ASHICHONG 3:6 - ASII LAKDAP Bible (BSI)

⁶ Kumtsaiphii binjü lam maq juwa warai tla? Phumda apong ikha mongtlo. Laopanbi raq asha, Homseng tsang homrai tlaq ikha?

Hawa Naga Bible 2001

⁶ Murra, Loban nuiyc pvkac pvylvyc jix rueq vshaung kuq, vhomc vtumc phvnx ruip saz kuex wvr khuiuq tuz ikhoc, kumtsvy tvnx maq dung yaq kuex yvmx lac rvtvnx?

ASHICHONG 3:6 Referencias Cruzadas

DUNGWVNC 30:34

Tatiwe raq Mosheq ma nguto, “Ara ahomwiq tapan thun arwa riingea riingea chhaq maq thap laüta lamlaq: stekte homseng wa, onicha homseng wa, galbanum homseng wa, kiimaq chiisan pechong mong wa alam homsengtsai wa.

TAKSU LAK 7:17

Lata changdü ka, homseng phantsam maq tiihom nyat thükang.

ASHICHONG 1:13

Ngi lungwiitiwe ka homseng ikha homhea, ikhuk na wetlo.

ASHICHONG 1:3

Ümmang chongsum ngiqkai ngu ikha, Ataisea ma ni na washasha hea. Jeture raq tai ma sumhea.

ASHICHONG 3:7

Solomon watlo, apaiq hokham ngacho na ngaraü, Akheti srea weroqtrok raq pitlo, Tsangshiq ka Israil mung na nolajongbi.

ASHICHONG 4:6

Ngi ka homseng dongchang hiqlampo na, homseng hiqlampo na, ranap haishaishu saücho na saüli, kiimaq ranap wiitsrupriiq na saüli mingaha.

ASHICHONG 5:13

Atheaphi ka tsomhea süse tapan homseng rü bagan ikha, Anübii ka bajin pepü rü ikha tsomhea, homseng tsai maq anyat ikha homhea.

ASHICHONG 5:5

Ngi raq apaiq tapmong na nyap wa khesiq kang, Ijaq ka homseng maq nyatje she khekang, Ijaq shi thun na homsengtsai maq jut lata khekang. Lata kilü la chang kiijaq jaq maq shamshat khekang.

ASHICHONG 8:5

Iniikra juwa warai tla, kumtsaiphii ram lam maq? Akongtinyung tsangnai jaq maq, riikhaiq riikhaiq warai tlo? ümniika shepe chongji na akon wa tiisam kang. Kriika ümnaq chhü chang ba.

ISAIA 43:19

Ngi raq anye jamlai wa kiimung tiikang kra shrira liilaq. Arka hongtha rai wanto she- ümniiraq ümchaü min michhi haü! Ngi raq kumtsaiphii binjü maq lam ashi mitanha, lata ümniima jüseraisetiim mitiidong kuqha.

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 31:2

Rumnyangkhi kumtsaiphii binjü maq, maiq ümchuwa atsai maakho bok wa lun wantaqti ma, Ngi raq tiihang mangchan tiichhikuq kang. Ümtiikiiwa Israilnok raq niitiitsak rit wantaq,

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto

Matthew 2:11

Tsangshiq ka kiijaq saü raüta jam mong na wato. Kiimaq no ka anyung Meriq rai chhito. Raüta tsangshiq ka lakü maq nga raüta apaiq ka shomnoq wanto. Kiimaq tsangshiq raq ahoho kongphiq chaq, pechong mong wa alam homseng tsai, kiimaq penaihomseng thop kra tsangshiq thongkhiiq mong wa lam raüta, no jichong niishe kai shreng raüta tokuq wanto.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.

Revelation 12:6

Kiimaq, jechak nyung ka kumtsaiphii bintang jüngi hiq bashi, Shiikeawe raq tiijeje athü, kiijaq tiipaü juhoto. Kiijaq jechak nyung ka 1,260 ranaiq aheawiq shiililii raüta mitiisi wan.

Revelation 18:13

Kiimaq homseng phan sinamon nai süse tapan, ahom phan, ahom phan shum win kiimaq wa na chaq chang ahom phan shum win, che kiimaq olip petsai, kiimaq wongwin kiimaq bunwong win; minsaü kong kiimaq sku kong; kumrang kong kiimaq kumrang leng thun; kiimaq dise kong kiimaq sepat lope alap wan shumwi kong thun riti ka ahü she.

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.