ASHICHONG 2:9 - ASII LAKDAP Bible (BSI)

⁹ Ikongtiwe ka chhingise ikha, chongngise ikha tsomhea. Apaiq ka saükito kilamchong na. Kitan pu maq ngi liitlo. Khepuriiq maq ngi liitlo.

Hawa Naga Bible 2001

⁹ Ngaz rueq lungwawx vshaungx waz kuex khiyix ikhoc muinz, juk pung ikhoc rvtueq. Piq kuex khoalx tuk hep nuex jvp yaq. Katvnc puc maq lawc vtueq khoalx puc maq ngaz kuex siz lawc yaq.

ASHICHONG 2:9 Referencias Cruzadas

2 SAMUEL 2:18

Jeruia setiim siphu wetsam ka kriijaq riito: Joab, Abishai, kiimaq Ashahel. Asahel ka aju na chhingise doqtlaq ikha phiqhea pinthum jutlo.

TAKSU LAK 5:19

Chongngise ikha asham ari tsomhea; kra shamhea kra liilaütli peokhiq maq silaq. Apaiq lungwii jaq khong mong niili silaq.

TAKSU LAK 6:5

Ngamhiipti hai ma chhingise jutlaq ikha, kiimaq lii raq phiim raüjaq, wushi biwan tlaq ikha, ümkiqkham raü kha mong wa tiichhii wan tlo laq.

TAKSU LAK 7:6

Jangshi ngi raq ijam kitanpu maq kinphai na liikang,

ASHICHONG 1:16

Ümsham pinthum tsomhea, roriiwe lei, Ümniika ngi chochi tsanhea! Nanai changdü rensang phiirü waijuju.

ASHICHONG 2:17

Ranap rawü mishaq, banram banriq na, jang wan laq kongtiwe lei, Bithar pum na chhingise nai, chokkaü adoq ikha.

ASHICHONG 2:7

Jerusalem sheare lei ngi ma, chhingisekong nai chongngisekong mang na, tiitum lanta chong ronglaq, nainai lungwii tiitsa tiibanbi mai nguta.

ASHICHONG 3:5

Jerusalem sheare lei, kiq kham lanta ngi ma chong ronglaq, chongngise nai chhingise mang na tiitum lanta, nainai lungwii haisea naq tiibanbi rongkiq, tsan mihea shaq wiiwii.

ASHICHONG 8:14

Wara itawe lei, iphana, chhingikaüse ikha athok haha. Homseng ro phong pumji na, Chongngi kaü doq tlaq ikha, Ana wara iphana, athok haha.

Luke 24:35

Kiijiishe, tsangnai we nai raq, tsangshiq ma tsangnai ma awa lam maq, lam na jamkho riihumkitaq, kiimaq tsangnai raq Tatiwe ka winsii tiiphan kuqtaq akhing na jamkho tiitsang chhitaq, kra tsütsa kriishe tsangshiq ma phanchan kuqto.

John 12:41

Isaia raq ara riisham bom chongkuq thütaq arka, apaiq raq jai na Jesuq khushü jonghea dong wan chang dea asi shaq, kra chhi raüta chongthüto.

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

John 5:46

Namshiq raq ngohea shaq shaq dea, Mosheq ma kam tlan ngu haü jiika, ngi miimin mikam han wa. Mosheq raq jamlai wa waiqtaq kra ma, namshiq ka kamwan man dea riilan. Ara jamkhano chongtiikang ngukla, Mosheq riika, ngi miitu bomchong ka waiq wanto.

1 Corinthians 13:12

Nashiq raq ümchaü jamlai wa chhi tiikai, kriika chamni mong na mot maq maq atsaiji chhi tiikai ikha. Shatmaq kra akhing niika, nashiq raq apaiq rai adam na sham riichhishat miishe misi wan rong i. Ümchaü ngi raq jamlai wa sap tiikang, arka akho athiq li sap tiikang. Kra akhing niishe ka, Shiikeawe raq, ngi rai jamkho minhap maq tsanwa maq sap tlaq, kiikhiishe ngi riimin, apaiq ka tsanwa miishe misap ha.

Colossians 2:17

Arthun chongtiikai thun thungtri arka, jai maq asaü hochang sitlaq kra tiiji atiichhikuq wan. Arka miinan, atsaiji tiichhike lamlamli. Shatmaq, riikhaqli awongsii ardea nguta ngo chang ka, Khristo khum sitlaq kli she.

Hebrews 10:1

Jehudinok ma akuq Thungtri lang raüta, Shiikeawe shomnoq tlaq arka, ramungtan na sitlaq awongsii, Shiikeawe shomnoq wan lam kra tsaiji lamlam li. Arka jai maq saüho tlaq, chiisan tri lam phan raüta, Shiikeawe shomnoq wan chang lamphan kra sumla tsaiji. Wranaiqtek, Shiikeawe ma honglu takuq tlaq kriika, achü kli bliiqkiki raüta takuq tlo. Riita, ara Thungtri lamphan raüta, Shiikeawe ma rawiitek nyamse takuq tlaq kriiraq, maiqse ka Shiikeawe wokhong na siwan miitu asii maiqse miika jamkho mitiija lot?

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

PHOWEBI 5:28

Sisera nyung ka ase saüwa khe, maklii khamthii riito. Tsangjam kitanpu maq ase; saüwa kheto. Apaiq raq kitanpu chiiq maq liito. Raüta, “Apaiq kumrang leng ka, asaü min saümak, ümbano haikita?” nguta anyung raq waito. “Akumrang kong ka jam na, ajang min jang wan mak, ümbano tiihit kita?”