ASHICHONG 7:9 - ASII LAKDAP Bible (BSI)

⁹ Kiimaq ümnii shup ka, spiqtsi tai sumkhan riito, Kra spiqtsi tai ka ikongtiwe raq nyang ma sumhea, Anüshok maq ajea alea sa tlo.

Hawa Naga Bible 2001

⁹ kvmaq mnuix kuex ruimc hvlc svpiq tix ikhoc ngoz tueq tvmaung vshaungx. Kvkhoc ngoz ruiux kvruex svpiq tix kuex ngaz rueq lungwawx vshaungx waz, nuix bar nuiyc wac htenc kuex lvy wvnc vtueq vgvnz mungx nuex mnyuip wvnc kueq.

ASHICHONG 7:9 Referencias Cruzadas

TAKSU LAK 16:24

Lungwii bomtsi ka ngiqngu ikha; anyang ma sumhea. Tsan among na washasha hea; hüphin hanphin.

TAKSU LAK 23:31

Chekok shiiroro kra chhilaüta, kok na achhai lüplüp kra chhi laüta, kra nyang raüla rot na, nyeajokjok hea asum wiq, kra tei laüta, ümniika che ma naq tlaokiq.

ASHICHONG 2:14

Ümshamhea ka haütaü ikha, Longraqkam na atiipaü nga ikha. Ümtheaphi tsomhea liipha na. Ümbom sumhea atsaisea ma, ümmaklii min tsomhea tsomhea.

ASHICHONG 5:16

Apaiq nübok ka lungwii nüshup sea sumhea. Apaiq miitu tiima kang la, itsan mong na peohea. O, Jerusalem nyungre lei, Itawe tsaki ka ngi ma rahea kata, O Jerusalem nyungre lei, Kra ningkhan tsaki tiikang ahata.

ASHICHONG 5:2

Ngi ka akon shatmaq itsan ka asam, ngi raq ma maq makang ngi lungwiiwe raq kilü na bukto. Tap mong na wapha irüm-nyung lei, Iroriinyung lei, ihaütaü se lei, Ikhupo na bangkham jobai, Ikhu bin min nyiirii kham raq jobaibai.

Romans 13:11

Namshiq ka akha shongnga chang akhing she saü wato. Namshiq ka akon wa sam wan akhing she saüwato. Man na nashiq apha na kamwankai ranaiq kiimaq thi wan raüka, ümchaü sanha, nashiq tiichhii wan rahiq jipi akhing ka, aje niili she.

Ephesians 4:29

Maiq tsan tiibi chang bomtsi ka, naq bom rongkiq she. Shatmaq, kongti tsaiji tiijong lu chang bomtsi, ahea awa kli bom ronglaq. Nambomtsi ka kongti tsan na washasha hea, kongti tiijong luwan chang bomtsi kli bom ronglaq.

Colossians 4:6

Namshiq bom asa ka akhingtek na athuk atsom, ataisea ma ahea wiq maq bom rong laq. Kiimaq nanok ma bomtre chang dong tlaq niika, riikhaqli tingting bomtsi maq tre rong laq.

Hebrews 13:15

Krai mren, ümchaü sanha nashiq raq wranaiqshe, Shiikeawe kli she shomra laita, si rong i. Nashiq raq Shiikeawe ka, Jesuq mang na shomra wan tiikai arka, nashiq raq Shiikeawe ma honglu kewan. Nashiq raq apaiq kiidea Tatiwe nguta shomnoq tiikai arka honglu kewan ashi.

Revelation 14:13

Kiijiishe ngi raq ramungtan wa maiq bom ashi hali akha chongto taikang, “Ara waiqlaq! Kechu jonghea ümriiti wa ümchaü ara miiphat she, Tatiwe lamphan na tsai tlaq!” “Ngohea dea tengto!” nguta Asii Wenyi raq treto. “Tsangshiq ka Shiikeawe jaqsham pinthum hun nü wanto. Ümchaü sanha, tsangshiq ka hunhü niihü miishe mitiisi nga. Jamkhano ngukla, tsangshiq raq minshiiq wantaq kra tsi ngo ka, tsangshiq rai nong nong ramungtan niishe saiqsam wanto.”