DANIEL 11:4 - ASII LAKDAP Bible (BSI)

⁴ Shatmaq apaiq mungtan ka pinthum ajong alu, ahong ala siwan tlaq bala, apaiq mungtan ajong ka mungtan blai miishe mitiikhoki. Raüta kra mungtan blai hokhambi ka apaiq lai ala phan riimak, maiq pongphanti raq mung ka misiq wan. Shatmaq tsangshiq ningkun ka apaiq ningkun jong khan ka riimak miraq.

Hawa Naga Bible 2001

⁴ Yuq muinz piq luimc vkawc joz yaq baunglaung piq honoc mungtan kuex bunx wvnc vtueq, bvlic muex rv-phvlc wvnc tueq. Piq suiuz vsaz wawc rvmuq jix rueq hokhvmx bix rueq piq baung nuex guimz lawc shuex, yuq muinz piq rueq lvp tueq luimc vkawc tanc khvnc lvp muq

DANIEL 11:4 Referencias Cruzadas

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

JEREMIA 12:15

Shatmaq Ngi raq tsangshiq ka babaiq wanjai, Ngi raq tsangshiq ka atiihang mirwanha; Ngi raq maiq mung thun aweatek wa mungmaiqse ka tsangshiq ka maiqmii hiqshong na kiimaq maiqmiimii mung nahali mitsuq wan nongha.

JEREMIA 12:17

Shatmaq maiq mung mungshi ra raq iwokhong na nyap wan mak riihaüla, ngi raq kra mungti ka arang chong maq balata mitiithen baiqha. Lata tiimiq chup mitiithen baiqha. Arka, Ngi, Tatiwe raq ngutiikang.”

JEREMIA 18:7

Ümra akhing niiwa Ngi raq maiq mung ashi riimakla mungtan ashi ka arangchong maq aphai mirbaiqha, lata mitiibun baiqha riimakla, tiimiqchup mitiithen baiqha nguta tan khan tiikang;

JEREMIA 31:40

Raütiishe maiq maa lapchang nai sinchiitsap tsuqbaiq kaichang hiq thung tan thun kra tlotli ham wan raüta, Kidron khamraise thaq na wawan raüta, wakram thun kra lomwan tlii wawan raüta, shedong nü na Kumrang Kilamchong na saüli miraq. Arthun arka Ngi ma asii hiqba miraq. Kra chela ka jai maq ümtiikiimin chaibaiq mak she miraq. Kiimaq tiithenbaiq mak she miraq.”

JEREMIA 45:4

“Shatmaq, Ngi, Tatiwe raq ijaq maq ahaihun wanha kra asiiq she riibaiq tiikang. Kiimaq Ngi raq jamlai wa chhijang wan kang kriika, arangchong maq aphai she riibaiq tiikang. Arka Ngi raq mangjong hiq raikhü tlotli wa miphaibaiq wanha.

JEREMIA 49:36

Ngi raq Elam mung khuthaq na trotam maq rathaiq jonghea mitiisaüha. Lata Ngi raq Elam mungti ka mangjong tlotli na wiita mijo baiqha. Tsangshiqnok munglu shumwi kong raq mangjong hiq wa maiq mung kra wiita minyam wan shaq wiiwii mijobaiqha.

EJEKIEL 37:9

Kiijiishe Shiikeawe raq ngi ma nguto, “Maiqse lei, rahai kiima riisham bom maq tiithailaq. Rahai kiima Ngi, Tati Rakaü Hiqwe raq rahai apaiq ka trotam maq haiwan raüta, ara amaa maiqrii phong arma tsitsü heakuq ronglaq. Lanta tsangshiq ka maiq atra kong miishe tiija ronglaq nguta aming kuqtlo nguta chonglaq.”

DANIEL 7:2

arthun ara riito: Rahai ka trotam maq haiwanto. Raüta sammoktra chum ka wiita brakshaq wanto.

DANIEL 7:6

Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.

DANIEL 7:8

Ngi raq arong thun ka liirat tiikang liipan niili, ara arong phong mong na, arong aranse ashi hali cham wanto chhikang. Kra arongse raq, kongkhu wa arong phong kiiwa, atsam ka arangchong maq chatbaiqto. Ara rongti ka maiqmak ikha, amakpo min asi. Kiimaq anübok miika pinthum shiikong miilong bomtlo.

DANIEL 8:22

Kiimaq aphashaqshaq acham arong kra tiingoq kai jai she, arong rongblai anye chamwan nongtaq kriika, kra Grik mung ka jaimaq, mungtan blai miishe mitiikhoki. Raüta hokham weblai riishe maiqmiimii mung she mipeng wan. Riita kra mungblai miishe tiikhokitaq kriika, apha na mung ashi maq siji na jamkho ningkun ajong riitaq, kiikhiika riimak she miraq. Tsangshiq ningkun ka ajom she miraq.

DANIEL 8:8

Kra chhepongwe ka alachong dokdok pinthum shiikong siq wanto. Shatmaq apaiq ningkun jonglu henghea bala liipan niili, arong ka angoq she riikito. Kra rongchü chamchang ba kiijaq, ajongjongwiq rongnye rongblai she chamto. Kra rongblai chamtaq kriika, arong tsii thun ka, siimblai ri na tiinyi raqraq riito.

JEKERIA 2:6

Tatiwe raq asenginok ma, “Ngi raq namshiq ka barap na tiipin jobaiq kang. Shatmaq ümchaü namshiq munglu shumwi kong ka Bebilon wa chiimjin hotlo ronglaq, lanta Jerusalem na jangho ronglaq.

JEKERIA 6:5

Kiijiishe apaiq raq, “Ara kumrang leng blai chhitlaü arka, lamblai maq haiwan tlaq rahai kra tiichhikuqto. Arthun rahai haiwan tlaq arka, mangjong hiq rümti Tatiwe raq atiiwa,” nguta treto.

Matthew 12:25

Tsangshiq raq jamlai wa tiima tlaq kra heraüta, Jesuq raq tsangshiq ma akha chongto, “Ümra mungti wa maiqmii nai maiqmii liipan na riilong riiliiq maq sitlaq, kra mung ka alu ka tsing mak she ngushat. Kiimahali, ümra chelati wa lo, juta jamti wa tatso wawoli sitlaq, kra ta ka athen she mirki ngushat.

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

Revelation 7:1

Arjai miishe, ngi raq rasetiim blai ka, ara mangjong hiq diim shokblai na chap raqraq chhikang. Raüta, tsangshiq raq rahai shokblai maq hai wan tlaq kra ato riibaiq tlo chhikang. Arka mangjong hiq rai khü na kiimaq sammoktra jü na nai pechong wiirü thun thaq na, rahai ka tiisaü mak chang miitu tobaiq tlo.