ASHICHONG 4:6 - ASII LAKDAP Bible (BSI)

⁶ Ngi ka homseng dongchang hiqlampo na, homseng hiqlampo na, ranap haishaishu saücho na saüli, kiimaq ranap wiitsrupriiq na saüli mingaha.

Hawa Naga Bible 2001

⁶ Raungnvp raungwuic max httuiuc raungnyauk max lawz wvnc nuex murra kanx nuiyc loban kankhux nuex ngaz httax taungx.

ASHICHONG 4:6 Referencias Cruzadas

Tvtsvmc 66:15

Ngi raq berong-wacha na cha chang sku honglu na mikuqha; Ngi raq mimsaü pongwetiim nai chhechhi thun ka mitaa kuqha, kiimaq kra wakhuk ka ratsan mong na mimong wan.

DUNGWVNC 20:24

Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.

DUNGWVNC 30:8

Kiimaq apaiq raq raji ko na lem tiinyaitlaq akhing niimin akhiisii homseng honglu kra chaqho lili riichang. Ara homseng honglu ke arka pattup pat-sa atsaq kai maiq mak kuq wan ruqli riichang.

DUNGWVNC 37:29

Kiimaq apaiq raq asii ramram chang tel kra kiimaq ahomwiq-homseng honglu kra khum na nyat chang homseng riishottlaq ikha kloto.

ASHICHONG 2:17

Ranap rawü mishaq, banram banriq na, jang wan laq kongtiwe lei, Bithar pum na chhingise nai, chokkaü adoq ikha.

ASHICHONG 3:6

Kumtsaiphii binjü lam maq juwa warai tla? Phumda apong ikha mongtlo. Laopanbi raq asha, Homseng tsang homrai tlaq ikha?

ASHICHONG 4:14

Phanphan pepü, ashii, kalamas, kiimaq sinamon, kiimaq phanphan homseng chamtlo. Mura pe, notul pe, cham ka pe chamtlo, Pinthum maiqtsan maiqmong mojii chang sonruk.

ASHICHONG 8:14

Wara itawe lei, iphana, chhingikaüse ikha athok haha. Homseng ro phong pumji na, Chongngi kaü doq tlaq ikha, Ana wara iphana, athok haha.

ISAIA 2:2

Rawiichii akhing na Shomjam haitaq pum ka pumthun wiitarü thaq na diiluhea pinthum miraq, hiqlam wiita thaq na diilu pinthum miraq. Maiq mung pahea wa maiq apaiq phana kongta hushhu waraüta mirtam wan,

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Luke 1:78

Nashiq Shiikeawe ka mangchan rümti tsanin woknin. Apaiq raq nashiq ma tiichhii wan rashe kii liliim kra mitli kuq wan she.

2 Peter 1:19

Ara ra wa bomtsi saütaq kriika, man na shammibi raq Messia ka misaüho lii nguta chiiriim raüta tra hokuq wantaq kriika, tengto dea nguta bomchong raükha tiipha wan she riito. Arkha maq, nashiq raq shammibi bomchong ka tsan na atsi maq thü laita kam hai jiika nashiq ma ahea miraq. Krai mren, namshiq tarü raq, shammibi raq achongthü tsütsa kiima kam lanta sironglaq. Tsangshiq raq achongkuq tsütsa ka ranyaq mong na piijongteng tlü tlaq ikha maiqse ma wenyi walüli. Ranap rawü rashe midong hoshaq wiiwii ka, piijongteng wanii ka akhek raa tlo. Namshiq mongjii na Jesuq Khristo, ranap Saiqwüpo kra misaüho shaq wiiwii, shammibi bomchong piijongteng kra samhea tiinyai lanta thü ronglaq.

1 John 2:8

Namshiq raq man na tai lan aming ka achu li jiimin, ümchaü ngi raq waiq nong tiikang arka, aming anye she hali. Jamkhano arka aming anye ngukla, Shiikeawe aming tri raü tu ka, Khristo khum niishe kupi wanto. Kiimaq namshiq rilung niimin she ku wanto. Ara jamkhano chongtiikai ngukla ranyaq ka thum rai wan tlo she. Kiimaq riikhaqli rawiili ka arshe liliim wanto she.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.