DANIEL 11:15 - ASII LAKDAP Bible (BSI)

¹⁵ Kra ningkhan, Siria hokhamwe raq chela ashi kiitelong ruk mong na siti kra mikhat wan. Raüta mijii wan. Ejip mung phenlabi raq re ka khatruq khat makshe miraq. Tsangshiq phong wa srea nolajongbi thun kiimin ningkun ka ajom she miraq.

Hawa Naga Bible 2001

¹⁵ Kvkhoc rvtueq Siria hokhvmx waz rueq palx ruk yoalx ghaqyungx vshiz kuex tuimx ruiux kvtuk htuz vtueq khvt taungx gay shuex. Ejip nolaungx bix rueq khvt ruq khvt shuex rvmuq; tsuinghez wawc vhvlx pinhtumc bix doc muinz khvmc lot juing hungc vlaungc httax tuex rvmuq.

DANIEL 11:15 Referencias Cruzadas

JEREMIA 33:4

Ngi, Tatiwe, Israilnok Shiikeawe raq ngutiikang, Jerusalem wa jam thun nai Juda mung hokhamwe jam kra re raq trotam maq komwanto, raüta khat wanto krai mren wiita mitiibunbaiq.

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 52:4

Kriikha niishe Nebukadnejar ka asengi phenlabi wiita sheaho raüta Jedekia ka hokham shong wanli maq wiitiikaü she angu na kra rawii wa jipi lüroqshi angu na kra jipi wa jiha raroqshi ranaiq na Jerusalem chela ka khat pha wanto. Tsangshiq raq chela kinphai tro kiijaq piitiip teito. Raüta chela ruk mong na düwan chang peruk hiqkhu thun ka trotam na haito.

JEREMIA 6:6

Ajong Pinthum Tatiwe raq arthun hokhambi ma pechong thun daq lantea Jerusalem kra khatwan miitu chela peruk tro kiijaq maiq düwan chang hiqkhu thun hiqphong ronglaq nguta aming tatto. Apaiq raq nguto, “Ngi raq archela ka sintsang maq mitsat ha. Jamkhano ngukla mungmaiqse ka ji maq nishishi tiichamchaotlo.

EJEKIEL 17:17

Bebilon mung phenlabi raq ümtiikiiwa ruk mong na düwan chang hiqkhu hiq maq phong wantlaq, kiimaq kiituk thu wantlaq, raüta maiq ka pahea jiipbaiq wantlaq, kra akhing na ningkun henghea Ejip phenlabi riimin, Juda mung hokhamwe ka rekhat na khrum kuqlot mak miraq.

EJEKIEL 4:2

Kra laüta, Jerusalem ka re raq khat wan tlaq kra sumla kra tiichhike miitu kra tro na hiq na kiituk thun ka thulaq; kiimaq chela tro ruk na düwan chang hiqkhu hiq phonglaq, laüta apa riila; kiimaq phenlabi piitiip thun hailaq; kiimaq, chela tro na chela ruk kra tiibun siiq wan miitu pepa rinchü thun hailaq.

DANIEL 11:14

Kra akhing na Ejip mung hokhamwe wokhong na siti, maiqmung pahea raq, apaiq wokhong wa dongho miitu mirkhat wan. Kra akhing na, O, Daniel lei, nammung wa maiq wiijam tsan tsuheati raq riisham bomchong kuwan akhing saüto she nguta mungmaiqse ka mung lap ma riikhat rong i nguta mitiishon. Shatmaq tsangshiq raq rekhat ka tang mak miraq.

DANIEL 11:6

Rawii ashaqpuq siwan jai miishe, Ejip mung hokhamwe raq Siria mung hokhamwe rai silu mirja, raüta reraüshi she mipong wan. Kiimaq ase jechakse ka Siria mung hokhamwe ma mitiiwa. Shatmaq kra reraüshi riija pongtaq kriika alu tsing mak miraq. Kra hokham nyung kra, tsangwe kra, hokham nyung se kra, kiimaq apaiq rai ajaqshisetiim ümchuwa wadamtaq thun ka wiita mitsatbaiq.

DANIEL 8:7

Ngi raq apaiq raq skupongwe thaü rea kra liisiq kang. Apaiq tsankhiq ka henghea riito. Kriikha maq, apaiq raq skupongwe ka peatamtam raüta, arong wiinai ka tiingoqra thaübaiqto chhikang. Skupongwe raq apaiq ka tang mak riito. Krai mren apaiq ka hiq na tiikii miilii raüta hok maq nishishi thaübaiqto. Kiimaq apaiq tiichhiiketi ka jumin ahü riito.

JOSHUA 1:5

Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.