AJONJÜ 3:25 - ASII LAKDAP Bible (BSI)

²⁵ Tatiwe ka apaiq ma, kamtsantsii thüti tarü ma ahea.

Hawa Naga Bible 2001

²⁵ Yehowa rueq vpiq muex tvluimc jix miq pumz tek muex vhvlx lvmz tvkhic yaq,

AJONJÜ 3:25 Referencias Cruzadas

RAPHA HIQWA LAK 49:18

“Tatiwe lei, ngi ka ümniiraq tiichhii wan khe tiikang.

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

2 KAÜWA WERAÜ 19:3

Li jiimin, ümkhum na, phanshi ra ahea phan ka asi. Ümniiraq jechak phra kaü Ashera shomnoq chang setu thun mungmaiqse raq shomnoq tlaq kra runbaiq laü, kiimaq ümniiraq Shiikeawe raq thapthi tlaq kra klo wan miitu shiikut chaq laü.”

2 KAÜWA WERAÜ 30:19

“O Tatiwe lei, naititiim Shiikeawe lei, ümniika thuktsomheawe. Arkha maq ümchu riiwa tsangshiq khum ka phumram kham maq tiisii bat hü miili jiimin, tsantsii wiita kuq raüta ümnaq shomnoq tlaq kriiti ngarai ka adü riikuq laq.”

2 KAÜWA WERAÜ 31:21

Apaiq raq phanrap jaqsham na ong wanto. Jamkhano ngukla apaiq raq Shomjam miitu ümchuwa jaqsham wantaq riimakla Thungtri ka lang raüta jaq sham wantaq thun ka, apaiq tsan mong na Shiikeawe ma tsantsii tlotli kiinong kuq raüta kiimaq Shiikeawe ka pinthum lungwii raütli jaq ka sham wanto.

EJRA 8:22

Jamkhano ngukla, ngi raq hokhamwe jaqwa kumrang thaq na chaoti phenlabi, naishiqnok manglaü wanti wanhiq khum lam na, naishiq ma chiqse rewe maklii wa tiikhup wongke wan miitu, kuqlaq nguta jaü miika, phanshi jeasi chang lamlu ikha jato. Jamkhano ngukla, ngi raq hokhamwe ma naishiqnok Shiikeawe riika, apaiq ma kam wanti tarü ma, achu shiiman kuq tlo, kiimaq apaiq ma kamwan makti ka atiichamchao riitlo nguta achongwi she.

Tvtsvmc 105:3

Chochi ronglaq nashiq asengi; apaiq shomnoqti tarü polo ronglaq.

Tvtsvmc 119:2

Peohea jurwa apaiq aming thun lang raüta sitlaq, jurwa apaiq bom tsantsii wiita kuq raüta langtlaq.

Tvtsvmc 22:26

Miitsan maiqsetiim raq tsangwok phetak chhaq miphaqsiq; Tatiwe pha na wati raq apaiq mitiitsam, Tsangshiq ka pattup pat-sa she dea mirong winlaq!

Tvtsvmc 25:8

Jamkhano ngukla Tatiwe ka kechu kiimaq thep, apaiq raq ngarai maiqse thun ma lam tiichhi kuqtlo.

Tvtsvmc 27:14

Tatiwe miili kamlaq. Kamtsantsiili thülaq, tsaiji naq trankiq. Tatiwe miili kamlaq!

Tvtsvmc 27:8

Ümtiikiiwa ümniiraq, “Wara, laüta ngi noqlaq,” ngulaü, Ngi raq trekang, “Ngi watiikang lii Tatiwe lei;”

Tvtsvmc 37:34

Ümranphan ka Tatiwe ma thülaq kiimaq apaiq aming thun ka langlaq; apaiq raq ümniima mung ka kuq raüta mishreng wan, kiimaq ümniiraq abi klotibi ka ajobaiq wan michhi haü.

Tvtsvmc 37:7

Tsankhun maq khelaq laüta Tatiwe ma jaq ka tiishamlaq; juwa chiithe lüwa jarai wantlaq kra chhilaüta naq chaparaikiq riimakla jurwa abi kiimung raüta ongraitlaq kra miitu naq chapakiq.

Tvtsvmc 39:7

Tatiwe ikhiijiika, ngi ransea chang ka jali wa sita? Ngi ka ümniimiili ran tiikang.

Tvtsvmc 61:1

Ngi hoqtiikang ara tailaq, O Shiikeawe lei; ngi achujaü tailaq!

Tvtsvmc 61:5

Ikiqkham ka ümniiraq tailaü she, O Shiikeawe lei, kiimaq ümniiraq ngi ma kuqlaü she ümnaq shrengtibi rii sitlaq kra.

Tvtsvmc 69:32

Maiq raq tiichamhaotlaqti thun raq ara chhi raüla; tsangshiq ka michochi; Shiikeawe shomnoqti thun tsaiji mijong.

Tvtsvmc 71:14

Ngi raq riiwe kla wranaiqshe ümniima ranlatli misiha; ngi raq ümniika apa tiitsan wan wan latli misiha.

ISAIA 25:9

Kriishe kupi wan raüla, maiqse wiitarü raq akha mingu, “Apaiq ka nashiq Shiikeawe! Nashiq raq apaiq ma kamwankai, kiimaq apaiq raq nashiq tiiwongkuqto. Apaiq ka Tatiwe! Nashiq apaiq ma kamtiikai. Krai mren ümchaü naishiq ka chochikhiq she sitiikai. Kiimaq khoqriiq shishiiq she sitiikai. Jamkhano ngukla apaiq raq naishiq ka tiichhiikuqto.”

ISAIA 26:9

Rawa thung niimin itsan imong wiita kuq lata, ümniikli lungwii tiikang, ümtiikiiwa ümniiraq mangjong hiq kha miphohaü, kiijiiqtiq tsangshiq wiita raq tingting khapho ka jamlai wa kra misap.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 40:31

Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.

ISAIA 55:6

Tatiwe wokhong na jang wan ronglaq, ümchaü apaiq ka aje na.

ISAIA 64:4

Ümnaq akha Shiikeawe ümniima ranphan wantibi miitu atinkhan awang chang jaqshamkuq laü akha shamketi ahin shiikea ka jurmin chhimai shaq riimakla taimai shaqli.

AJONJÜ 3:26

Arningkhan nashiq ma ahea pinthum ka, tsankhun tsanmin maq bumlaita, apaiq raq nashiq tiichhii wan ranaiq tiihongtaq, kra ranaiq saükai kli she khe rong i!

Hosea 10:12

‘Wakdam anyeshe sham ronglaq. Kechu jaqsham tsamlai wan ronglaq. Tsapkapkap mangchan tsam jut ronglaq. Ngi ma kamwan shiiman tsam jut ronglaq. Ngi namshiq Tatiwe wokhong na nyap ronglaq, ngi raq namshiq ma achu shiiman mikuq kang,’ nguta ngi raq tsangshiq ma chongkang.

JEPHANIA 3:8

“Kherong liishaq” nguta Tatiwe raq ngutlo, “Khe ronglaq ngi raq maiqmung thun, shrawan akhing ranaiq kra miitu. Ngi raq maiqmung thun nai mungtan thun kra, adam na riichom wan miitu, itsan na thapthi wan kang she. Kriika tsangshiq ma itsankhiq walü nyaitlaq, kra heng kriimaq tiike wan miitu. Mangjong hiqhraikhü tlotli ka, tsangshiq wa maq chaq lata, wiita mitiikhiim baiqha.

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

James 5:7

Phuno nyinotiim lei, nashiq Tatiwe ka misaüki shaq wiiwii, litkot chamchao ümtinkhan wa riihum wan tlan kra, tsan tiibum lanta nin wan ruq miili si rong laq. Liimanta, wak shamseati we riimin la, awak wa tsam ka midong man shaq wiiwii, tsan tiibum raüta, khekham maq khe tlo. Apaiq raq jurai liirai rajun saü tlaq kra, kheshat maq sitlo.