DANIEL 1:2 - ASII LAKDAP Bible (BSI)

² Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

Hawa Naga Bible 2001

² Taungjix rueq Nebukhadnezar muex Hokhvmx Jehoiakim kuex tvlvp vtueq shomc yuimx wawc tsak vnyvmx wvyvmc kuex tvlvmz wvnc tueq. Piq rulc vdvmz vthuq wvnc miq wvyvmc kuex Babelon mungx wawc piq tishox htenc shomc yuimx nuex shvlx wvnc vtueq, lvp lvmz wvnc tueq tsak htenc kuex shomc yuimx tsak tumz nuex taq tueq.

DANIEL 1:2 Referencias Cruzadas

RAPHA HIQWA LAK 10:10

Apha na apaiq mungtan thun ka Bebilon, Erekh, kiimaq Akkad mung thun kra riito. Ara maiq mung thun ka Bebilon mung na siisaq riito.

RAPHA HIQWA LAK 11:2

Tsangshiq ka bashi na laühoho shedong mung nü na kihoto. Raüta Bebilon mung na hiq thung tan bashi niishe saühoto kiimaq kiijaq shonghoto.

2 HOKHVMX 24:1

Jehoiakim ka Hokham jatlaq akhing na, Bebilon mung Hokhamwe Nebukadnejar raq Juda mung ka longto. Raüta Jehoiakim ka awokhong na wiitsam wanse ma ningkun maq jamshato. Kra jai miishe Jehoiakim ka Bebilon mung hokhamwe wokhong wa dongho la nguta tijongtsiiq kuqmak khiito.

2 KAÜWA WERAÜ 36:5

Jehoiakim ka arawii wiiroqnai ri wiibiingi na apaiq ka Juda mung hokham ma shongto kiimaq apaiq ka Jerusalem na nga raüta mung ka wiiroqshi ri wiishi siqto. Apaiq raq apaiq Tatiwe Shiikeawe makki na ngarai tangto.

2 KAÜWA WERAÜ 36:7

Nebukadnejar raq Shomjam wa tsiiq nai nyam tum wiijam ka howanto. Raüta Bebilon mung na apaiq hokham jam na thüwanto.

EJRA 1:7

Jerusalem Shomjam wa kok alaq nai tak apin thun ka tsuq wan raüta, Nebukadnejar raq apaiq phra kong shomnoq wan chang jam na thü wanto. Kriithun ka Hokhamwe Sairas raq tiidong lamto.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 42:24

Israilnok ka thiimeaq kong ma juro tükuqta? Tatiwe apaiq raq khata, nashiq raq apaiq makki na ngarai tangkai kata! Nashiq ka apaiq raq chongtlaq kiikhii ri simai, riimakla apaiq raq nashiq ma shrinkuqtaq tri kri langmai.

JEREMIA 25:1

Josia se Jehoiakim ka Juda mung na hokham jawanli maq wiiblai she angu na, Tatiwe raq ngi ma Juda mungti tlotli miitu tsütsa bomtsi ashi kuqto. (Arka Nebukadnejar raq Bebilon mung na hokham jawanli maq jaq shampha wan rawii.)

JEREMIA 27:16

Kra latiishe ngi raq ramwebi nai mungmaiqse miishe Tatiwe raq jamlai wa chongtaq kriishe akha chongkuq kang: “Shammibi raq Shomjam wa tachong tsiiqtum thun ka Bebilon mung na atsuq wan kriika jaqloli ana milam wan nong nguta chongtlaq kriika naqtai rongkiq. Tsangshiq raq namshiq ma arot chongtlo.

JEREMIA 28:3

Wiinai liipan na, Hokhamwe Nebukadnejar raq shomjam hupsam tsiiqtum Bebilon mung na howantaq kra lamho lata ajiishe mihoho nongha.

JEREMIA 35:11

Shatmaq ümtiikiiwa Bebilon mung Hokhamwe Nebukadnejar raq namung ka khat wantaq, kiitiikiishe Bebilon mungti nai Siria mungti phenlabi ma hai miishe naishiq ka Jerusalem na sikai nguta riichong laita kihokai. Kra ningkhan na tiina ümchaü naishiq Jerusalem na sitiikai ara.”

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

DANIEL 5:13

Kiijiishe, Daniel ka hokhamwe rungkhok na tlothit tiishea wato. Kiimaq hokhamwe raq apaiq ma nguto, “Riita, iwe hokhamwe raq, Juda mung wa Jehudiwe munglu shumwi ashea wanwe Daniel ka ümniidea shea?

DANIEL 5:18

“Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

HABAKUK 1:16

Krai mren tsangshiq raq tsangshiq chiiq ka, shiikea ikha noq wan tlo. Kiimaq chiiqjong kiima honglu, kuq wan tlo. Jamkhano ngukla tsangshiq chiiq maq, ngiq khup wan lili raüta, tsangshiq ka chiithejong jawanto. Kiimaq winlü winshii miishe, tiipongpii wan raüta siwan tlo.

JEKERIA 5:11

Kiijiishe, “Arka Bebilon mung na dowanto. Raüta kiijaq tsangshiq raq armiitu shomjam ashi mihai. Shomjam hailot raüla, tamtoq ka kiijaq anoq wan miitu she mithü,” nguta rase raq treto.

TRI CHONGKE 32:30

Rewe weshi riili maiq hingshi ka jamkho tangta, kiimaq maiq hingroqshi ka re we anai riili jamkho khatta? Tatiwe, tsang Shiikeawe raq tsangshiq ka tiishaübaiqto; tsang Shiikeawe ahong alawe raq tsangshiq ka miimbaiqto.

PHOWEBI 2:14

Kriikha na Israilnok khuthaq na Tatiwe tsankhiq she saüwanto. Kra ningkhan apaiq raq tsangshiq ka rehuk jati chiqse rewebi tiiki raüta tlongliiq wanto. Raüta rewebi ma tsangshiq tsiiq anyam thun ka wiita trunbaiq wanto. Apaiq raq tsangshiq ka trotam maq re ma tlongliiq wanto. Raüta tsangshiq ka re ma tiitang wanto. Kra ningkhan Israilnok raq tsangshiq maiqmii khum kriimin tiichhii phaq lot mak she riito.

PHOWEBI 3:8

Kriikha na Tatiwe ka tsangshiq ma atsankhiq riito kriikha na Tatiwe raq Mesapotamia Hokhamwe Kushan Rishathaim ma tsangshiq ka tiikhat raüta tiitangto. Raüta apaiq ma Israilnok ka tiipeng wanto.

PHOWEBI 4:2

Kriikha na Tatiwe raq Israilnok ka Kanannok hokhamwe Hajor chela pengti Jabin ma tiikhat raüta tiitangto. Apaiq phentiip pengti phentuwe mang ka Sisera. Apaiq ka pongnok phan hiqshong Harosheth chela na siti riito.

1 SAMUEL 5:2

Raüta tsangshiq phra Prenkaü shomjam mong na lamthü wanto. Raüta kra sumla siim tiinap na tiichap toto.