DANIEL 11:36 - ASII LAKDAP Bible (BSI)

³⁶ “Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

Hawa Naga Bible 2001

³⁶ “Suria hokhvmx rueq piq thuinroc ruez shuex. Piq kuex vganc tishox htauk nuex muinz pinhtumc vyungx rvtueq, Johvlc Tishox htauk nuex muinz pinhtumc vyungx ngoz tueq piq kvsomc parc tuex. Tishox rueq piq muex murx tvgurc shuex nuex httuiuc laz piq rueq vkhoc shuimx shuex. Tishox rueq vpiq kvmungx httax yaq rulc rv-ngvlc rvshuex rvtueq.

DANIEL 11:36 Referencias Cruzadas

Tvtsvmc 136:2

Tisho phong wiita thaq na ajong Shiikeawe ma kechutum ronglaq; apaiq lungwii ka pattup pat-sa.

Tvtsvmc 33:10

Tatiwe raq maiqmung thun raq kiimung wantlaq kra tiibibaiqtlo; apaiq raq tsangshiq jaqsham sürii wantlaq thun kra tiisham mak tangtabaiqtlo.

TAKSU LAK 19:21

Maiqse riika phanrap sham-akai mithapthi. Shatmaq Tatiwe raq, tiimatlaq kriili mihong wa.

ISAIA 10:23

Tengto. Ajong Thaq Na Ajong Pinthum Tatiwe raq, tsangmung tlotli wa maiq ka, apaiq raq mijiipbaiqha nguta kha toqtan wantaq kra phan phan she tsang mung ka mishthenbaiq.

ISAIA 10:25

Ngi raq namshiq ma imo tiihotiikang arka jaqloli she mihohan. Kra jai miika, Ngi raq tsangshiq kriishe mishthenbaiqha.

ISAIA 10:5

Tatiwe raq nguto, “Asiria ka! Ngi raq Asiria ka riiwung ma tiijatiikang. Lata ju khuthaq niiwa itsankhiq sitlaq, kriiti ma mo tiiho buk tiikang.

ISAIA 14:13

Ümniika ramungtan na düwantlo hajaq nguta pinthum shiikut chaq wan laü. Laüta ümhokham ngacho ka ratsan ramong nyang na raiqsaiq thun thaq na diiluhea pinthum ba na nga wa hajaq nguta shiichaq tlaü. Ümtsan mong na kra pum khu thaq na shekhu nünü kiijaq phra kong ngongthun tlaq ba kiijaq hokhamwe ikha ngahajaq nguta tan khan wan laü.

ISAIA 14:14

Ümniinga ümniika ra na phumda phong bitlaq kriithaq na diilu pinthum ba kiijaq düwan lata, Ajong Pinthumwe kiikha mingaha nguta dan wan laü.

ISAIA 26:20

Isenginok lei, namshiq maiqmii jam na tapmong na waronglaq. Lantea kilü maq tiishaq ronglaq. Namshiq ka heashi miitu tiipaü ronglaq. Shiikeawe tsankhiq kra mishilaq.

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

ISAIA 46:10

Rapha hiqwa miiphü Ngi raq jamkha kupi wan chang wa kra tiithai wan kang; rathupse miiphü dongdii akha mihong wan nguta Ngi raq tiithaimaije. Ngi raq chongkang, Ngi raq thapthi tiikang ka poi mak phan miraq nguta, Ngi raq thimi wan kang thun ka mikloha nguta chongkang.

ISAIA 57:9

Namshiq ka homseng maq namkhum na tiijutjü lantea, kiimaq tel maq tiijut lantea, Molekh phrakaü kra noqkitlan. Ashomnoq chang phra kaü thun tritkai, namshiq raq kiimwebi ka maiqhiq luhea hea na tiikitlan. Wulum mung na saülili tiikitlan.

EJEKIEL 28:2

“Maiqse lei, Tajar mung pengtiwe ma, Ngi, Tati Rakaü Hiqwe raq apaiq ma jam bom wa chongtiikang kra chonglaq: Ümkhü tiinga raü shiikongtlaü: Ümniika phra kaü nguta tsütsit tlaü. Ümniinga phra kaü ikha hokham ngacho na ngatiikang ngutlaü. Ümtro na khamjong chum thun maq rukje. Ümniika phra kaü nguta tiichongsiq tlaü sham. Shatmaq riimak. Ümniika maiqse, ratiwe riimak.

EJEKIEL 35:13

Ümniiraq, Ngi ka shummii shaqshaq ngeng wan laüta, ümchuwa bom wan laü kra wiita Ngi raq ataiha siisaq.

DANIEL 11:16

Kra akhing na Siria mung wa aki nolawe raq tsangshiq khuthaq na jamlai klo wa rotlaq kra phanphan hok maq nishishi li she mishthen baiq wan. Apaiq tangtati ka jumin ahü she miraq. Apaiq ka Kiq Akhamkuq Mung kiijaq michap. Raüta kra mung ka ajaqkhon mong niishe mithü wan.

DANIEL 11:3

“Kiijiishe sreajong pinthum hokham weshi she midong wan. Apaiq raq peng wantlaq mungtan ka jonghea she miraq. Kiimaq apaiq raq aroro she miklo wan.

DANIEL 11:37

Hokhamwe riika atitiim raq shomnoq wantaq sumla phrakaü kiimin wiita mishipoq wan. Kiimaq jechakre raq lungwiitlaq phrakaü kiimin amiimshe mirbaiq. Apaiq raq phanrap phra kaü thun ka wiita mimiimbaiq. Jamkhano ngukla apaiq raq, apaiq ka kra phrakong thaq na ajong nguta mitiima.

DANIEL 12:7

Kiijiishe rase raq ajaq wiinai ka ra nü na doraüta, pattup pat-sa Shiikeawe mang na, ramkhamkok sham raüta, akha kiqkham kuqto. Apaiq raq akha nguto taikang, “Kriika wiitsam ri wiithiq miraq. Shiikeawe sengi tiichamchao wan jai maq, arthun mra arshe mipin wan.”

DANIEL 2:47

Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

DANIEL 4:35

Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.

DANIEL 5:19

Apaiq ka pinthum jonghea kha maq, mangjong hiq wa maiq mung thun, maiqphan thun, kiimaq maiq aphan aphan bomti thun tarü ka apaiq ma ahai rakrak kiimaq pinthum phiipkhiq siisaq sito. Apaiq raq juwa atseabaiq tiima tlaq, kriiti ka tsatbaiqto; kiimaq apaiq raq juwa atra tiisi lungwii tlaq, kriiti ka atra tiisi wanto. Apaiq raq juwa ashreng rotlaq, kriitika shreng wanto. Kiimaq apaiq raq ümriiti wa ashummii chang nguta tiima tlaq, kriiti ka shummii wanto.

DANIEL 5:20

Shatmaq, apaiq ka shiikonghea she, wanshakshak, kiimaq maiq ka ji maq nishishi haihü wanto; kriikha niishe apaiq ka hokham ngachang wa lambaiqto. Raüta apaiq khushü jong ka mokito.

DANIEL 7:8

Ngi raq arong thun ka liirat tiikang liipan niili, ara arong phong mong na, arong aranse ashi hali cham wanto chhikang. Kra arongse raq, kongkhu wa arong phong kiiwa, atsam ka arangchong maq chatbaiqto. Ara rongti ka maiqmak ikha, amakpo min asi. Kiimaq anübok miika pinthum shiikong miilong bomtlo.

DANIEL 8:19

Raüta nguto, “Ngi raq ümniima Shiikeawe tsankhiq tsingo ka jamlai wa miraq kra tiichhi kuq tiikang. Kra riisham makchhi kriika, phangthum akhing na seng raüta tiichhi kuqto.

DANIEL 8:4

Ngi raq skupongwe raq arong wiinai maq shenyap nünü kiina, kiimaq shekhu nünü kiina, kiimaq shemai nünü kiina juraüta, thaüpakpak thaürat wan tlo chhikang. Apaiq ka jamlai phan ngam riimin shiikhing lot mak riito. Kiimaq apaiq raq thaü wan tlaq ningkun kriiwiika, jamlai phan riimin akhum ka tiiwong lot mak riito. Apaiq raq jamkho thimi tlaq, kra phanphan klo wanto, kiimaq apaiq ka pinthum shiikongkhiq she shiikong wanto.

JEKERIA 11:16

Liirong laq. Ngi raq iskukong rümti weshi shiikap kang. Shatmaq apaiq raq skukong asea awea raq tiithen tlaq ka tiichhiikuq mak. Kiimaq amo amii arki kriimin, danhon mak. Kiimaq ami atsi, asho aphi kriimin phumtsam mak. Kiimaq han aphin phinti kiimin samhea dunghiq mak. Shatmaq apaiq riika skusetiim apüpüti ka apaiq raq phaqbaiqtlo. Kiimaq apaiq raq skuse hoksan kriimin chhutjokjok kiiq baiqtlo.

John 5:30

“Ngi raq i tsiitsii maq tri raü ka sham mang. I We raq chongkuq tlaq kra phanphan li shin tiikang. Kriikha maq, ngi raq jamlai wa shin tiikang, kriika khaqkhaq shin tiikang. Ara jamkhano chongtiikang ngukla, ngi riika i mang jong miitu sham mang. Shatmaq, ngi tiikaiti we raq ahea nguta jamlai wa thimi tlaq, kriili sham tiikang.

John 6:38

Ara jamkhano chongtiikang ngukla, ngi ka ramungtan maq mangjong hiq na satkikang arka, i tsiitsii maq jaqsham kai akiha ka riimak. Shatmaq, ngi tiikaiti we Shiikeawe raq jamlai wa thapthi tlaq, kra shamkai kikang.

Acts 4:28

Tsangshiq raq ümtinkhan wa kiimung wantaq kriika, ümningkun ajong maq nai ümniiraq athithi na tiihong tha miitu, ümniiraq tri raü ka, kongkhu ji miiphü dongdii shat je she athü wan kra, tiikupi wan miitu tsangshiq ka hongla wanto.

TRI CHONGKE 10:17

Tatiwe namshiq Shiikeawe ka phra thun wiita tlotli thaq na ajong pinthum kiimaq ningkun thun ümchuwa sitlaq kra tlotli thaq na ajong pinthum. Apaiq ka jonghea kiimaq apaiq ningkun ka henghea. Krai mren, apaiq miika ahai chang dongdii. Apaiq riika ju miimin lopki mak phan. Kiimaq apaiq raq tsiiqlap ka siq mak phan.

2 Thessalonians 2:3

Namshiq ka maiq ma mo tlao naq tlao rongkiq. Phangthum ranaiq ka mosaü kai ka saüki mak. Phangthum ranaiq saüho miika, mangjong maiqse apako raq, Shiikeawe lam ka phan wan mak she miraq. Kiimaq, Abi Thawe kriishe misaüho. Apaiq ka Shiikeawe ma wesang. Shiikeawe raq apaiq ka wamungtan na chaq baiq miitu dongdii athiiq arwan.

2 Thessalonians 2:4

Maiqse raq phra nguta ümchuwa shomnoq tlaq thun ka, apaiq raq angeng mirwan. Raüta, apaiq kli she, wiitarü thaq na ajong pinthum nguta, mihongla wan. Raüta, apaiq kiitiina Shiikeawe nguta, Jerusalem Shomjam mong na minga wa.

2 Thessalonians 2:8

Kra shiikhingti we ka Shiikeawe raq lambaiq raü jiitiq, Abi Thawe kriishe misaüki. Shatmaq, ümtiikiiwa Tati Jesuq kriishe saühojiiq, kiijiishe anübok wa dongtlaq, atsitsü hea nepja maq, Abi Thawe kra misebaiq. Raüta, apaiq khushü walüli ka wa ikha, achhai anyii liliim tlaq, kriimaq mitiithen chaq baiq.

JOSHUA 22:22

“Ajong Pinthum kli Shiikeawe! Apaiq kli Tatiwe! Ajong Pinthum kli Shiikeawe! Apaiq kli Tatiwe! Apaiq raq asap naishiq raq ara jamkhano klokai, kiimaq namshiq riimin sap ronglaq! Naishiq raq apaiq kiq khiikai dea jiila kiimaq Tatiwe ma kamtsantsii thümai dea jiila naishiq ka atra naq tiisi rongkiq she!

Revelation 10:7

Shatmaq, rase miishi ngoja raq alerong ümtiikiiwa tsü jiiq, kra tsü raüla apaiq raq kongkhuji na akoli setiim shammibi ma chongkuqtaq thun bomchong apaü raüta athü bomhuk thun kra wiita she miku wan.”

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.

Revelation 13:1

Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Revelation 17:17

Kra hokham weroqshi raq, ara misham wan. Jamkhano ngukla, Shiikeawe raq tsangshiq ka, apaiq raq jamlai wa thimi wantaq, kra tiisham wan miitu, tsangshiq tsan mong na athiike kun she. Kiimaq ara ningkhan tiina, tsangshiq tarü raq, hokham arang ho tlaq kriika, ngamthaiq kaü ma kiqshi maq mikiinong kuq wan. Raüta, Shiikeawe kiimung kra miku wan shaq wiiwii, tsangshiq ka ngamthaiq kaü jaqtakiq na misi.

Revelation 17:3

Kiijiishe, Asii Wenyi raq ngi ka rom wanto. Kiimaq rase raq ngi ka kumtsaiphii na sheahoto. Kiijaq ngi raq jechak nyung ashi ka, shiiroro ngamthaiq kaü raikhü na nga raü chhikang. Kra ngamthaiq kaü khum niika, Shiikeawe shummii mang thun pahea, diim phinphin tiiwaiq raqraq asi. Kra ngamthaiq kaü khupo ka miishi. Kiimaq arong ka roqshi.