ASHICHONG 1:5 - ASII LAKDAP Bible (BSI)

⁵ Jerusalem sheare lei, isham ka anyaq dea. Shatmaq aliiseachang tsomhea. Kumtsaiphii bin jü na, Kedar hiqshong tombu jamsetiim ikha. Atam alam setiim. Shatmaq aliisea ma tsomhea. Solomon hokham jam kitanpu na, kheachan tsomhea ikha.

Hawa Naga Bible 2001

⁵ Yerusalem shvlx rulx lex, ngaz kuex ngvmx nyauk ruiux muinz vsvp waq rvtauk, Kedar kumtsvy tvnx wawc tap htenc ikhoc nyauk yaq, yuq muinz Solomon hoc nuex juinc juing ikhoc svp vtaungx.

ASHICHONG 1:5 Referencias Cruzadas

Tvtsvmc 120:5

Namshiq rai sidam ka Meshekh mungti rai sidam ikha abi pinthum; riimakla Kedar mungti rai sidam ikha, abi pinthum.

Tvtsvmc 149:4

Tatiwe ka asengi ma chochi; apaiq raq wepuq weseti ma tiitang kuqtlo.

Tvtsvmc 45:9

Ümhokham rung na ngatibi phong na hokhambi sere junriisetiim ngadamtlo, kiimaq ümhokham kho jaqtsi nü na hokham nyung chaptlo, chiisan chaqlak tum kaü lak raü.

Tvtsvmc 90:17

Naishiq Tati Shiikeawe lei, ümnaq achu shiiman naishiq ma misilaq. Naishiq raq ümchuwa jaq shamtiikai kra kunkun tii-ong kuqlaq!

ASHICHONG 2:14

Ümshamhea ka haütaü ikha, Longraqkam na atiipaü nga ikha. Ümtheaphi tsomhea liipha na. Ümbom sumhea atsaisea ma, ümmaklii min tsomhea tsomhea.

ASHICHONG 2:7

Jerusalem sheare lei ngi ma, chhingisekong nai chongngisekong mang na, tiitum lanta chong ronglaq, nainai lungwii tiitsa tiibanbi mai nguta.

ASHICHONG 3:10

Pekhok kham ka kampho maq alo; Khokkii tro ka chaq ngam khea maq ajop. Atiinin ngachang ka namrai khea maq jopto. Jerusalem sheare raq lungwiitsii maq, tsomhea tiidak tiijok ataqkuq riito.

ASHICHONG 3:5

Jerusalem sheare lei, kiq kham lanta ngi ma chong ronglaq, chongngise nai chhingise mang na tiitum lanta, nainai lungwii haisea naq tiibanbi rongkiq, tsan mihea shaq wiiwii.

ASHICHONG 4:3

Ümnübii ka kheashii ribon ikha, Abom riitlaü na tsomhea. Ümkhupang chang khea ni siim maq, ümsham liima tsomhea.

ASHICHONG 5:16

Apaiq nübok ka lungwii nüshup sea sumhea. Apaiq miitu tiima kang la, itsan mong na peohea. O, Jerusalem nyungre lei, Itawe tsaki ka ngi ma rahea kata, O Jerusalem nyungre lei, Kra ningkhan tsaki tiikang ahata.

ASHICHONG 5:8

O Jerusalem nyungre lei, namshiq raq itawe ka chhilan jiila, ngi ka apaiq ro raq atsai nguta, apaiq ma chong rongliijo.

ASHICHONG 6:4

Ngi lungwii-nyung lei, ümshamhea, Jerusalem tsomwa ikha, Kiimaq Tirja chela tsomwa ikha tsomhea. Maklii raq thin mak, tsitsü thiimthatha jonghea chela ikha.

ASHICHONG 8:4

Jerusalem nyungre lei, tiitum ronglaq, namshiq raq nainai riilungwii sea, naqtiibanbi rongkiq.

ISAIA 21:16

Kiijiishe Tati raq ngi ma nguto, “Rawiishi she nyito angu na Kedar mungti maiqphan jonglu kra athumshe mirki.

ISAIA 53:2

Kriika Tatiwe apaiq raq dongdii thimi wanto, ajaqshi se ka pechamse ikha hiq shinriiqriiq ba na cham raüta arang ka hiq mong na cham chang nguta thapthi wanto. Apaiq sham ari ka achaq awaq ka riimak. Kiimaq shamhea shamjü alüsea chang ka riimak. Nashiq raq apaiq ka maiqse wiqwiq dea nguta chhiha wanli chang ka riimak. Apaiq sham na liiraüta atsomwiqse dea nguta maiq maklii ranphan chang ka ahü riito. Nashiq raq apaiq ma tsan tiitsi chang sham ka ahü riito.

ISAIA 60:7

Kedar nai Nebaioth mung wa skukong ka wiita Ümniima honglu kewa misaü wan. Raüta berong-wacha na mitakuq Tatiwe tiichochi miitu. Tatiwe raq apaiq Shomjam ka pinthum achhai anyii pattup mitiichhainyii wan.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

EJEKIEL 16:14

Ümshamhea tsomwa ka mangjong hiq na maiq mung ümchuwa sitlaq kriithun na ratsa la ratsa she nyam wanto. Ümshamhea ka minhap. Jamkhano ngukla Ngi raq ümsham ka tarü thaq na ahea atsom pinthum tiijakuq kang.” Arka, Tati Rakaü Hiqwe raq ngutlo.

EJEKIEL 27:21

Kiimaq Arab mungti nai Kedar mungti welabi raq ümhupsam thun kra ri ma, tsangshiq raq skukong aran setiim, skukong alala, kiimaq chhechhi kong kra kuq raüta klaitlo.

Matthew 10:25

Kriikha maq chong mang ka ashrinti we pumkhü kra sam raüta siwan miitu chochi khiq maq si chang li. Kiimaq dise riika atijong we pumkhü kra sam raüta sichang. Jamtati we nang santla Tha Mungtu we nguta slailii tlaq jiika, apaiq jamti thun thaq niika kra thaq niimin tiinanpot naolaq mang abi miishe mimang wan!”

Matthew 22:11

“Shamtaq, Hokham we ka wanwe liiwa nguta khok mong na wa kiita, kiijaq wanwe ashi ka kherüsea poi na samchang rohun miirii sam mak dea maq waraüta, kiijaq nga raü chhi wato.

Luke 13:34

“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!

Luke 15:22

Shatmaq, awe raq ajaqshisetiim ka hea raüta, ‘Kotsi!’ nguta apaiq raq thaüto. ‘Samtong ahea pinthum ira lamwa rongkiq. Lanta, tiisam kuq ronglaq. Ajaq na jaqtop ri tiipa kuq ronglaq. Ahok na hokpa ri tiipa kuq ronglaq.

Romans 13:14

Shatmaq, Tati Jesuq Khristo raq akuq rekhat chang miirii, khu aliiq, chuntsi nyiimwin kiimaq ko aliq thun kriimaq tiimiikhiiq laitiishe, tiijeshat maq rekhat miitu si rong i. Kiimaq namshiq khum wa ngarai han-ngam ramho jamlai phan wa sitlaq, kriika naq dung hiq rongkiq she.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Galatians 4:26

Shatmaq, ramungtan na sitlaq, Jerusalem chela kriika chiisan chela. Riita, apaiq ka nashiq ma anyung jong.

Ephesians 5:26

Apaiq raq ara, apaiq miisaq kuq raüta phungtu ka Shiikeawe ma apkuqto. Apaiq raq tsangshiq khum ka kham maq tiisii hetse kuqlot raütiishe, Shiikeawe ma kiinong kuqto.

1 John 3:1

Liimanta, Awe raq nashiq ka pinthum lungwiito! Apaiq raq nashiq lungwiitaq kra pinthum jonghea kha maq, nashiq ka Shiikeawe setiim she nguta ngutlo. Kra ngutlaq arka tengto dea na, nashiq ka asetiim she dea sitiikai. Arkha miitiina, phiijawa raq nashiq sap mak. Tsangshiq raq Shiikeawe ka sap mak kha maq, nashiq min sap mak.