiq haüshea?” Tatiwe raq treto, “Ngi raq maiqsangti roqblai ri biingi humhala, kra chela ka tiithen baiq mang mirha.”

Tvtsvmc 136:26

Ramungtan rümti Shiikeawe ma kechutum ronglaq; apaiq lungwii ka pattup pat-sa.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

ISAIA 37:4

Asiria mungti hokham ajongwe raq asengi ajong pinthum siihiipwe ka atra Shiikeawe tiishummiikai tiikito. Riita Tatiwe üm Shiikeawe raq atinkhan shummiitlaq kra mitailaq. Raüta arthun bomtsi ngotibi ka apaiq raq mo mitiiholaq. Arningkhan Shiikeawe jaq wa achu jaülaq nashiqnok ümchuwa atra sitlaq thun kra miitu.”

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

EJEKIEL 36:37

Tati Rakaü Hiqwe raq ngutlo, “Ngi raq Israilnok ma jangshiri hali, i jaq wa khrum mitiijaü nongha. Kiimaq Ngi raq tsangshiq ka skusekong puchi wan tlaq ikha pahea mitiipu kuqha.

DANIEL 2:23

Ngi raq ümnaq tiitsam tiikang, kiimaq shreng tiikang, ititiim Shiikeawe lei. Ümniiraq ngi ma anyan phaqchi kuqlaü, kiimaq ningkun kuqlaü; ümniiraq ngi achujaü trekuq laü, kiimaq hokhamwe ma jamlai chong chang wa, kra naishiq ma tiichhikuq laü.”

DANIEL 3:17

Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

DANIEL 4:26

Rase raq pechong khuk ka hiq na kiikhiili thüronglaq nguta aming kuqto. Kra liichum ka ümra akhing niiwa ümniiraq ümtsan mong na, ara mangjong hiq tlotli arka Shiikeawe riidea rümtlo ngutiishe mitum haü, kra akhing niishetiq, Shiikeawe raq ümniika hokhamwe ma hali mishong nong.

Jona 1:9

Kiijiishe, “Ngi ka Jehudinok phan. Ngi ka ra nai hiq kiimaq sammoktra jü tiiq wanti Tati Shiikeawe shomnoqti,” nguta Jona raq treto.

MALAKI 3:18

Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.

Matthew 18:12

“Namshiq raq jamkho tiima tlan, maiq weshi jaq na skuse kong ka shishi miraq. Kiiwa ashi ka amii mirki. Raüla, apaiq ka roqtiikaüri tiikaü ka hiqlam siim na atsam phaq baiqthü raüta, amii arkise kra ritkai mikiho.

Matthew 18:19

“Kiimaq arthaq niimin abiri chongkuq pha. Ümtiikiiwa namshiq phong wa maiq wenai raq kiqshi maq ri lanta, phanshi ra miitu achu mijaü han, kra jaü tlan kra i We ramungtan na siti we raq namshiq ma mitre kuq.

Acts 12:4

Petar ka lap raüta phaqtek na shaqto. Raüta, phenlabi kongblai ma tiikheto. Phenlabi ka kongshi na weblailai riito. Herod raq Petar kha ka, Tiichhii Wan Poi lot jaitiq, mungmaiqse man na pho raüta, apaiq ka tiishut baiq raüta tsea baiq ma nguta tiihong thato.

Romans 15:30

Riita, ümchaü min, phunainotiim lei, nashiq raq Tati Jesuq ma kamwan tiikai, kiimaq Wenyi raq nashiq ma lungwii tsantsii kuqtlaq arkha maq, namshiq ka ngi rai adam maq, ngi miitu tsan tiitsi lanta, achu jaü kuq han jiika ahea miraq nguta, namshiq ma, ara athü ada wan bomtsi tiitai wan tiikang.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.

1 SAMUEL 17:37

Tatiwe raq ngi ka hangsikaü thun nai chapbikaü thun nübok wa tiichhiikuqto. Krai mren sii hali, ara Philistainwe jaq wiimin mitiichhiikuq!” Kiijiishe Saul raq treto, “Ahea ikhiijiiha. Kilaq. Tatiwe ümniirai asi miraq.”