AJONJÜ 3:40 - ASII LAKDAP Bible (BSI)

⁴⁰ Nashiq jamkho shongnga tiikai kra, shinlii laita Tatiwe phana nyap wan nong rong i.

Hawa Naga Bible 2001

⁴⁰ Naungshiq rueq phvnx vshix lvmx kuex helc roalc wuez ix, Yehowa kox nuex kvroz wvnc yek ix.

AJONJÜ 3:40 Referencias Cruzadas

2 KAÜWA WERAÜ 30:6

Hokhamwe nai asengi ajong alabi raq aming kuqtaq kra phan phan, tsütsa chongkaiti maiq pahea Juda mung nai Israil mung hamli tiiwato. Tsangshiq ma tsütsa ka akha tiichong hoto: “Singmung maiqse Israil mungti lei, namshiq ka Asiria mung raq namung khatki raüta tang wantaq kra wali mong wiimin lun wan lan she. Ümchaü sanha Tatiwe, Abraham, Isak, kiimaq Jakob Shiikeawe wokhong niishe jang wan rong laq. Raüla apaiq kiimin namshiq phana hali mijang ki nong.

2 KAÜWA WERAÜ 30:9

Kiimaq namshiq ka Tatiwe wokhong na hali nyap wan nong han la, namphu namnotiim shumwikong ma pong mung na tsuq wantaq kriiti raq tsangshiq khuthaq na mangchan tsantsii mithii. Raüta tsangshiq ka jam na hali mitiijang wan nong. Namshiq Tatiwe namshiq Shiikeawe ka mangchan heawe kiimaq tiihang wan mangchan riimtiwe. Kiimaq namshiq ka apaiq wokhong na hali jang wan han la, apaiq raq namshiq ka awokhong na hali mitiisi wan nong.”

Tvtsvmc 119:59

Ngi raq ichap inga ka shiiton wan kang, kiimaq ümtsii chong ka mitaiha nguta ikiqkhamkang.

Tvtsvmc 4:4

Tiikhai rokrok hai ronglaq lantea ngarai tang ka thaq ronglaq; arka tsan tiitsi lantea shiwea ronglaq, namshiq ümtiikiiwa chang na sanglili kontlan na.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

EJEKIEL 18:28

Apaiq raq jamlai wa shamtlaq kra ajiq nguta sap wantlo. Raüta apaiq raq ngarai jaqsham thun kra thaqbaiqtlo. Krai mren, apaiq ka tengteng tsaimak miraq, shatmaq atra she misi wan.

Hosea 12:6

Riita ümchaü min Jakob saüsetiim lei, Apaiq puk na nyap wan nong ronglaq. Lanta apaiq ma kamtsantsii thü ronglaq. Apaiq ka namshiq Shiikeawe. Lanta apaiq ka tsapkapkap miishe shomnoq ronglaq. Lanta tsankhun tsanmin maq, Shiikeawe ma namshiq rilung lam ka, tiishunshea lantea siwan ronglaq.

Hosea 5:15

“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

1 Corinthians 11:28

Ara chongtiikang arkha maq, namshiq wiitarü khumtek raq, maiqmii tiima tsantsii ka kongkhu samhea shin ronglaq. Kra lantiitiq, Tatiwe winsii kra phaqsiq ronglaq. Kiimaq Tatiwe tiijai kok ka nyang ronglaq.

1 Corinthians 11:31

Shatmaq nashiq raq Tatiwe Poi tsam phaqseaho ma, nashiq tsantsii ka kongkhu shin laita, tsan asii maq phaqsiq hai jiika, Shiikeawe raq akhiika tsatson mak miraq.

2 Corinthians 13:5

Namshiq rilung ka samhea wiq chechiip lanta sirong laq. Kra shin tlan na, namshiq raq tok ka tang han jiitiq tiina, namshiq ka riikhaqli dea, Jesuq Khristo sengi awongsii dea sitlan nguta, mitiingo lot han. Namshiq raq tok ka tanghan jiila, riikhaqli apaiq ka namshiq rai dea sitlo ngushat miraq.

TRI CHONGKE 4:30

Riita ümtiikiiwa namshiq ka chamchao litkot mirhum han kiimaq kra chongkang thun mra pin wan kra namshiq riishe mirhum wan han, kra jiishetiq namshiq ka atiithum niishe Tatiwe pha niishe mijang wan nong han. Lanta apaiq wokhong niishe mishong wan han.