AJONJÜ 5:1 - ASII LAKDAP Bible (BSI)

¹ O Tatiwe lei, naishiq jamkho thenjen wan kai, kra ümtsan na tiitsang laq. Naishiq khushü jam tlaq ara liilaq.

Hawa Naga Bible 2001

¹ O Yehowa lex, nuiyshiq nuex yvmx lac yaungx yaq nguinx kuex rvwvl shuiuz. Nuiyshiq kuex lawc vtueq, nuiyshiq tvyvlc sac yaq kuex khiz kuq koq.

AJONJÜ 5:1 Referencias Cruzadas

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

NEHEMIA 1:8

Riita ümchaü min, ümniiraq man na Mosheq ma jamlai kiqkham bomtsi wa khakuq laü, kra bomtsi ka ümtsan na tiitsang laq. Ümniiraq Mosheq ma akha chongkuq laü: ‘Namshiq Israilnok raq ibom tai man maq, ikiq khii lanta, tongshong tri wokhong na siwan man riihan jiila, ngi raq namshiq ka tiipin miijin mijobaiqha. Lata pongmung maiqse wokhong na mitiichamchao pha.

NEHEMIA 4:4

Ara tailata ngi raq akha achu jaükang. “O, Shiikeawe lei, tsangshiq raq naishiq shummii tlaq kra tai liilii! Tsangshiq raq maiq slailii tlaq kra, tsangshiq maiqmii khuthaq niitiq mitiinikhi wan laq. Tsangshiq jaq na jamlai phan wa sitlaq kra maiq raq minyea wan laq, kiimaq chiqse rewe raq ka, pongmung na, munglu shumwi ma mitsuq wan laq.

YOBA 10:9

Tsan na tiitsang laq ümniiraq ngi ka hiqdase wa alo haü; riita ümniiraq ngi ka botkhulai ma hali shea mitiijabaiq nong haü?

YOBA 7:7

Shiikeawe lei, tsan na tiitsang laq, irilung arka maiqse tsitsü heatlaq ikhli atoqse; irilung na chochi ka thumto she.

Tvtsvmc 119:153

Ngi chamchaorai tiikang ara liilaq, laüta ngi ara chhiilaq, jamkhano ngukla ngi raq ümtri ka shipoq mang riikang.

Tvtsvmc 74:18

Shatmaq tsan na tiitsanglaq, O Tatiwe lei, ümjaqtinok raq ümniika naikütlo, tsangshiq ka ra weahünok kiimaq tsangshiq raq ümniika saisitlo.

Tvtsvmc 79:12

Tatiwe lei, pongmungti thun ma tsangshiq raq ümniima shumiitaq kra kha na jang miishi tliip laüta mo tiiholaq.

Tvtsvmc 79:4

Naimung tro na siti maiqmung thun raq naishiq shummiitlo; tsangshiq raq naishiq naikütlo kiimaq naishiq ka thophi riiqphi slailiitlo.

ISAIA 62:6

Ümchela tro ruk thun na, Jerusalem lei, Ngi raq kintsongti thun tsong kang she; Tsangshiq ka ranaiq rawa kaiqshak si raa mak she. Tsangshiq raq Tatiwe ma akiqkham thun kra bliiq chong ratlo. Kiimaq ümtiikiimin apaiq ma kriithun ka tlaqbaiq raamak.

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

JEREMIA 51:51

Namshiq nga, ‘Nashiq khushü ka tiijamto. Kiimaq jea tiingaüto. Nashiq ka ümkoq ümphaq lishe sitiikai. Jammin chhechha lot mai. Pong mungti raq Shomjam mong wa asii khok thun ka wiita jii wanto.’

AJONJÜ 1:11

Asenginok ramlü ramshii haü wanto, Raipo wonglo jamin ahüshe riito. Tsangshiq tsiiq chong nyamchong, tsitsü riichüm miitu phaqsea maq klaito, “Tatiwe lei, ngi ara liilaq, ngi akit ajom riihum kang,” nguta chelati hoqtrang tlo.

AJONJÜ 1:20

“Tatiwe lei, tiitsang liilaq, ngi chamchao riihum kang ara, pitlang pitthea ngi! Itsan ka buntoshe ngarai maho tsi raq. Chiihea wea na maiq riijiipwa li she, jam mong niimin, maiq maa phongli she.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AJONJÜ 2:15

Chela lam maq alea wanti thun raq, ümniika thophi riiqphi lea wantlo. Tsangshiq raq tokbai laqlaq raüta, Jerusalem then wantaq kra liitlo. “O, arshea man na tsomhea chela ira? Mangjong tlotli raq ra tsa ikha tsaki wantaq ira?”

AJONJÜ 2:20

O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!

AJONJÜ 3:19

Ikhum na atsi chamchao ka, jamhü waksü liipu raq achok ikha.

AJONJÜ 3:50

Arka Tatiwe raq sanseng ramungtan maq, nashiq liikuq mak wiiwii saruq miraq.

AJONJÜ 3:61

“O Tatiwe lei, tsangshiq raq ngi shummii wantaq ka ataihaü. Tsangshiq raq thiikho thutaq thun ka, wiita asap haü.

HABAKUK 3:2

O Tatiwe lei ngi raq, ümjaqsham jonghea sham laü, kra tsütsa ka tai wan kang. Kra tai lata ngi ümman na, kai shreng manto haisong thü tiikang. Ümchaü naishiq pat niimin thongshi ri hali, shamkuq nong liina. Awang chang jaqsham laü thun ka, ümtsankhiq ranaiq niimin naishiq ma, tiihang wan mangchan thülaq,

Luke 23:42

Kra bom jai she, apaiq raq, “Jesuq le, ümtiikiiwa ümniika Hokham ma ja laüta saüki tlaü, kiitiikaq ngi ari ümtsan na tiitsang laq!” nguta Jesuq ma chongto.