ASHICHONG 8:1 - ASII LAKDAP Bible (BSI)

¹ Nanai ara nyungshi se nguraüjaq ahea riichang. Kra nguraü ka chiiheawea lam maq, ngi raq ümtheaphi na lungwii shupsea amai. Chiiti riimin jam ngumak miraq.

Hawa Naga Bible 2001

¹ Ngaz rueq mnoz kuex inyuiuz puix nuingc jix waz, iphuz shauk muex tvyaungc roc vphaungx. Kvkhoc ngoz ruiux jix mnoz rulc lvmx maq rvhumc vtueq, mnoz kuex ngaz rueq shup ruiux muinz miq rueq shummarc phuex rvmuq.

ASHICHONG 8:1 Referencias Cruzadas

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 51:17

Ihonglu ka tsannin woknin honglu, O Shiikeawe lei, ümniiraq tsan nin woknin tsantsii nai mra tiidii wanti ka shishe maü,

ASHICHONG 1:2

Lungwii tiichhi ithea na shuptlaü ka ngi ma peohea. Ümnaq lungwii ngi ma thütlaü ka, ngi ma spiqtai sumhea thaq niimin sumhea.

ASHICHONG 7:13

Tsairai pü homtsang hea ikha, nanai kilü tho na petsi wiqtsam phan phan pahea, achü anye ümniirii na ngi raq jethü tiikang, ita-nyung lei.

ASHICHONG 8:2

Kiimaq ümniika inyung tap mong na shea wan lata, nanai riilungwii hainga amai. Ngi raq ümniima spiqtai asum mikuq ha wa, kiimaq miisansi tai min mikuqha wa,

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

HAGAI 2:7

Ngi raq mangjong hiq wa maiq mung thun naüshaüshaü mirha. Krai mren pongmung maiqse raq tsangshiq tsiiq tum kra howan raüta arjiishe mito wan. Krai mren, Shomjam ka tsiiq anyam raq ama she miraq.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

Luke 10:16

Jesuq raq ajaqshisetiim ma bom ka akha chongkuqto, “Jurwa namshiq bom tai tlaq; kriika i bom tai tlo. Jurwa namshiq tao mak; kriika ngi armin tao mak. Kiimaq jurwa ngi tao mak; kriika ngi tiikaitiwe kriimin tao mak.”

Luke 12:8

“Ngi raq chongtiikang arka tengteng. Jurwa nokwe man na, apaiq ka i sengi nguta tantan maq sitlaq, kriiti miika Maiq Se riimin, rasetiim man na apaiq ka i sengi nguta hakhi mikuq wan.

Luke 18:9

Kiimahali, maiq ümriiti riiwa, tsangshiq maiqmii ka kechu maiqse kiimaq nanok ahinti thun ka, ngarai maiqsetiim nguta, khüphit nüphit sitlaqti ma, Jesuq raq ara shiiton manphan armaq bom ka chongkuqto.

Luke 2:38

Kra akhing bala riikhaqli, apaiq ka Shomjam na saükito. Raüta, noshii miitu, Shiikeawe ma kechu tumto. Kiimaq, Jerusalem ka Shiikeawe raq maiqjaq khon mong wa mitiichhii kuq nguta kamwan raüta khe wanti ma, noshii rilung manphan kra chongkuqto.

Luke 9:26

Juwa ngi ma kiimaq ara i bomtsi shrinkuq tiikang arma, ajiasi riitlaq jiika, kriiti miika, Maiq Se kiimin apaiq, khushü ngao kiimaq Awe khushü ngao chhainyii liliim, kiimaq asii rasetiim khushü ngao kra ho raüta saüho tlaq akhing ranaiq na, kriiti ma ajiasi mirwan.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 8:42

Kiijiishe, Jesuq raq tsangshiq bom ka treto, “Riita ngohea dea, Shiikeawe kiidea namshiq ma Awejong ngu raüka, namshiq raq ngi ka milungwii han wa. Ara jamkhano chongtiikang ngukla, ngi ahata Shiikeawe pha wa akiha. Lata, ümchaü namshiq rai sitiikang. Ngi ka i tsiitsii maq asaükiha ka riimak. Ngi ka apaiq raq atiiki.

1 Corinthians 1:28

Apaiq raq mangjong maiqse raq shummii laqpii saisi tlaq kra tsea tlo. Kiimaq mangjong maiqse raq arka jam min taimak, hiqtili nguta liiwan tlaq, kriiti ka tsea tlo. Arka mangjong maiqse raq jamlai wa akhek nguta thü tlaq kra shiithen baiq miitu tsea tlo.

Galatians 4:26

Shatmaq, ramungtan na sitlaq, Jerusalem chela kriika chiisan chela. Riita, apaiq ka nashiq ma anyung jong.

Galatians 6:14

Riita, ngi riikla, Tati Jesuq Khristo pumsongkham na tsaitaq, kra shomra tiikang, kriili she. Ara jamkhano chongtiikang ngukla, apaiq tsai taq pumsongkham lümaq, mangjong hiq rilung lam phan na, jamlai phan wa araa ariq phan nguta weawun wan tlaq thun kriika, ümchaü sanha, ngi miika hiqtili ikhli she. Ngi ka arthun armiika, atsaikai kun she. Ngi armin, mangjong rilung lamphan miitu ka, atsaikai wishe.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.