DANIEL 1:17 - ASII LAKDAP Bible (BSI)

¹⁷ Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

Hawa Naga Bible 2001

¹⁷ Tishox rueq yalxrox waz bvlic kvmac phaqjic nuiyc luik vlvyx thenc tuiuz wvnc juing tharc kuq tueq. Kvdvyx muinz rvmuq, vpiq rueq Daniel muex maung nuiyc romzyac tvkhic htenc kuex jalc jungc lot juing tharc muinz kuq tueq.

DANIEL 1:17 Referencias Cruzadas

1 HOKHVMX 3:12

ümniiraq ijaq wa jamlai wa jaü laü kra ngi raq mikuqha. Ngi raq ümniima maiq ahinti juwe riimin milap wan shaq kiimaq rawiichii niimin jurmin lap wan lot mak chang phan anyan phaqchi tsaühea kiimaq taksu tsii kra ümniima mikuqha.

1 HOKHVMX 3:28

Solomon raq kra khapho kuqtaq tsütsa ka Israilnok mungmaiqse riishe taito. Kra tairaüta tsangshiq tsan mong na apaiq ma tsaühea shreng manto she thüwanto. Jamkhano ngukla Shiikeawe raq apaiq ma taksu tsii ke kha maq athukwiq maq phokuqto nguta takto.

2 KAÜWA WERAÜ 1:10

Riita ngi raq tsangshiq ka rüm wan miitu taksu tsii nai anyan phaqchi kuqlaq. Kra riimak nguraü ka ngi raq ara ümsengi sang amang atinkhan pahea jonghea arka jamkho miriim wanha?”

2 KAÜWA WERAÜ 1:12

Krai mren, ngi raq ümniima taksu tsii nai anyan phaqchi mikuq kang. Kiimaq kriithaq niimin, ngi raq ümniima pahea tsiiq anyam, kampho lakshii mikuq kang. Kiimaq ümmang jong ka hokhambi man na pat niimin ahü, kiimaq rawii chii pat niimin ahü ajong pinthum mitiijong ha.”

2 KAÜWA WERAÜ 26:5

Apaiq ma kamasham na danhontiwe Jekeria ka atra sishat wiiwii apaiq raq Tatiwe ka tsapkap kap maq shiikum panto. Krai mren Shiikeawe raq apaiq ma shiiman kuqto.

YOBA 32:8

Shatmaq Ningkun Ajong Shiikeawe wenyi ka maiqse khum na saüki tlaq kriiriitiq maiqse ma taksu tsii ka kuqtlo.

TAKSU LAK 2:6

Tatiwe ka maiqse ma taksu tsii keti. Apaiq raq maiqse ma nyan phaqchi shrinkuq tlo. Kiimaq asap atsin wan lam tiichhi kuqtlo.

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

ISAIA 28:26

Apaiq raq awak shamsea ka atsin, jamkhano ngukla Shiikeawe raq apaiq ma shrinkuqto.

EJEKIEL 28:3

Ümniinga ümniika Daniel thaq na taksuwe, ümmakki wiika ahuk bom jamlai phan min paülot mak nguta tiima tlaü.

DANIEL 1:18

Hokhamwe raq jaqsham tlangke wan akhing wiitsam kuqtaq kra thumjai na, Ashpenaj raq jerobi tlotli ka Nebukadnejar phana shea wanto.

DANIEL 1:20

Hokhamwe raq jamlai phan bomli wairaü min, kiimaq apaiq raq jamlai phan mra khuthaq na bom wairaü min, tsangtsam weblai riika, maiqjaq liitibi nai mintin kloti amungtan na siti kra wiitarü kunli thaq na, manroqshi achan asap riito.

DANIEL 1:4

Tsangshiq ka asham ahea, phaqchi maiqse, phanrap aheawiq shrinkeje, phanrap saptsin wansaqti, kiimaq akhum na amiphan ahüti riichang. Tsangshiq ka hokhamwe rung na jaqsham ma thektlaqti maiq riichang. Ashpenaj raq tsangshiq ma Bebilon mung bom ka aphat wan nai awaiq wan shrinke chang.

DANIEL 10:1

Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

DANIEL 2:19

Krai mren, kra rawali kra amao chang bomtsi ka riisham mak maq, Daniel ma tiichhikuqto. Krai mren, apaiq raq ratsan ramong nyang na siti Shiikeawe ka akha tiitsam kamto:

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 2:23

Ngi raq ümnaq tiitsam tiikang, kiimaq shreng tiikang, ititiim Shiikeawe lei. Ümniiraq ngi ma anyan phaqchi kuqlaü, kiimaq ningkun kuqlaü; ümniiraq ngi achujaü trekuq laü, kiimaq hokhamwe ma jamlai chong chang wa, kra naishiq ma tiichhikuq laü.”

DANIEL 2:30

Riita, ara amao chang bomtsi ngi ma tiichhikuqtaq arka, ngi ka nanok thaq na asap atsin riilatiika riimak. Shatmaq Chaü lei, ümniiraq ümma liichum kra mitak laq, laüta ümtsan mong na jamlai tiima wa saütaq thun kra misap laq nguta tiichhikuqto.

DANIEL 4:6

Kra ningkhan, ngi raq isengi Bebilon mung wa hokham rung na tsii chongketi thun kunkun, ngi phana tiihea kang, tsangshiq raq ngi ma rawama liichum ka michongkuq laq nguta.

DANIEL 5:14

Ngi raq ümkhum na phra kong wenyi ka asi; kra ningkhan ümniika phanrap na asap atsin haü siisaq; kiimaq phanrap phaqchi nai anyan phaqchi ka asap haü siisaq nguta taikang.

DANIEL 7:1

Bebilon mung langti hokhamwe Belshajar raq hokham jaqsham wan apha rawii na, ngi raq rawa ma ashi makang. Kiimaq kra rawa ma riisham mak maq rawa na phanshi ra chhikang. Kra ngi raq lak na waiqthükang. Kra rawa ma maq jamlai wa chhikang kra awaiq riithükang. Kra waiqthükang raüpot ka

DANIEL 8:1

Hokhamwe Belshajar raq munglang wanli maq wiitsam she angu na, ngi raq riisham mak maq thongnai ngoja shammi makchhi hali chhinong kang.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.

Acts 7:10

Krai mren, Shiikeawe raq Joseph ka phanrap chamchao mong wa khup wong kuqshat maq tiichhan chhi wanto. Akhing saüto angu na, Joseph ka Ejip mung hokham we man na chapto. Kra akhing na, Shiikeawe raq Joseph ma athuk atsom rong arai nai taksu phaqchi kuqto. Krai mren, hokham we raq Joseph ka, Ejip mung thaq na nai hokham jamkun thaq na wanghupti we ma shongto.

Acts 7:22

Apaiq raq Ejip mungti anyan phaqchi kunli saptsin raüta, kai ongto. Raüta, apaiq ka Ejip mung na tsüwe tsitwe ashi kiimaq phanrap jaqsham na achi-achet ajong pinthum she jawanto.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.