AJONJÜ 5:7 - ASII LAKDAP Bible (BSI)

⁷ Naititiim pat na ngarai tang wanto, shatmaq ümchaü tsangshiq ahü she. Naishiq ka tsangshiq ngarai kha na chamchao tiikai.

Hawa Naga Bible 2001

⁷ Nuiyshiq jix vwaz tamx rueq mvrax yaq wvnc tueq, yuq muinz majuiuc tsuingshiq kuex vguez shex, nuiyshiq kuex tsuingshiq mvrax ningkhvnc nuex kuilc daz rvhumc vtix.

AJONJÜ 5:7 Referencias Cruzadas

RAPHA HIQWA LAK 42:13

Tsangshiq raq treto, “Shiilangwe lei, naishiq ka wiita siphu weroq shi ri wenai wa. Kanan mung na siti weshi se. Naino weshi ka atsai kai kun she. Kiimaq nobung pinthumwe ka ümchaü naiwe rai asi.”

RAPHA HIQWA LAK 42:36

Tsangwe raq tsangshiq ma nguto, “Riita namshiq riika isetiim thun ka wiita tiimobaiq shea dan tlan? Joseph ka ahü she. Simeon kiimin ahü she. Kiimaq ümchaü ka namshiq raq Benjamin kiimin she sheaho dan tlan nya. Achamchaoti ka ngi arli riishat shat!”

YOBA 7:21

Namshiq raq ngi ngarai ka diikuqlot man shea? Ngi raq shutphit kang kra diikuqlot man dea shea? Ngi ka jaqlo liipan niili she imaakho na miraq, Kiimaq namshiq raq ngi rit han jiimin, ngi ka awa wanwi she miraq.

YOBA 7:8

Namshiq raq ngi ka ümchaü chhitlan, shatmaq jai niika chhi man she mirhan. Namshiq raq ngi rit han min, ngi ka ahü she miraq.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

JEREMIA 14:20

Naishiq raq ümmakki na ngarai tangkai, Tatiwe lei; naishiq maiqmii mra thun tiidiitiikai, kiimaq naititiim ngarai min tiidiitiikai.

JEREMIA 16:11

Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

JEREMIA 16:12

Shatmaq kriithaq niimin namshiq riika namtitiim thaq na thittlaiphok she ashut klo wantlan. Namshiq tarü ka nilan wanshakshak kong kiimaq abi siisaq, kiimaq namshiq raq ibom taiman.

JEREMIA 31:15

Tatiwe raq ngutlo, “Rama chela na maiq trang kong, tsantsii bunlak buncha ho trang tiitaitlo. Rechel ka asetiim maaho hoqsiqtlo; Asetiim thun jiimto she. Apaiq ka maiq raq tiijaiq raü min jaiq mak phan.

JEREMIA 31:29

Ümtiikiiwa kra akhing she saüjiiq, maiqse raq akhii ka ngumak she miraq, ‘Anyungwe raq spiqtsi ka ahai siqto. Kriikha na asetiim raq sea miimin ahaiwiq riito.’

EJEKIEL 16:58

Ümniiraq jeasi meari, ashe ashi klowan laü, kiimaq maiqphai asi jaqsham wan laü kra ningkhan ümniika chamchao wan raa dongdii.” Arka, Tatiwe raq toqtantlo.

EJEKIEL 18:2

raüta akha nguto, “Israil mungti raq ara uqkhiima bomtsi arka jam nguto bliiqkiki chongsiqtla? ‘Anyungwe raq spiqtsi ka ahaiwiq siqto. Kriikha na asetiim riimin ahaiwiq siqtlo.’

JEKERIA 1:5

Namtitiim nai tsangshiq pat wa shammibi thun ka ümchaü ahü atsaikai kun she.

WEAWEA 14:18

Ümniiraq ngulaü, ‘Ngi, Tatiwe ka mokhiq ka khiq mang. Kiimaq Ngi raq lungwiitsii jonghea tiichhikuq tiikang kiimaq pinthum tsapkapkap tiikang kiimaq ngarai kiimaq ikiq khiiti mra ka diikuq tiikang. Li jiimin, anyungwe ngarai thun kriikha na, asetiim nai asaütiim ma maiq pat pat-sam na nai patblai na saüli, anyungwe ngarai kha na mo tiihohü ka tlea baiq mang mirha.’