DANIEL 10:8 - ASII LAKDAP Bible (BSI)

⁸ Krai mren, ngi ka kiijaq ngi laqlaqseli she riikang. Lata kra awangchang riishammakchhi kra liisiq kang. Iningkun min ahü she ihü ihan jobaibai riidungtsok she ninkito. Itheaphi ka hamlak lak she mutkito. Maiq raq tiitsanglot chang min riimak she.

Hawa Naga Bible 2001

⁸ Ngvy lauk lauk dvyx kvjungx kaz vtueq, vwangc juing romzyac tvkhic kuex lawc tauk. Ngaz kuex hungc vlaungc nulx wvnc vtueq htvlx kvlayc wvnc ningkhvnc nuex uraq muinz ngaz kuex tvtsuingc tsic muq.

DANIEL 10:8 Referencias Cruzadas

RAPHA HIQWA LAK 32:31

Jakob ka Peniel maq tiidowan na rashe ka adong she riito. Kiimaq ahok ka doqshdoq she riito. Jamkhano ngukla ahüko ka asi she riikito.

DUNGWVNC 3:3

Kra chhi raüta, “Arka awang chang,” nguta atsan na tiimato. “Rumtamse ka wa raq jamkhii riito khiim baiq mak? Ngi ka atho na walata liila,” nguta tiimato.

DANIEL 10:16

Kiijiishe maiqwe ikha chaptlaq rase raq, ajaq ka tliisaq raüta, inübii na ajaq maq shamto. Ngi raq apaiq ma ngukang, “Shiilangwe, ara riishammakchhi ariiraq ngi ka ihü ihan wiitashe tiikhai kito. Ngi ka tiikhai mang she ngukang min, apaiq tiikhaikhai she tiikhai raitlo.

DANIEL 10:17

Ngi ka dise ashi atijongwe khaki na chaptlaq ikha chaptiikang. Ngi ka ümniirai jamkho mirbom damha? Ikhum na ningkun min ahü she. Kiimaq itsitsü min healot mang she.”

DANIEL 7:28

Arshe riishammakchhi bomchong raüpot cheke thum. Ngi ka phiipraq tsaikang. Ithea ka lütaitai kiinyii kang. Kiimaq phanrap chhitai wan kang thun ka itsan mongniili shaq thükang.

DANIEL 8:27

Ngi ka rahiq ashaqpuq tsitsü min healot mang, tsaihü jihü sikang. Latiishe ngi ka tiido kang. Lata hokhamwe raq ngi ma jaqsham kuqtaq kriishe sham wan nong kang. Shatmaq ngi ka riisham makchhi kra tiima lata, rashi hiqwea, awang riikang. Kiimaq kra liichum ka tak lot mang riikang

DANIEL 8:7

Ngi raq apaiq raq skupongwe thaü rea kra liisiq kang. Apaiq tsankhiq ka henghea riito. Kriikha maq, apaiq raq skupongwe ka peatamtam raüta, arong wiinai ka tiingoqra thaübaiqto chhikang. Skupongwe raq apaiq ka tang mak riito. Krai mren apaiq ka hiq na tiikii miilii raüta hok maq nishishi thaübaiqto. Kiimaq apaiq tiichhiiketi ka jumin ahü riito.

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

Matthew 17:6

Kra rawang win wa maiq bom kra tai raüta, ajaqshisetiim ka pinthum tsaihü jihü phiipto. Kiimaq tsanghai sitsi ma hiq na bum- rang she weki wito.

Mark 9:6

Tsangtsam ka pinthum akii anyii raili riito. Kriikha maq, Petar raq jamkhii bom chang wa kiimin sap mak riito.

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.

2 Corinthians 12:7

Riita ara chong tiikang awang chang riisham mak maq chhi tai wan kang thun kriiraq, ngi ka ashkong tsii thü jiiq ngo maq, ngi ka han-ngam na, Shiikeawe raq i khum na phanshi hanho thatsi kuqto. Ara hanho thatsi arka, Thawe wekii ikha, i khum na shukshaq tlo. Raüta wenyi lam na shiikong wan chang wiimin, ningkun ka atiinun riibaiq tlo.

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.