ASHICHONG 1:12 - ASII LAKDAP Bible (BSI)

¹² Ihokham chang na akon, Kiimaq idü wa homseng tsang raq tapmong mongtlo

Hawa Naga Bible 2001

¹² Ngvy hokhvmx waz kuex humpanx hep nuex ngaungc yaq nuex, ngvy kox wawc vhomc vtumc tix thuingc kuex nyvmc wvnc tueq.

ASHICHONG 1:12 Referencias Cruzadas

Tvtsvmc 45:1

Bomtsi sumhea ikhutsai na asho awo dongtlo, ngi raq ara hokhamwe shomra shi waiq lam maq. Lakwaiq atsinti lakkii ikha itili na ashi bomtsi adong sumhea.

ASHICHONG 1:11

Shatmaq naishiq raq chaq raü kampho tum mitlak kai.

ASHICHONG 7:5

Ümkhupo tsom ka Karmel pum khan, Ümkhudap chhai janjangjang hea, hokhamwe kiimin akhudap maq kaihotlii riito.

Matthew 22:11

“Shamtaq, Hokham we ka wanwe liiwa nguta khok mong na wa kiita, kiijaq wanwe ashi ka kherüsea poi na samchang rohun miirii sam mak dea maq waraüta, kiijaq nga raü chhi wato.

Matthew 22:4

Kriikha miishe apaiq raq ajaqshisetiim ahinti kra hali tiiki nong raüta, wanwe ka akha tiichong kinongto: ‘Shamhea shamjü kumchipo ikha alüsea chang minsaü pong we thun min atawi she. Tashong ka ümchaü jato she. Kherüsea poi lomwa dam warong riishe!’

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Mark 14:3

Jesuq ka Bethani hiq na rampun tsi wa aheaki we Simon jam na riito. Jesuq ka kiijaq dungsea rea bala na, maiq nyung ashi ka kiijaq wato. Apaiq raq athii tsinhea phan, kiimaq rahea phan homseng tsai ka alabastar tsabum na lam wan raüta wato. Apaiq raq homseng tsai tsabum ka tiibun tlü raüta, Jesuq khupo na nyatto.

John 12:3

Kiitiikaq, Meriq raq perang wa apho, athii tsinhea phan homseng tsai ka haptashi tin kra lam raüta, Jesuq hokphi wiinai na nyukto. Raüta apaiq hokphi ka akhudap miishe tiiwe takuqto. Kra nyuktaq krai mren, homseng tsai hom wa kriiraq, kra jam ka wiita nyamto.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.

Revelation 3:20

Tai ronglaq! Ngi ka kilam da na chaplata kilü na buk tiikang. Ashi ra raq tai raüta, ngi ma kilü ka dikuq kihaü jiila, ngi ka apaiq jam mong na miwaha, lata apaiq rai adam miphaqsiq ha, kiimaq apaiq riimin ngi rai adam miphaqsiq.