ASHICHONG 6:4 - ASII LAKDAP Bible (BSI)

⁴ Ngi lungwii-nyung lei, ümshamhea, Jerusalem tsomwa ikha, Kiimaq Tirja chela tsomwa ikha tsomhea. Maklii raq thin mak, tsitsü thiimthatha jonghea chela ikha.

Hawa Naga Bible 2001

⁴ Ngaz rueq lungwawx vphaungx yunx nyuiuz lex, mnoz kuex Yerusalem ikhoc svp rvp vtueq, Tirza ghaqyungx ikhoc vlung-wawc svy juing rvtoq, ghaqyungx htenc ikhoc vlawc muex vwangc juing tanc khvnc rvtoq.

ASHICHONG 6:4 Referencias Cruzadas

1 HOKHVMX 14:17

Jeroboam tanyung ka Tirja chela na jang wan nongto. Apaiq ka ajam kilam chong na saü wanri ase ka tsaikito.

1 HOKHVMX 15:21

Kiimaq Hokhamwe Baasha raq kriithun mra pintaq tsütsa kriishe tairaüta, apaiq raq Rama chela tro na kiitelong maq ruk jaqsham kra athaq she riibaiqto. Raüta Tirja chela niishe wa wanto.

1 HOKHVMX 15:33

Juda mung Hokhamwe Asa raq hokham jawan li maq wiitsam she angu na, Ahija se Baasha ka Israil mung tlotli na hokham ma shongto. Raüta apaiq raq Tirja chela maq ngaraüta mung ka wiiroqnai ri wiiblai pengto.

Tvtsvmc 48:2

Jajon ka Shiikeawe pum adii luhea kiimaq tsomhea; hokham jongheawe chela raq mangjong tlotli ma pinthum tiikhoqriiqtlo.

Tvtsvmc 48:3

Shiikeawe raq tiichhikuqto apaiq rai si ka hansang kra chela ruk mong na.

Tvtsvmc 50:2

Shiikeawe ka Jajon maq liliimtlo, kra chela ka minhap tsomhea.

ASHICHONG 1:15

Tsomhea tsanro nyung lei, ümsham ka alüsea ma tsomhea, rum wa pepü tu ikha. Ümmak liina lungwii tsii ka tsihea!

ASHICHONG 1:5

Jerusalem sheare lei, isham ka anyaq dea. Shatmaq aliiseachang tsomhea. Kumtsaiphii bin jü na, Kedar hiqshong tombu jamsetiim ikha. Atam alam setiim. Shatmaq aliisea ma tsomhea. Solomon hokham jam kitanpu na, kheachan tsomhea ikha.

ASHICHONG 2:14

Ümshamhea ka haütaü ikha, Longraqkam na atiipaü nga ikha. Ümtheaphi tsomhea liipha na. Ümbom sumhea atsaisea ma, ümmaklii min tsomhea tsomhea.

ASHICHONG 4:7

Ümshamhea ka tsomhea aro junse lei, Jamlai kojo ngomin ahü!

ASHICHONG 5:2

Ngi ka akon shatmaq itsan ka asam, ngi raq ma maq makang ngi lungwiiwe raq kilü na bukto. Tap mong na wapha irüm-nyung lei, Iroriinyung lei, ihaütaü se lei, Ikhupo na bangkham jobai, Ikhu bin min nyiirii kham raq jobaibai.

ASHICHONG 6:10

Ranapchu rawii li wan tlaq ikha, ara juwa? amaklii ka ranap rashe dongwan tlaq ikha tsomhea Ashamhea ka jipi li chaihea ikha.

AJONJÜ 2:15

Chela lam maq alea wanti thun raq, ümniika thophi riiqphi lea wantlo. Tsangshiq raq tokbai laqlaq raüta, Jerusalem then wantaq kra liitlo. “O, arshea man na tsomhea chela ira? Mangjong tlotli raq ra tsa ikha tsaki wantaq ira?”

JEKERIA 12:3

Shatmaq kra akhing she saü raüla, ngi raq Jerusalem ka longkaü ashi ikhiishe mitiijaha. Ümra mungti riiwa kra longkaü ka dobaiq lai nguta danjiiq, kra mungti ka maiqmiili khoti mitiipatrai. Mangjong hiq wa maiqmung pahea adam pong raüta Jerusalem ka mikhat.

2 Corinthians 10:4

Naishiq raq rekhat lam maq sham wan chang siinit wachü thun kriika, ara mangjong hiq wa hupsam siinit wachü thun kriika riimak. Shatmaq, naishiq raq sham tiikai siinit wachü thun arka, aheng pinthum, Shiikeawe siinit wachü maq chiq se rewe ümchuwa sitlaq kra khat tiikai. Laita, rewe tiibo chang hiqshong kra shiithen baiq tiikai. Naishiq raq arot akiq tri raütu thun kra run baiq tiikai.

Ephesians 5:27

Riita, ara hekuqtaq arka, phungtu ka apaiq miitu siirairai, shamhea shamjü, chiisan kiimaq jamlai shutphit min ahü, kiimaq jamlai phan na kojo min ahü maq, minhap ma tiija wan miitu hetse kuq.

Revelation 21:2

Kiimaq ngi raq Asii Chela Jerusalem anye ka junriise, awese phana ajun wakai ma tiimiikhiiq raüta kitlaq ikha, tiimii raüta Shiikeawe pha wa ramungtan maq asat kai chhikang.