DANIEL 11:32 - ASII LAKDAP Bible (BSI)

³² Hokhamwe raq laopha monglap tsii maq, Shiikeawe shomnoq lamphan miimthütibi thun ka apaiq rai pongtibi miishe mitiija wan. Shatmaq Shiikeawe ma kamwantiiti thun raq rewebi ka mikhat wan.

Hawa Naga Bible 2001

³² Tsuingshiq nawk palx htungx tuip gay shec jix hez kuex hokhvmx waz rueq rot kaq vtueq laulawc shuex, yuq muinz Tishox yix phvnx jix hez rueq tsuingshiq kuex tvyez khvt shuex.

DANIEL 11:32 Referencias Cruzadas

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

NEHEMIA 4:14

Ngi raq mungmaiqse ka, tsan na chapa asi chhikang. Kra ningkhan, ngi raq tsangshiq ma, kiimaq tsangshiq khuthaq na ashun sheati welabi ma, kiimaq siihiipbi ma, “Nashiq jaqtibi ma naqhai rongkiq. Tsan na tiitsang rong laq; Tatiwe ka phiiptsi jiiptsi. Apaiq ka nammung miitu, namsetiim miitu, nam chaktiim miitu, kiimaq namshiq jamkun miitu re mikhat.”

Tvtsvmc 9:10

Ümnaq asapti raq Tatiwe ümniima mikam; ümwokhong na nyap wati ka ümniiraq thaqbaiq maü.

TAKSU LAK 19:5

Rung na chapti arot saqse, singtsang miho arot saqse.

TAKSU LAK 26:28

Arot akiq bomchong raüta, maiq shaphaq tlaq kriika, phoq ngengti ngushat. Maiq laolii tlaq kra, maiq shiithentlo ngushat.

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

DANIEL 11:21

Kiimahali rase raq akha chongkuqto: “Kra jaiwa Siria mung hokhamwe shongtlaq kriika abi pinthum she miraq. Apaiq ka hokham ja thek mak. Shatmaq apaiq raq lule klo raüta jurmin tiima chhimak miili, hokham ngachang ka minyea. Raüta kra mung ka mipeng.

DANIEL 11:34

Kra re raq maiq jiipbaiq wan tlaq akhing na, Shiikeawe sengi raq khrum ka ralangse li milap wan. Li jiimin tsangshiq khrumti maiq apako riika, maiqmii wokpo miitu tiima raütli mikhrumkuq wan.

JEKERIA 10:12

Ngi raq isenginok ka, ajong alanok miishe mitiija wan ha. Tsangshiq raq ngi mishomnoq wan. Raüta tsangshiq raq ngi aming lang raütiishe mishong nga wan.” Arka Tatiwe raq toqtantlo.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Revelation 6:11

Tsangshiq wiitarü ma khea thum samtong alü miirii achhuq chhuq kuqto chhikang. Kiimaq tsangshiq ka heashi ri nii tiitsak khe ronglaq, tsangshiq jamkho tsattaq kiikhiisii, tsangshiq ma aphu ano ümchuwa atsai chang asi shaq dea asi, kra wiita tiithumli khe chang nguta chongkuqto.