DANIEL 10:14 - ASII LAKDAP Bible (BSI)

¹⁴ Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

Hawa Naga Bible 2001

¹⁴ Mmiqsaz htenc kuex max kox nuex yvmx khoc lac yaungx wvnc tvnx lvmz mnoz muex tvtuiuz tay tvkoc ngaz kaz raungx. Vruex kuex max kox wawc nuex seng vtueq romzyac vshiz rvtueq,” ngoz tueq jungx tueq.

DANIEL 10:14 Referencias Cruzadas

RAPHA HIQWA LAK 49:1

Jakob raq asetiim thun tiiheakito raüta akha nguto, “Ngi tro na riitam ronglaq. Kiimaq rawiichiiji namshiq ma jamlai wa hongtha wan tlaq kra bom chongkuq pha:

ISAIA 2:2

Rawiichii akhing na Shomjam haitaq pum ka pumthun wiitarü thaq na diiluhea pinthum miraq, hiqlam wiita thaq na diilu pinthum miraq. Maiq mung pahea wa maiq apaiq phana kongta hushhu waraüta mirtam wan,

EJEKIEL 12:27

“Maiqse lei, Israilnok raq ümniiraq chongtlaü riisham makchhi thun nai riisham bomchong tiithai thun kriika, jaina rawiichii luhea akhing pat wa bom nguta tiimatlo.

EJEKIEL 38:16

Ümniiraq isengi Israilnok ka rathaiq henghea mung hamli maq thaiq wantlaq ikha mikhat haü. Ümtiikiiwa akhing she saüjiiq, Ngi raq ümniika i mung kra khatkai mitiikiha. Ngi raq i mung khatkai tiikitiikang kriika, mangjong hiq na maiq thun sitlaq kriima, Ngi ka juwa kra tiichhike miitu kiimaq ümnaq lümaq Ngi raq jamlai jaq wa shamtiikang kriimaq Ngi ka asii sitiikang kra mitiichhi kuqha.

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 12:4

Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

DANIEL 12:9

Apaiq raq treto, “Daniel lei, ümniika ümchaü awa wan chang she. Jamkhano ngukla ara bomtsi thun arka phangthum akhing misaü shaq wiiwii maiq ahinti ma tiisap raamak, ahukse maq apaü raütli thüchang.

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

DANIEL 8:16

Kiijiishe ngi raq Ulai rai reko maq maiqbom ashi raq akha riimtlo taikang, “Gabriel lei, apaiq ma ariisham mak maq jamlai wa chhitaq kra liichum ka chongkuq laq.”

DANIEL 8:26

Riita ara ranap nai raji honglu kewan jaqsham riisham mak maq tiichhikuqto. Raüta chongkuqto. Arka tengteng miku wan. Shatmaq ümchaü ka apaü laütli thülaq. Jamkhano ngukla ara kupi wan miika rahiq luhea shaq dea asi.”

DANIEL 9:22

Raüta apaiq raq ngi ma bom ka akha tru chongkuqto, “Daniel lei, ngi ümpha na saüki kang arka, riisham bomtsi liichum kra ümniima tiikho chongkekai kikang.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Mikha 4:1

Rawii shiqwii Tatiwe Shomjam khü hiqlam ka ku akin tarü thaq na, diilu pinthum miraq. Maiqphan pahea wa raüta kra pum na mirtam wan.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

WEAWEA 24:14

Kiijiishe Balaam raq Balak ma nguto, “Ümchaü ngi ka inok ita phana wa wan she. Shatmaq ngi miwa wanha shaq na, ngi raq rawiichiiji na Israilnok raq ümsenginok ma jamlai wa miraq kra, ümniima honlam bom chong kuq pha.”

TRI CHONGKE 31:21

Kiimaq tsangshiq khuthaq na phiiptsi chang pahea chamchao misaü. Shatmaq ara shi nge arka shinge wan ruq li miraq. Kiimaq ara ashi arka tsangshiq tiishut wan saqse miishe mija wan. Ümchaü dongdii min, Ngi raq tsangshiq ma mung ashi mikuqha nguta kiq kham kuqkang mung kiijaq mishea wanha shaq niimin, tsangshiq tsan mong na jamlai wa tiimatlaq kra Ngi raq asapha.”

TRI CHONGKE 31:29

Ngi raq asapha, ngi tsai jai na, mungmaiqse ka abi ashut kong miishe mijaki. Kiimaq ngi raq tsangshiq ma ümchuwa shrinkuq wan kang tri thun ka no niishe mitsuq baiq. Kiimaq rawiichii akhing na tsangshiq ma phiiptsi chang mra mirhum. Jamkhano ngukla tsangshiq Tatiwe raq naq klo rongkiq nguta atiiwin thun kriishe miklo wan. Raüta Tatiwe tsan ka pinthum mitiikhiq wan.”

TRI CHONGKE 4:30

Riita ümtiikiiwa namshiq ka chamchao litkot mirhum han kiimaq kra chongkang thun mra pin wan kra namshiq riishe mirhum wan han, kra jiishetiq namshiq ka atiithum niishe Tatiwe pha niishe mijang wan nong han. Lanta apaiq wokhong niishe mishong wan han.

2 Timothy 3:1

Tsan na tiitsangshat maq silaq. Phangthum wan akhing she saü wan raüka, rahiq jipi ka bihea she mir wan.

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.