DANIEL 10:6 - ASII LAKDAP Bible (BSI)

⁶ Apaiq khum ka longseng chhaitlaq ikha chhainyiinyii. Apaiq theaphi ka rachhai wa trang ikha chhaihea langlang. Kiimaq amakpo wiinai ka watum nyairai tlaq ikha nyaihea. Apaiq jaq phum wiinai nai ahok wiinai ka miiki chhainyii nyiihea apan rea araq ikha. Kiimaq apaiq bomtsi riinya watrang ka, maiq muklung muksha rüriiq trang rai tlaq ikha amok dungdung.

Hawa Naga Bible 2001

⁶ Piq shauk pumz kuex lungsex ikhoc phelez yaq. Piq htvlx muinz raunglep yaq ikhoc lep vtueq vmuik kuex wvr ikhoc luic yaq. Piq yauk phumz nuiyc vyaz htenc kuex phelep yaq nvyrvyx ikhoc phez ruiux piq thuirc kuex miq vkung vdaungx guyc tvruingc ikhoc rvtueq.

DANIEL 10:6 Referencias Cruzadas

DUNGWVNC 28:20

Kiimaq lenblai ngojati na, beril longseng poshi, karnelian longseng poshi, kiimaq jaspar longseng poshi tiikoplaq. Ara longseng po thun arka chaq maq aklo ariikom bok mong na sanbaiq chang.

ASHICHONG 5:14

Ajaq wiinai pinthum tsomhea, ajaq niika moqhon apa longseng jaqtop ikha, Ahü ahan ka nyeajokjok hea, chiiwi saphir longseng chhai maq atop ikha tsomhea.

EJEKIEL 1:14

Kra ngamkaütiim ka konü siim maq riita konü siim na doqhaha rachhai ralüp ikha phiqhea achhai lüplüp doqsiqtlo.

EJEKIEL 1:16

Kra ajikomblai kriika asham liima shamshi shi ikhli: Ajikom loweatek thun ka athii tsinhea phan longsengpo chhaitlaq ikha chhaitlo. Kiimaq ajikom blai kriika among tingting ba maq ajikom ashi shi hali tlatchhat rusansan triiwat saqsaq raüta ahai riito.

EJEKIEL 1:24

Ngi raq tsangshiq rakong maq abi sea lam maq trangraitlaq kra taikang. Kra trangwa trang ka khamjong chum tso blun wan raüjaq phiiptsi jiiptsi trang wan tlaq ikha amok dung dung trangtlo taikang. Kiimaq phenlabi pahea akong ada khum raüjaq hümok hiqmok wa wantlaq ikha trangtlo taikang. Kiimaq Ningkun Ajong Shiikeawe raq bom raüjaq amok dung dung hengtlaq ikha riito. Tsangshiq ka bimak she la khingki raüla, tsang rakong thun ka tsangkhum niishe kom thü baiqtlo.

EJEKIEL 1:7

Tsang hokpe thun ka rusansan, kiimaq tsangshiq hokphi thun kriika minsaü pongwe hokphi ikha ahoksan asi. Kriithun ka miiki aheawiq apanrea araq chhairaitlaq ikha chhai hea langlang riito.

EJEKIEL 10:9

Kiimaq Ngi raq kra cherubim kaütiim loweatek siim na ajikom kaütiim ka blailai asi chhikang. Kra ajikom kaütiim thun ka alü miika thangshi na alo ikha adam dam. Kra ajikom kaütiim thun ka longseng po phong chhai tlaq ikha chhai samsam hea riito. Ajikom ashi kriika among tingting ba maq tapshok ikha rusan na tiipan rok rok na ajikom ashi shi hali triiwat saqsaq atiiq chhikang.

EJEKIEL 40:3

Apaiq raq ngi ka aje lin lin niishe shea wanto. Kiijaq ngi raq maiqwe kaü ashi, akhum ka miiki chhai raitlaq ikha achhaiwiq chhikang. Kriiwe raq ajaq na raihi-nairai maq ataq lairap shin chang phita raü ashi shamraü chhikang. Kiimaq lairap shin chang jinkiise ashi kiimin ajaq na sham raü riito. Raüta apaiq ka chela kilamchong kiijaq chapraü chhikang.

EJEKIEL 8:2

Ngi raq i mak ka ra nü na nyilata liikang. Kiimaq maiqwe ashi sham ka walütu kaü ikha chhikang. Achhüpii maq phaho raüta hiq nü niika walütu kaü nyairai tlaq ikha. Kiimaq achhü maq pha wan raüta ra nü na akhu nü nü niika miiki aheawiq panreaje chhairaitlaq ikha chhaitlo.

Matthew 17:2

Tsangshiq raq apaiq ka liishat liipan niili, Jesuq sham ka aklai riikito. Apaiq theaphi ka rashe kaü ikha chhaihea langlang chhairai wanto. Kiimaq apaiq khum na khu akhea asam thun kriimin maiqmak alirat rashe kii li ikha lüdiidii hea she chhairai wanto.

Matthew 28:3

Apaiq sham ka rachhai ralüp watrang ikha achhai anyii riito. Kiimaq apaiq dü na asam apaiq miirii khu akhea thun kiimin tsakhiiq lüwa ikha, lüdiidii hea achhai anyii riito.

Luke 9:29

Apaiq ka achü jaürea liipan niili, atheaphi kriika klaisaq klai kito. Adü na asam khea kriika chhaihea langlang, maklüp jaqlüp she chhairaito.

Revelation 10:1

Kiijiishe, ngi raq rase ajong ashi ramungtan maq asatkai chhikang. Apaiq ka phumda mong na riito. Kiimaq apaiq khu thaq na maitsai kaü ashi, apaiq khuphok ikha tiichan raü riito chhikang. Apaiq theaphi ka rashekaü litlaq ikha chaihea langlang. Kiimaq ahok wiinai ka wanii tu khamchong nyai rai tlaq ikha achhai anyii.

Revelation 19:12

Amakpo ka walü liwa ikha achai anyii. Kiimaq apaiq raq khuphok ka pahea phoktlo chhikang. Apaiq dü na mang ashi waiqje asi riito. Shatmaq kra mang na jamlai wa waiqtaq, kriika apaiq tlea raüta maiq ahinti jurmin saplot mak.

Revelation 2:18

“Thajatira na phungtu sitlaq kra liiti rase ma ara waiq laq: “Ara tsütsa arka Shiikeawe Se, amak chhai walü wa ikha litlaq, kiimaq ahokphi ka nairai ngam apan rea jai chhai rai tlaq ikhiiwe raq atiiwan.

Revelation 21:20

Kaü biingi ngoja kriika, onisk longseng maq haito. Kaütrok ngoja kriika, karnelian longseng maq haito. Kaü miishi ngoja kriika, amin phan kuarj longseng maq haito. Kaü tiichat ngoja kriika, beril longseng maq haito. Kaü tiikaü ngoja kriika, topaj longseng maq haito. Kaü roqshi ngoja kriika, chalsedoni longseng maq haito. Kaüroqshi ri kaüshi ngoja kriika, tarkois longseng maq haito. Kiimaq kaü roqshi ri kaü nai ngoja kriika, amethist longseng maq haito.