Acts 9:5 - ASII LAKDAP Bible (BSI)

⁵ Kiijiishe, apaiq raq, “Tatiwe, ümniika juwa?” nguta waito. Kiijiishe, bomtsi raq, “Ngi ahata Jesuq. Ümniiraq tiichamchao tlaü we ahata,” nguta treto.

Hawa Naga Bible 2001

⁵ Sholu rueq, “Taungjix lex, mnoz kuex ukhaq lac rvtonx?” ngoz tueq wiz tueq. Piq rueq, “Ngaz kuex mnoz rueq tvkuilc daz guirguenz vphux waz Yesu rvtauk.

Muklom

⁵ Piq aa pitta, “Teyhungwa, nang utang aa?” Piq aa thawel batta, “Nga Jesu, bara nang aa tahitham phu.

Acts 9:5 Referencias Cruzadas

YOBA 9:4

Shiikeawe ka pinthum taksma kiimaq ningkun jonghea; apaiq man na jumin chaplot mak.

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

ISAIA 45:9

Hamliitak raq apaiq lotiwe rai mirkhiilot shea? hamliitakse anok jamkho kiikha lotaq kriiraq akiq mikhiilot shea? Hamlii da raq alotiwe ma jamlai wa klotlaü nguta bom miwailot shea? Hamliitak raq alotiwe raq lotsü mak nguta misonlot shea?

Acts 10:14

Kiijiishe, Petar raq treto, “Tatiwe akhiiwiqwiq ka phaqsiq mang! Ümchaü niitaq ngi raq apii ashan chang phan ngam angiq ka i nü na thü mang shaqli!”

Acts 26:14

Kra chhairai ka henghea pinthum riito. Kra chhi laita naishiq tarü ka hiq na rirang she riwan kai. Kiimaq kra akhing na ngi ma Hibrunok bom maq abomdam ra wa maiq bom ashi ka akha taikang, ‘Saul, Saul! Ümniiraq ngi ka jaram wa tiichamchao rat ho laü? Minsaü pongwe raq, atijong we piq khu na ahok maq hap raüta, apaiq hokli tiimi tlaq ikha, ümniiraq ngi tiichamchao angu, ümniili khoti chamchao rai tlaü.’

Acts 26:9

“Ngi raq dongdii min tiima wankang, Najareth hiqti we Jesuq lamphan wantibi thun ka wiita shiithen baiq hajaq nguta kai shiikut chaq wan kang.

Acts 5:39

Shatmaq, arka Shiikeawe jaqsham dea jiika, namshiq raq tsangshiq jaqsham ka tangta lot man mirhan. Kiimaq, namshiq maiqmii kriikhoti, Shiikeawe rai riilong liiq ma mojakai min miraq!” nguta Rung welabi ma tsii ka chongkuqto. Krai mren, Rung na ngati welabi raq bom ka Gamaliel raq tsii chongkuqtaq kiijiidea tiisupto.

Acts 9:4

Kiimaq apaiq ka kumrang raikhü wa, hiq na tiidearok dea wato. Kiimaq apaiq raq ra wa maiq bom ashi akha taito. “Saul, Saul! ümniiraq ngi ka jam khano tiichamchao tlaü?”

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

Philippians 3:12

Ngi raq, arthun chongtiikang arka, ümchaü sanha, ong kang she ngutiika ngu mang. Lo, ngi ka Shiikeawe man na, minhap she jawan kang nguta ka ngu mang. Shatmaq, Khristo raq ngi arka, apaiq rii li she nguta tsea wanto. Kra liichum ka ngi raq, i rilung na sap wantlo hajiilei nguta kai shiikutchaq wan tiikang.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.