DANIEL 11:6 - ASII LAKDAP Bible (BSI)

⁶ Rawii ashaqpuq siwan jai miishe, Ejip mung hokhamwe raq Siria mung hokhamwe rai silu mirja, raüta reraüshi she mipong wan. Kiimaq ase jechakse ka Siria mung hokhamwe ma mitiiwa. Shatmaq kra reraüshi riija pongtaq kriika alu tsing mak miraq. Kra hokham nyung kra, tsangwe kra, hokham nyung se kra, kiimaq apaiq rai ajaqshisetiim ümchuwa wadamtaq thun ka wiita mitsatbaiq.

Hawa Naga Bible 2001

⁶ Raungwawc vshauk puq shex yix maq Ejip hokhvmx waz kuex Siria hokhvmx waz rulc lux rvyaungc vtueq vsaz yalxjuik saz kuex kuq shuex. Yuq muinz lux rvyaungc kuex vluz khvmc muq rvshuex, piq muinz, vtaungx waz muinz, vsaz muinz piq rulc httaz jix bomc nvrc juing hez muinz lotlaz thvt gay shuex.

DANIEL 11:6 Referencias Cruzadas

YOBA 38:15

Ranaiq rawüli ka abi kloti ma rawü hea, kriikha maq tsangshiq raq maiqse ma jasam piqsii riilot mak khaiq khamtlo.

Tvtsvmc 10:5

Abiwe riika phanrap na ong wan ruq riitlo. Apaiq raq Shiikeawe tri raüsham ka takmak; apaiq raq ajaqtibi kiimin chuphit nüphit shipoqtlo.

EJEKIEL 30:21

“Maiqse lei, Ngi raq Ejip mung hokhamwe jaq phum ka tiingoq bukbaiq kang she. Jurmin kra khea maq jop kuq mak dea riimakla jaqlo atsi tiihea miitu pekho maq chüp raüta jopmak dea. Krai mren, thongshi ri nepja shamlotli chang ka riimak.

DANIEL 11:13

“Siria mung hokhamwe ka tsang mung na hali mijang wan nong. Raüta aphenlabi ka kongkhulak wa kriithaq niimin achan pahea she hali mirchom nong. Raüta akhing hongtoshe angu na, apaiq raq asengi phenlabi ka kongkhulak na sheahotaq kriithaq na apa, pahea she sheaho raüta, kiimaq rekhat chang hupsam chamtraq hoho raütiishe rekhatkai mijangki nong.

DANIEL 11:15

Kra ningkhan, Siria hokhamwe raq chela ashi kiitelong ruk mong na siti kra mikhat wan. Raüta mijii wan. Ejip mung phenlabi raq re ka khatruq khat makshe miraq. Tsangshiq phong wa srea nolajongbi thun kiimin ningkun ka ajom she miraq.

DANIEL 11:40

“Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.

DANIEL 11:7

Kra jai maq, jaqlo miili, kra hokhamnyung ma tanyangseno phong wa maiq weshi ka hokham ma mija. Raüta apaiq raq Siria hokhamwe phentiip thun kra mikhat. Raüta tsangshiq phentiip kiitelong ruk thun kra mitiibun khat. Raüta apaiq raq tsangshiq ka mitang.

JEKERIA 11:16

Liirong laq. Ngi raq iskukong rümti weshi shiikap kang. Shatmaq apaiq raq skukong asea awea raq tiithen tlaq ka tiichhiikuq mak. Kiimaq amo amii arki kriimin, danhon mak. Kiimaq ami atsi, asho aphi kriimin phumtsam mak. Kiimaq han aphin phinti kiimin samhea dunghiq mak. Shatmaq apaiq riika skusetiim apüpüti ka apaiq raq phaqbaiqtlo. Kiimaq apaiq raq skuse hoksan kriimin chhutjokjok kiiq baiqtlo.