DANIEL 11:2 - ASII LAKDAP Bible (BSI)

² Kiimaq ümchaü ngi raq ümniima jamlai bom wa chong tiikang arka tengteng.” Rase raq nguto, “Hokham wetsam raq hali Parsia mung ka misiq wan nong. Kra jai maq hokham weblai ngoja raq mung ka misiq wan. Apaiq ka anok tarü thaq na chiithe lin miraq. Kriiwe raq apaiq ningkun aheng pinthum bala nai chiithe pinthum jong tlaq bala, apaiq raq Grik mungti hokhamwe rai she mirkhat wan.

Hawa Naga Bible 2001

² Majuiuc ngaz rueq jungc juing kuex vlvmz rvkhauk laz rvtueq,” ngoz tueq jungx tueq. Raungkamx waz rueq, “Persia mungx nuex hokhvmx waz thuimx rueq guimz lawc yek shuex, bvlic ngoc yaungc waz kuex vganc htenc htauk nuex luiz waungx yaungx tuex. Piq luimc vkawc nuiyc tsak vnyvmx joz wvnc tuex nuex, piq rueq Greek mungtan rulc rvlongx tvkoc naq shuex.

DANIEL 11:2 Referencias Cruzadas

EJRA 4:24

Shomjam tiihea hai wan ka thaq baiqto. Krai mren, kra jaqsham ka thaqbaiq tlü she riito. Shatmaq Parsia mung rümti hokhamwe Derias raq hokham jaqsham wan li maq rawii wiinai she shamto angu niishetiq hali, kra jaqsham ka tiiphaho nongto.

EJRA 4:7

Kiimahali, Parsia mung rümti hokhamwe Artajarses pat niimin, Jehudinok ngengti Bisham, Mithredath, Tabeel, kiimaq tsangshiq kongtibi thun ka adam na ri raüta, Jehudinok shra wan miitu lak ashi hali waiq nong raüta, hokhamwe ma shok nongto. Kra lak ka Aramik bom maq waiqto. Kiimaq kra lak ka ümtiikiiwa nokwe ma phatkuqtlaq, kra akhing na, bom ka akle raüta chongke wan chang riito.

ESTHAR 1:1

Ara mra pin wantaq akhing arka Ahasueras raq hokham jaqsham wantaq akhing pat wa bomchong riito. Apaiq raq mung lang wantlaq maiqmung thun ka wang 127 na tiikho raüta peng wanto. Arka India mung maq pha wan raüta Ethiopia mung na saüli ham wanto.

TAKSU LAK 22:21

Ara bomtsi thun arwa ümniiraq, tengteng bomtsi nai riikhaqli tri kra misap haü. Laüta ümnaq tiikaitibi phana, jang wan laüta riikhaqli bomtsi kra, michong kuq wan haü.

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 11:25

“Apaiq raq phentiip ka shiichaq raüta pahea miphoq wan. Raüta Ejip mung hokhamwe ka mikhatki. Shatmaq Ejip mung hokhamwe riimin, aphentiip pahea phoq raüta, ningkun aheng maq Siria mung hokhamwe rai mirkhat. Shatmaq Ejip mung hokhamwe ka maiq ma atlao miraq. Raüta rekhat ka tangmak miraq.

DANIEL 7:5

Kaünai ngojati ka chapbikaü ikha, awühok wiinai maq chap raü riito. Anübok niika, maiqsiim rii atsam kamraü. Kiimaq maiqbom ashi raq apaiq ma akha thaüto, “Bakphaq laq! Ngam ka ümchu phaq wa rotlaü phaq laq!”

DANIEL 8:21

Kiimaq chhechhipongwe chhilaü kriika, Grik mungtan. Kiimaq amakpo wiinai liipan na arong ajong wiq ashi chhilaü kriika, Grik mung pengti aphashaqshaq hokhamwe kra.

DANIEL 8:26

Riita ara ranap nai raji honglu kewan jaqsham riisham mak maq tiichhikuqto. Raüta chongkuqto. Arka tengteng miku wan. Shatmaq ümchaü ka apaü laütli thülaq. Jamkhano ngukla ara kupi wan miika rahiq luhea shaq dea asi.”

DANIEL 8:4

Ngi raq skupongwe raq arong wiinai maq shenyap nünü kiina, kiimaq shekhu nünü kiina, kiimaq shemai nünü kiina juraüta, thaüpakpak thaürat wan tlo chhikang. Apaiq ka jamlai phan ngam riimin shiikhing lot mak riito. Kiimaq apaiq raq thaü wan tlaq ningkun kriiwiika, jamlai phan riimin akhum ka tiiwong lot mak riito. Apaiq raq jamkho thimi tlaq, kra phanphan klo wanto, kiimaq apaiq ka pinthum shiikongkhiq she shiikong wanto.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

John 10:35

Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.

Revelation 21:5

Kiijiishe, hokham ngacho na ngati we raq nguto, “Ümchaü ngi raq phanrap ka anye she tiiq tiikang!” Apaiq raq ngi ma hali thaüto, “Ara bomtsi ara waiq thülaq. Ara bomchong ara tengteng kiimaq akamsea chang.”