DANIEL 11:22 - ASII LAKDAP Bible (BSI)

²² Jurwa apaiq kiqkhii jiiq, kriiti ka apaiq raq tiikaiqshak lambaiq wansaq li miraq. Shiikeawe Ramwe Ajong Pinthum kriimin, wiita atsea mirbaiq wan.

Hawa Naga Bible 2001

²² Piq rulc vnungx yaungc jix ukhaq yuq muinz Tishox Shomc Wayungx nuex httuiuc laz doc muinz tvjomx tvsawc gay rvhumc tuex.

DANIEL 11:22 Referencias Cruzadas

ISAIA 28:15

Namshiq ka namshiq raq atsai ningkun rai tongshongkai she kiimaq wulum mungti rai min kiq rikai she nguta tiitsakitlan. Namshiq ka phiiptsi chang mra pin wantlaq akhing na milun rong i dongdii nguta kamsiqtlan. Jamkhano ngukla namshiq ka arot bomchong ma kamtlan kiimaq namshiq ka laopha bomchong ma kamtlan kriiraq mitiichhiikuq nguta tiimatlan.

DANIEL 11:10

“Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

DANIEL 11:23

Apaiq raq pongmungti hokhambi rai silu riija tongshong raüta, maiqmung thun ka milao wan. Apaiq raq peng wan tlaq mung ka aranse li jiimin, apaiq ningkun ka jajong wan wanli miraq.

DANIEL 8:25

Apaiq khonglaq mochii maq, laopha jaqsham jonghea mi ong wan. Apaiq ka ashkongtamli miraq, kiimaq achong aphan min ahü maq, maiqse pahea mitsat baiq wan. Apaiq raq hokham thaq na Hokhamwe kiimin, akhat riila nguta mingeng wan. Shatmaq apaiq ka mitsat baiq wan, Shatmaq maiqse jaq maq riimak.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

AMO LUIK DVP (AMOS) 8:8

Arningkhan tsangmung na hiqjong henghea, mitiimu ha. Tsangmung kunli na maaho manyi mihoq trang. Nail khamjong tiimliim tiimli mawan raüta, rükitaq ikha miraq.

AMO LUIK DVP (AMOS) 9:5

Jamkhano nguraüla, Ajong Thaq Na Ajong Pinthum Tatiwe raq mangjong hiqraikhü ka, ajaq maq sham raüta naüshaüshaü baitlo. Krai mren mangjong hiq ka atiikhai banban she muwanto. Mangjong maiqse kunli hoqsiitrang wantlo. Mangjong hiq raikhü tlotli ka Ejip mung wa, Nail jürai kham chhang wan tlaq ikha, ra ma hiq ma she mawantlo. Raüta tiishin riiq hali tiisii baiqto.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.