DANIEL 11:18 - ASII LAKDAP Bible (BSI)

¹⁸ Kra jai miishe apaiq raq maiqmung thun sammoktra chumkii binjü na siti thun kriishe mikhat wan. Raüta maiqmung pahea mitang wan. Shatmaq pongmungti hokhamwe ashi raq, apaiq ka khat raüta mitang. Raüta apaiq shiikong ka mitiithumbaiq. Apaiq raq Siria mung hokhamwe shiikong ka apaiq khuthaq niishe miphongkuq.

Hawa Naga Bible 2001

¹⁸ Kvruex yimaq piq rueq svmuktvrax hep wawc miqphvnx htenc kuex khvt vtueq guimz wvnc shuex. Yuq muinz pungmungx wawc walaungx washiz rueq piq kuex taungx gay ruiux, piq ngamc vngax kuex tvhtumx gay shuex; Siria hokhvmx waz muex piq ngamc vngax tvkoc nuex yvlc svy tvrvhumc shuex.

DANIEL 11:18 Referencias Cruzadas

ESTHAR 10:1

Hokhamwe Ahasueras raq ku akin na siti mung, kiimaq khamjong mong na siti mung, wiita jaq wa shiila tham ke raa nguta jaütlo.

ISAIA 66:19

Krai mren, tsangshiq raq Ngi riidea tsangshiq ma imo tiiho tiikang nguta misap. “Shatmaq Ngi raq tsangshiq phong wa maiq wiijam ka atiihang mirha. Lata tsangshiq ka maiq mung thun na kiimaq maiq mung thun luhea na siti thun kiina, jurwa imang chong tsaki taimak dea riimakla ngi jonglu kiimaq iningkun heng michhishaqtibi mung thun na mitiiwaha: Kriithun ka Spen mung, Libia mung, kiimaq Lidia mung, tsangmungti liq sreabi rai mitiiwaha. Kiimaq Tubal mung na kiimaq Gris mung na mitiiwaha. Armung thun na tsangshiq raq imang chong jonglu tsütsa kra chiiriim raüta michongkuq.

JEREMIA 2:10

Shenyap mung na sammok tra chum mong na Saipras mung na kironglaq, kiimaq shedong mung nü na weshi ra Kedar mung na tiiwa ronglaq. Raüla namshiq raq atin khan ashut ka jurmin klomak shaq michhi han.

JEREMIA 31:10

Tatiwe raq ngutlo, “Maiq mung thun lei ibom tai rong laq, lanta ibomtsi ka khamjong chumkii thun luhea na, chiiriim lanta chongkuq ronglaq. Ngi raq isenginok ka pongmung na nyinbaiq kang; shatmaq Ngi raq tsangshiq ka mirchom wanha, lata sku riimti raq skukong riimtlaq ikha mikhebomha.

EJEKIEL 27:6

Tsangshiq raq Bashan wang wa ok pe lam raüta samthukii thun haito. Tsangshiq raq ümrinchü ka Saipras mung wa pain pe lam raüta haito. Raüta kra chiiwi maq tiinyap haito.

Hosea 12:14

Shatmaq Israilnok raq, Tatiwe tsan pinthum tiikhiq wanto. Kriikha na tsangshiq ma tsailam tiisaüto. Tsangshiq raq Tatiwe mang tiibi wanto, kriikha na Tatiwe raq tsangshiq, sintsang maq mitsat.

JEPHANIA 2:11

Tatiwe raq tsangshiq ka, tiiphiip miijiip she mirwan. Apaiq raq mangjong hiq wa phra sumla thun ka, thiihü hiqtili miili she mitiija wan. Raüta mangjong maiqse tlotli raq, maiqmii mung maq, Tatiwe kli she mishomnoq wan.

Matthew 7:2

Namshiq raq nanok ka jamkho shrongra wan tlan, kiikhiisii Shiikeawe raq namshiq min mishra wan. Namshiq raq nanok ka jamlai tri mo shin wan tlan, kra tri maq namshiq kiimin Shiikeawe raq mishin wan.

PHOWEBI 1:7

Adonibejek raq nguto, “Hokham weroqmiishi tsang jaqshi shilawe thun kra nai tsangshiq hokshi shilawe thun kra ngi raq tapbaiq kang. Tsangshiq raq inüchho seaphan hiq na atrok ha kra riichom tsunsiq raüta sito. Ngi raq tsangshiq jamkho haihü kang kriishe Shiikeawe raq ngi ka haihiito.” Apaiq ka Jerusalem na shea wanto. Kiijaq apaiq ka tsaito.