AJONJÜ 5:14 - ASII LAKDAP Bible (BSI)

¹⁴ Ümchaü nyungwere ka, ngongthun chang ba chela kilam chong na, ngamak she. Kiimaq jetu jerobi riimin shishun mak she,

Hawa Naga Bible 2001

¹⁴ Rullungx nyuiuz waz rulx kuex ghaqyungx palx kaluix nuex mkaq muinz ngaungc kaz muq shex, yalxrox bix rueq vtuimc vtvlc raungluingx muinz vguez shex.

AJONJÜ 5:14 Referencias Cruzadas

YOBA 30:1

Shatmaq ümchaü ka ngi ma ano jerobi raq ngi ka shummiitlo! Tsangshiq ma awetiim ka ralang bangbang kong tsangshiq ka ihikong raq skukong rümtlaq kra dongdii min tlii dam mang riikang.

YOBA 30:31

Man na maiqshi maiqnge chojong chise polo taikang, shatmaq ümchaü ka ajü amii nai maaho manyi wa trang lishe tai tiikang.

JEREMIA 16:9

Ngi Ajong Pinthum Tatiwe, Israilnok Shiikeawe raq jamlai bom chongke chang wa sitlaq kra tailaq. Ngi raq chojong chise maiqnai trang kiimaq khoqriiq shishiiq wiinum shewa maiqlam polotlaq kra wiitashe mitiitsaq baiqha. Armung na siti maiqse raq ara chong tiikang mra pin ka michhi.

JEREMIA 25:10

Ngi raq tsangshiq chojong chise, wiinum shewa, junlam poi rüriiq trangtlaq thun kriika wiita tiikaiqshak she mitiitsaq baiqha. Tsangshiq lemtem na chaq chang olip khamtai min ahü she miraq. Kiimaq aphaq asea chang raipo wonglo min ahü she miraq.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

AJONJÜ 1:19

“Ngi rai reraüshiti mung thun tiihea kang, shatmaq tsangshiq raq ngi laobaiqto. Ramwebi nai shiilangbi, tsang ramtsi ma chela mong na, phaqsea rit lam maq atsitsü thumto.

AJONJÜ 1:4

Ümchaü san asii ranaiq niimin, Noqku jam na jumin wamak she, Kiijaq shishunti jechakse re chamchaotlo. Ramwebi ümchaü hannyitlo. Tsangshiq kilamchong keathung kaiqshak kaiqshishe, Jajon chela ümchaü aho ajü.

AJONJÜ 2:10

Jerusalem wa nyungwere kaiqshakshak maq, hiq na ngaraqraq, tsangkhu na botkhulai tiinyat raüta, wunthaü riinaü khea riijob sam raqraq. Junriire ka tsangtok hiq na kuraqraq.

EJEKIEL 26:13

Ngi raq ümchela mong na phan phan ashi ange polotlaq kra tiikaiqshak mitiitsaq baiqha. Ngi raq ümchela mong na phaqlamtoro thun atsü angii kra wiita tiikaiqshak mitiitsaq baiqha.

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

TRI CHONGKE 16:18

Mosheq raq Israilnok ma mung ka riikhaqli peng ra nguta chongto, “Tatiwe namshiq Shiikeawe raq namshiq ma mung kuqtlaq kiijaq chelatek na tuwebi nai siihiipbi ka mung peng wan miitu shong ronglaq. Ara welabi thun raq mungmaiqse ka tingting kappe maq shin raüta peng wan ratlo.

Revelation 18:22

Üm chela mong na paimin toro tsüwa la, boli tsüwa trangla, lüta waja, ashi ange peosea wala ümtinkhan wa siwan laü kriika kaiqshak she miraq! Tsiimwe khiiq we, tiiqwe, jaqsham siimati jumin ahü she miraq. Longtham na longpen tham nyea maq tsamthaü trang ka ahü she miraq!