Colossians 4:3 - ASII LAKDAP Bible (BSI)

³ Kiimaq namshiq raq naishiq miitu min, nong nong maq achu jaü ronglaq. Kra achu jaükuq tlan krai mren, Shiikeawe raq naishiq ma Jesuq Khristo tsütsa ahea, man na apaü raüta athü kra phanchan kewan miitu akhing ahea mikuq. Ngi ka ara Tsütsa Ahea ara chongke kha na, ümchaü phaqtek mong na sitiikang.

Hawa Naga Bible 2001

³ Vjux thoz shuinz nuex nuiyshiq tvkoc muinz thoz shuinz, Christu bomjungc vthuiuz vsungx lvmx nuex seng vtueq jungphvnc kuy vkhangx Tishox rueq nuiyshiq muex kuy tvkoc vjux thoz wuez shuinz. Yvmx khoc lac ngoz ruiux lec bomjungc kvruex ningkhvnc nuex majuiuc ngaz khoktep nuex shuiuz rvhumc vtaungx.

Muklom

³ Eshi jamoq í rangma tho romtam chu ro eq inn, irimal ang eq Shkewa í rangma Khristo apu ashum raaq phanchan ma kalung lak kona, iri rangma nga chukna.

Colossians 4:3 Referencias Cruzadas

Matthew 13:11

Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

1 Corinthians 16:9

Arjaq atang asha wanti maiq ka pahea asi li jiimin, ngi raq Shiikeawe jaqsham chang ka jonghea dea asi shaq li.

1 Corinthians 4:1

Namshiq raq naishiq ka Khristo jaqshisetiim nguta sap chang. Shiikeawe raq naishiq ka apaü raüta athü tengman tlaq bomtsi kra chongke miitu shongto.

2 Corinthians 2:12

Ngi ümtiikiiwa, Jesuq Khristo Tsütsa Ahea kra phanchan kewa nguta, Tros chela na saükang, kriijaq TATIWE raq apaiq jaqsham miitu, lam ka atan wishe chhi wan kang.

Ephesians 3:1

Riita, ija, ara chong tiikai namshiq noknai ri ka wehea miishe tiijato. Kriika ngi Paul raq, namshiq Pongnok phan maiqse miitu, Jesuq Khristo jaqsham kuq tiikang arkha na, ngi ka phaqtek mong na shaqto. Li jiimin, ngi raq namshiq miitu, Shiikeawe jaq wa achuli jaükuq tiikang.

Ephesians 3:3

Shiikeawe raq ngarai maiqse ka, Tsütsa Ahea kra lümaq tiichhii wan chang nguta, apaiq raq man niiphü thimi wanto. Shatmaq, arka apaiq raq apaü raütli thüto. Ümchaü, apaiq raq ara ngi ma tiichhi kuqto she. Ngi raq, ara ngi ma tiichhi kuqtaq tsütsa ka, namshiq ma atoqse maq waiq lata tiitai kuq wankang.

Ephesians 3:4

Kiimaq, ngi raq waiq kang kra, namshiq raq phat han jiila, namshiq riimin, Jesuq Khristo raq jaqsham ka apaü raüta athü wan wa, ümchaü she sürii wan taq kriika, ngi raq jamkho tak wankang, kiikha namshiq riimin mitak lot han.

Ephesians 3:9

Riita, ara jaqsham kuq taq arka, maiqse angu tarü raq, Shiikeawe raq apaü raüta athü bomhuk raükha arka, maiqse rilung na kupi wan tlaq, kra tiichhike miitu riito. Arka, ra nai hiq phansangti Shiikeawe raq, man na richü pat na, maiqpat ümchuwa lea wan taq akhing niika, tiichhikuq mak dea, apaü raütli thü wanto.

Ephesians 4:1

Riita, ümchaü ngi phaqtek mong na sitiikang arka, ngi raq Tatiwe jaqsham tiikang kriikha na shaqtlo. Ümchaü ngi raq namshiq ma, tsii chongkuq tiipha ara, tsan na samhea tiitsang shaq rong laq. Ümchaü sanha, namshiq ka, Shiikeawe raq asengi ma tiija miitu hea wantaq akhing na, namshiq ka ümtinkhan thuktsom maq siwan chang ngutiiwa thapthi wantaq, kra thap jangkii kra, tiimali lantiishe si rong laq.

Philippians 1:19

Ara jamkhano ngutiikang ngukla, namshiq raq ngi miitu achu jaü kuq tlan kra lümaq, kiimaq Khristo Asii Wenyi raq khrum kuqtlaq kra lümaq, ngi ka phaqtek mong wa mitiidong kuq nguta kam tiikang.

Philippians 1:7

Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

Colossians 1:26

Riita ara tsütsa arka, Shiikeawe raq man na pat achat ümchuwa lea wantaq akhing niika, mangjong maiqse tlotli makki wa, apaü raüta thü wanto. Shatmaq, ümchaü akhing niishe Shiikeawe raq aphan amaq maiqse ümchuwa sitlaq kriima atiichhi she riikuqto.

Colossians 4:18

Ara ngi raq i jaq maq waiq tiikang: Paul raq namshiq ma salam tiiwan tlo. Ngi phaqtek na sitiikang ara naq laq rongkiq! Shiikeawe kaphap namshiq rai misi laq.

1 Thessalonians 5:25

Phunainotiim lei, naishiq miitu ri achu jaükuq ruq ronglaq.

2 Timothy 1:16

Tatiwe raq Onesiphoras ta ma atiihang mangchan jonghea mikuqlaq. Jamkhano ngukla, apaiq raq, ngi ma jang pahea tsaido jido bom chongkuqto. Apaiq ka ngi ara phaqtek mong na sitiikang ningkhan niimin, tiijeasi mak.

2 Timothy 2:9

Ngi raq Tsütsa Ahea ara chongkuq tiikang arkha na, ngi ka tiichamchao wan tlo. Ngi ka matwe tsawe kaü ikha, shumraü kharü maq kha raüta tiichamchao wan tlo. Shatmiitiq, Shiikeawe bomtsi ka kharü maq khalot mak.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.

Philemon 1:22

Kiimahali, ngi japwa chang khok ri, ashi tiije laüta thüli laq. Ngi ka namshiq phana riihum wa miitu, namshiq raq achu jaü tlan kriika, Shiikeawe raq mitre nguta kam tiikang.